الشهر مبروك

[بعيد النظر]

سلام الله عليكم في غرابيل الشهر مبروك
ــــــــــــــــــ عساه أجر ومثوبه في صيام الشهر وقيامه
احد وحنين والخندق وذات القدس واليرموك
ـــــــــــــــــ وش تذكرك به يا المسلم اللي يحسن اسلامه

[الرااااااسي]

اسمحوا لي بالرد نيابه عن شعاركم


هلا يامرحبا والله يبارك فيك وانا اخوك
ـــــــــــــــــــــــ وشهر الصوم شهر المغفره مبروكه ايامه
زمان النصر يومن الطغاه خشيمهم مفروك
ـــــــــــــــــــــــ عدو الدين من كثر الهزايم نكّس اعلامه

[الرااااااسي]

وين راح ؟

[بعيد النظر]

يدوم لك البقاء والشعر مال احدٍ عليه صكوك
ــــــــــــــــ كما وصف البحر واللي تعلم للبحر عامه
مادام أنّك عرفت العلم كله عطني اذنك دوك
ـــــــــــــــ بأ قل لك علمٍ اثقل من جبال طويق وتهامه

[بعيد النظر]

موجود يالراسي

واصل لا هنت....


تحياتي.

[الرااااااسي]

الله لا يهينك يا بعيد النظر


اجل عندك تشابه في صفات السفن والسمبوك
ــــــــــــ ترى فالجامعه يا صاحبي طالب وعلاّمه
تهرج هات علمك والعنب ماهوب مثل الشوك
ــــــــــــ يجي رد البرا مثل الصواعق تنسف الهامه


وعن اذنك الوقت وقت افطار

[بعيد النظر]

عناقيد الغضب يا سام 6 بعد تومي هــــــوك
ــــــــــــــــ تساقط فوق راس اللي سكب مرزام وعمامه
يموت اللي يموت و بعدها تصريح للصعلوك
ـــــــــــــــ يقول اكلوا.. وناموا.. مالكم بالحرب وصدامه

[ابن دخيل الله]

مبدعين


ونحن لكما متابعين

[الرااااااسي]

تعرف السالفه والسالفه موالها محبوك
ـــــــــــ لو ان اهل العمايم في زمان الهوش لطامه
زمانك مختلف والصقر عن دور الهدد مشبوك
ـــــــــــ لكن احسب حساب السوق قبل تحطم ارقامه

[الرااااااسي]

اشكرك يابن دخيل الله وانت الاروع

[بعيد النظر]

يقولون الظفر في الراس والدينار وسط البوك
ـــــــــــــ يا راسي ليش ما ترسي لرآس الكفر واصنامه
ترى حبس الحرار الجارحه ماهوب حبس ديوك
ـــــــــــ لا تمنعها هددها خلها في الجو.. حوامــه

[بعيد النظر]

اشكرك يابن دخيل الله وانت الاروع

[الرااااااسي]

عربكم ناميه والمسأله ماهي رصيد بنوك
ــــــــــــ قبيلك ما تشوفه وانت فالشاشات قدّامه
شبح ميراج ترنيدو وعالم تصنع المَـــكّوك
ـــــــــــ وبعض الناس ينتج مصنعه خنجر ومرجامه

[بعيد النظر]

عربنا عندهم وعـدٍ مؤكــد من مليك ملوك
ــــــــــــ .وعد نصر وكرامه من كريمٍ نزل احكامه
وزودٍ فوق ذلك خاتمـة عز وفخر يابوك
ـــــــــــ لا تجعلها تفوتك ..وأخــذ . درع الحرب.. وحسامه

[الرااااااسي]

وعد جزل الوهايب حق متحقق بدون شكوك
ـــــــــــــــ ولا يشمل كثير من العرب لو حزّم حزامه
تلفت فالعصاه وكثرهم ثم لد في كركوك
ــــــــــــــ وفكـّــر فالعراق وعاقبة (شعبه) و(صدّامه)

[برج المملكه]

بعيد النظر


سلام الله عليكم في غرابيل الشهر مبروك=عساه أجر ومثوبه في صيام الشهر وقيامه
احد وحنين والخندق وذات القدس واليرموك=وش تذكرك به يا المسلم اللي يحسن اسلامه

الراسي


هلا يامرحبا والله يبارك فيك وانا اخوك=وشهر الصوم شهر المغفره مبروكه ايامه
زمان النصر يومن الطغاه خشيمهم مفروك=عدو الدين من كثر الهزايم نكّس اعلامه


بعيد النظر


يدوم لك البقاء والشعر مال احدٍ عليه صكوك=كما وصف البحر واللي تعلم للبحر عامه
مادام أنّك عرفت العلم كله عطني اذنك دوك= بأ قل لك علمٍ اثقل من جبال طويق وتهامه

الراسي


اجل عندك تشابه في صفات السفن والسمبوك= ترى فالجامعه يا صاحبي طالب وعلاّمه
تهرج هات علمك والعنب ماهوب مثل الشوك=يجي رد البرا مثل الصواعق تنسف الهامه


