موج الايام

[الاهلي الراقي]

بسم الله الرحمن الرحيم


اخواني واخواتي بمنتدى الامبراطور
السلام عليكم ورحمة الله وبركاته
هذه بعض الابيات التي نشرت بمنتدى شبكة النادي الاهلي وجماهيره احببت ان انقلها لكم عسى ان تحوز على اعجابكم وان لا تحرمونا من ردودكم الكريمه دمتم بود ومحبه


يا موج ما جت بي تصاريف الايـــــــــام
وجيت انثر ايامي على خد شاطيــــــــك
جيت ابكي الذكرى على قبر الاحـــــــلام
واروي من الذكرى حكايه واحاكيــــــك
يا موج ما مرك صديقن من العــــــــــام
ما جف ما طاها بكثرة مواطيـــــــــــــك
اشوف في جنبك بقى كف واقـــــــــــدام
يا موج صارحني عسى ما اثروا فيـــك
يا موج انا وانته مواليف واخصــــــــام
لا انته مجافيني ولاني مجافيــــــــــــــك
ان كان بك حبن انا عشق وهيــــــــــــام
اما انت تكسينيه والا انا اكسيــــــــــك
ونعيش انا وياه في شرع الاســــــــــلام
والا تفوز ابها عسى الله يهنيــــــــــــك
مليت من كثر التمني والاوهـــــــــــــا م
لا تبعث الذكرى بقلبي تبكيــــــــــــــــ ــك
الله خلق جوفك متاهات وانســــــــــــام
والله خلق ظهرك للانسام تطويــــــــــــك
والله خلق جوفي معاناة والـــــــــــــلام
يوم اسبر اغواري واشوفه يحاليــــــــك
فيني من اعماقك قسى وقت وحطـــــام
سارت بها ريح الزمن في موانيــــــــك
وفيني من الذكرى صدى همس وانغام
واخذ من امواجك منادى وناديـــــــــــك
واحسك اصغر من احاسيس الابهــــام
ولو انت اكبر منه ما ابحرت انا فيــــك