$$$$ الملعبــــــة ياهـــــداج $$$$

[ناصــــر الغيثــــاني]

أخـــواني أعضاء ومشرفي منتدى غــرابيل ,, يشرفني أن ألعب هــذا الطــاروق مع أخي هــداج تيماء إذا سمح له وقته طبعــاً




ســلام ردية وفا تفــرج الضيـــق=للي منازلهم بـروس الشواهيــق
في منتدى روس الرجال المطاليق=والصدق زين وكلمة الحق تنقال


الليــل ياهـداج جاك الدور والمســرى بعيـد=يالشاعر اللي كلك إحساس إسمع العلم إسمعه
ياللي تحسب البحر سبع بحور منكم نستفيد=لاوالله إلا جــــاك جســـاس إسمع العلم إسمعه

[اسامي]

الله الله


جساااااس الشاعر الرائع ....بدايه ناريه


وبانتظار الشاعر الفذ هداج



صح لسانك جساس


ومتابعين

[برج المملكه]

الله الله الله ياجساس

مار هداجك هداج حي والله نباه و نباك

محاوره سوف تكون من اجمل المحاورات الناريّه طبعا ً :)

ومن ناحية الصف اعذرني ياجساس انت غالي وشاعر يتنومس بك من يقف في صفك

لكن هداج لو يلعب معي وقفت في صفه :)

سرّوها و لله درك ياجساس على هالمبدا العالمي

هداج وينك ابطت بك سنينك ؟

[هداج تيماء]

مرحبا يا جساس

واستلم لاهنت




يا مرحبا ترحيبةً توفي الكيل = فنجالها محكور بالبن والهيل
من هاجسً مايقبل الحيف والميل= والصدق زين وكلمة الحق تنقال




هداج جاك وكاشف المستور والمكر الشديد = يالشاعر اللي معك وسواس اسمع العلم اسمعه
احسب واحلل والعوج مبتور بالسيف الحديد = لا تندفع حطلك حراس اسمع العلم اسمعه

كم كنت اتمنى منك يا جساس

ان تبين هذه الوقفات التي اردت ان تلعب معي عليها

و ان تجعل الامر واضح بدلً من تخفية الوقفات( القافيه ) عني وعن القاريء

ولكن..... لكي يطلع الجميع على الوقفات ( القافيه) التي وضعتها انت في الخفاء

ها أنا ابينها للجميع ( اسفل ) وهي الحروف المكتوبه باللون الاحمر بالاضافه للقافيه المعروفه آخر الشطر


هنا التوضيح /



هداج جاك وكاشف المستور والمكر الشديد
يالشاعر اللي معك وسواس اسمع العلم اسمعه
احسب واحلل والعوج مبتور بالسيف الحديد
لا تندفع حطلك حراس اسمع العلم اسمعه





مع احترامي لك اخ جساس على هذا الاسلوب

[برج المملكه]

8
8
8


الله لا يضرّك و بس :)

[هداج تيماء]

اسامي

هلااااااااااااااا ومرحبااااااااا


يالله حيه منور الصفحة طال عمرك


البرج الشامخ

مرحبااااااااااااا مليار ولا تكفيك

كم يسعدني تواجدك

ويشرفني مرورك

واعجز عن الرد على جزيل كلامك

لك مني اصدق الود وفائق الا حترام

وصفي يكفيه وجودك يالهرم الثلاثي .......... مثل العدوان الثلاثي ههههه

واذا مافهمت الثلاثي استفسر مني واعلمك

[ملحق المخلين]

متابع






للجزلين




وماسك الصف اللي قريبي

[ناصــــر الغيثــــاني]

دام البقا والروس من فوقها روس=والقاع ِحرثت حرث والغرس مغروس
يامدرس الطــلاب تبغي لك دروس=والصــدق زين وكلمــة الحــق تنقال


هداج تيما طاح تحت الكور والعالم شديد=اتلى العهد به ينفض الــراس اسمع العلم اسمعه
آخر زمانه صار شاهد زور والسبه بعيــد=قال القــزاز أغلى من الماس اسمع العلم اسمعه



أخي هـداج ,, الوقفات اللي قلت عنها كلها واضحة وماتحتاج توضيح , لذلك لم أتكلم عنها , ولو تكلمت عنها لقلت أني أقلل من شأنك , أما حرف (( الكاف )) فهو ليس وقفة والوزن واضح أخي هــداج !! فإن كلمـة (( كلك )) تختلف كلياً عن كلمة (( جـاك )) , ولكنها جات بالصــدفة , لذلك إنسى موضوعها .