بعيد النظر


عناقيد الغضب يا سام 6 بعد تومي هــــــوك=تساقط فوق راس اللي سكب مرزام وعمامه
يموت اللي يموت و بعدها تصريح للصعلوك=يقول اكلوا.. وناموا.. مالكم بالحرب وصدامه


الراسي


تعرف السالفه والسالفه موالها محبوك=لو ان اهل العمايم في زمان الهوش لطامه
زمانك مختلف والصقر عن دور الهدد مشبوك=لكن احسب حساب السوق قبل تحطم ارقامه

بعيد النظر


يقولون الظفر في الراس والدينار وسط البوك=يا راسي ليش ما ترسي لرآس الكفر واصنامه
ترى حبس الحرار الجارحه ماهوب حبس ديوك= لا تمنعها هددها خلها في الجو.. حوامــه

الراسي


عربكم ناميه والمسأله ماهي رصيد بنوك=قبيلك ما تشوفه وانت فالشاشات قدّامه
شبح ميراج ترنيدو وعالم تصنع المَـــكّوك=وبعض الناس ينتج مصنعه خنجر ومرجامه

بعيد النظر


عربنا عندهم وعـدٍ مؤكــد من مليك ملوك=وعد نصر وكرامه من كريمٍ نزل احكامه
وزودٍ فوق ذلك خاتمـة عز وفخر يابوك= لا تجعلها تفوتك ..وأخــذ . درع الحرب.. وحسامه

الراسي


وعد جزل الوهايب حق متحقق بدون شكوك= ولا يشمل كثير من العرب لو حزّم حزامه
تلفت فالعصاه وكثرهم ثم لد في كركوك= وفكـّــر فالعراق وعاقبة (شعبه) و(صدّامه)


بعيد النظر .. و .. الرّاسي

محاوره من اجمل المحاورات على صعيد الساحات و المنتديات ..

والله هالمحاوره فطّرتني وسحّرتني و اكرمكم الله .. :)

سجلوا اعجابي و تحياتي لله دركم

ومبروك عليكم الشهر الفضيل

برج المملكه

[الرااااااسي]

مشرف منتدى المحاوره / برج المملكه

مجهود رائع وتنسيق متعوب عليه هل يكفي ان نقول الله يعطيك العافيه ومشكور ؟ .....هذا اولاً
وثانياً اشاده من مشرف وشاعر بمستواك نفخر بها ونعتبرها وسام خاصه وانني قرأت لك بعض المحاورات .
ورد على ( اكرمكم الله ) نقول ياهلا ويا مرحبا وآنست وشرفت الدار ودربك خضر

والله يبارك فيك على التهنئه بالشهر الفضيل

اخوك / الرااااااسي

[بعيد النظر]

خلصنا والنتيجه مرحبابك والعرب شافوك
ــــــــــــــــــ .كلامك من ذهب مار الذهب مدري كم جرامه
بعد ما صرّت لاعب محترف للمنتخب ضموك
ــــــــــــــــ وبعض الللاعبين يحب من شكله وهندامه

[بعيد النظر]

الغالي برج المملكـــه

بيض الله وجهــك على الحضور والتشجيع


تسلم طال عمرك




تقبل تحيات .

اخـــــــــــــــــــــــ ــــــــــوك

بعيد النظر.

[سعد البراق]

محاورة طيبه في شهرً طيب من شعراء طيبين

بعيد النظر

شاعر معروف ومشهود له بالجزاله

الراسي

شاعر جزل ونجم قادم ، مع أن محاوراته لا تتجاوز الثلاث محاورات في هالمنتدى لكن فعلاً يشدك بكلامه وردوده على الشعراء واتيت هنا لاسجل اعجابي به

[ربح السبيعي]

ياسلام على الابداع


محاوره قمه فالمعنى وجزاله في الالفاض


لله دركم ياعمالقه

[الرااااااسي]

يدوم الك البقا ياللي جدارك ساسه الداموك = مبطــّن بالحديد وخارجيـــّه يلمع ارخامه
جماهير العرب ياراس حربه كلهم حيوك=ومسؤول النوادي حول عنقك علق وسامه

[الرااااااسي]

الشاعر / اسامه سعد
قدومك قدوم السعد وحضورك تشريف وكلامك على العين والراس وانت النجم فقد اخذت فكره عنك وعن بعض الشعراء من خلال التصفح في المنتدى ووجدتك من الشعراء المميزون هنا الله يسلمك ومشكور على تعليقك الوافي

مشرف منتدى المحاورة / ربح السبيعي
اشكرك ايها المشرف والشاعر الجزل وكلامك انت والاخوان نفخر به والله يعطيكم العافيه مشكوورين من القلب

[بعيد النظر]

يالربع ما شفتوا الراسي= ان كان شفتوه قولو له
لعبٍ معه يرفع الراسي=شوف البحر وافر.قو لوله.............................