المساعد الشخصي الرقمي

مشاهدة النسخة كاملة : مبارك عليكم الشهر


جابر غازي
23-09-2006, 12:49 AM
الوالم يا مرحبابه ...


والله الله



نبارك عليكم بالشهر ياهل الديره
........................... وندوّر على المذكور والشيخ طنطاوي

ابو زيد ما حصّـل مع الناس تعميره
......................... بلش بالعراق وحكم جعفر وعـّلاوي
برج المملكه
23-09-2006, 01:44 AM
ارحب يابو غازي

ومبارك عليك الشهر ياراع الوعد :)


عسى الله يبارك فيك ياطيّب السيره=لو ان الزمن ما عاد يرحم ولا ياوي
ابو زيد ليته يطلب الخير و الخيره=مدام ان وضعه في البلد وضع مأساوي
جابر غازي
23-09-2006, 01:56 AM
البقا طال عمرك

اثر الاقدار تخلف فالمواعيد // لا تشره ترى ماهي بديـّه

هذي بخصوص الوعد : ) والعذر مكتوب لاصار الخطا مقري


الله الله


انا صارلي فالدرب لفـّه وتدويره
..................... لكن الطبيب يعالج الجرح ويداوي

خسر تاجر العمله ووقعّت تقريره
.................... ووزن البضاعه غير ماهو بمتساوي

,,,
برج المملكه
23-09-2006, 02:17 AM
معذور معذور :)

عندك


لعلّ الذهيب يحصّلونه مداويره=ويسرح مع السارح و يضوي مع الضاوي
خسر تاجر العمله و كثرت مخاسيره=وراه ايتعامل بالفرنك الفرنساوي
جابر غازي
23-09-2006, 02:28 AM
الله الله


استلم :


يقولون فالميدان رفعه وتمريره
...................... خذ العلم والعهده على حضرت الراوي

كتبت الكتاب ولافهمتو تعابيره
..................... وصاحبك له نيـّه .. لكن انت وش ناوي ؟
برج المملكه
23-09-2006, 02:44 AM
جاك


انا نيّتي يم القصيد و شواعيره=و بالذات ما غنّابه الشاعر الغاوي؟
ليا صرت تسهر بين سجده و تكبيره=ورى ماتصلّي في الحرم وانت مكّاوي؟
جابر غازي
23-09-2006, 03:37 AM
الله الله

استلم :


حذفت الغراب وطار يا علـّه الطيره
.................... وقام يتلفت يم محمود حفناوي

ليا ضاق برج المملكه ضاع تفكيره
.................. يا ليته يميّز بين نجدي وشرقاوي
برج المملكه
23-09-2006, 04:30 AM
طيب طيب


انا ويش ابا في اهل العراق و معاصيره=و فيك العلوم علوم .. وآاذيبك العاوي
اعرف المطيري لو تقادح سعاطيره=يهج ان لقى في الدار روقي و برقاوي
الدندووووونه
26-09-2006, 09:59 AM
جابر بن غازي و برج المملكه

كل عام وانتم بخير...

متابعه لكم....


ودمتم..
الرااااااسي
29-09-2006, 01:42 AM
شعار جزلين وما قصرتوا صح لسان كلً منكم