تقبل تحية أخوك جســاس

[هداج تيماء]

دار القضاء مصدر فتاويه للناس = والهندي المنكــّر دخل فيه وسواس
يسعى لدرب النار ويهزهز الراس = والصدق زين وكلمة الحق تنقال






هداج ضلع ومن رويس الثور لايمكن يحيد = ينطح ويرجع مفلس افلاس اسمع العلم اسمعه
عليك جلد وسجن عشر شهور في قذف الرشيد= والحكم صادر من هل الباس اسمع العلم اسمعه





الاخ / جساس

طلـّعت نفسك منها شكلياً

عموماً تقبل تقديري واحترامي

اخوك / هداج

[برج المملكه]

هداج و جساس

كلاكم شعراء و غنيّين عن التعريف

واصلوا لله دركم

[هداج تيماء]

ملحق المخلين

هلاااااا والله مرحبا

نورت الصفحة وشرفتنا يا ملحق

متابعتك تشرفنا والصفوف تنور اذا انضميت لها

تقبل فائق التقدير


برج المملكه

الله يعطيك العافيه

مرورك الاول شرف

والثاني احرج

عسااااااااااااك سااااااااالم

[ناصــــر الغيثــــاني]

اسامي , الروعــة حضــورك يالقرم ,, والله لايهينك

وصح الله بدنك ومتابعتك تشرفني



أخــوك جســــاس

[ناصــــر الغيثــــاني]

أرحب يالبرج , ولاهنت على المرور والكلام الطيب , ومجـرد متابعتك تشرفني يالسنافي



أخــوك جســــاس

[ناصــــر الغيثــــاني]

صح لســانك ياهــداج واستــــلم لاهنت



هـــداج وش بك تــوّنا في البــداية=ركـّــز شـوي وخل عقلك معايه
حسبي على اللي طلعوا لك دعـاية=والصدق زين وكلمة الحق تنقال



مافيك شكة شاعرٍ مخبور وتضد الضديد=لاشك انا في راسي عطاس إسمع العلم إسمعه
قد قلت لك لاتقرب المحظـور لكنك عنيد=ومن لا يـــدوس الراي ينداس إسمع العلم إسمعه

[هداج تيماء]

صح بدنك يا جساس والله لا يهينك

وصح لسانك ايضاً واستلم لا هنت



الشمس في كبد السما نورها بان= كلً يشاهدها مفتـّح وعميان
الا انت خذ هاك الدعاية والاعلان= والصدق زين وكلمة الحق تنقال



اعطس وهات العمي هات العور وابشر بالمبيد= نسقيك حتى تدفع الكاس اسمع العلم اسمعه
خضنا بحور المعرفة بالشور والراي السديد= وان طال شارب جبت الامواس اسمع العلم اسمعه

[ناصــــر الغيثــــاني]

لاهنت اخــي هـداج وصــح لســـانـــك ويعطيـــك العــافيـــة ،، ومبــــروك عليــــك الشهــــر الكــريـــم




استمتعــت باللعــــب معـــــك والقـــاك فـــي محــــاورة اخـــرى بإذن اللــه بعـــد رمضــــان


تقبـــل تحيــــات اخـــوك

جسّـــاس

[هداج تيماء]

الله لا يهينك يا اخ جساس ويعافيك

وصح بدنــــــــــك وايضاً صح لســـــــــــــانك

والله يبارك لنا ولك بشهر رمضان ويعيننا على الاعمال الصالحة

فيه وفي سواه من الشهور


وانا ايضاً استمتعت باللعب معك



لك مني اجزل الشكر والتقدير

اخوك / هداج تيماء