المساعد الشخصي الرقمي

مشاهدة النسخة كاملة : الليله المحاوره الرباعيه المباشره بين نجوم هذا المنتداء


ربح السبيعي
15-09-2006, 05:02 PM
اخواني الاعزاء اعضاء وزوار منتداء غرابيل



سوف يكون الليله المحاوره الرباعيه المباشره بين نجوم هذا المنتداء وهم :



الشاعرين اسامه سعد والرويحي و يقابلهم الشاعرين هداج تيماء وبعيد النظر


وسوف تبداء المحاوره بأذن الله الساعه التاسعه مساء
بعيد النظر
15-09-2006, 06:19 PM
علم يا ربح


شكراً لجهودكم.



.
ربح السبيعي
15-09-2006, 06:33 PM
لاهنت يابعيد النظر هذا من طيبك


في انتظار الساعه التاسعه
سعد البراق
15-09-2006, 07:15 PM
علم والوعد الساعة التاسعة باذن الله تعالى
ربح السبيعي
15-09-2006, 07:28 PM
لاهنت يا ابوسعد


والبدايه تراها عندك يالقرم
سعد البراق
15-09-2006, 08:53 PM
خلـــــــــــــوها


بعد ما جتني رسالتك يا سبيعي = جيت حاضر والوفى معك ما يضيعي
ودي اشري مع هل العرف وابيعي = والثنا والفضل لله سبحانه


سلامي على الي حاضرن في غرابيل = سلامن كتبته عقب قاله لساني
بعيد المراميس
15-09-2006, 09:28 PM
الله الله


لسااااااااااااني


لاكن نشبتوا وانشبكم اسامه بالموال ههههههههههههه


هاحطني فالصف يااسامه انت والرويحي ابي اقود صفكم من غير قصور في هداج تيما وبعيد النظر
سعد البراق
15-09-2006, 09:33 PM
بعدي والله يا بعيد المراميس يا ولد العم

قايد صف وبالامكان تغششني
الرويحـــي
15-09-2006, 09:33 PM
سلام عليكم ااااسف على التأخير يالربع





بسم الله




دعوتن جتني وانا جيت راغبها= والرجال الطيبه عند واجبها
والعلوم العوج دايم محاربهاا=والثنا والفضل لله سبحانه



هلا مرحبا والليل ليل المواويل=على اهل الوفا الي يدركون المعاني
ملحق المخلين
15-09-2006, 09:35 PM
صح لسااااانك




والظاهر أني ضدك يابعيد المراميس مع هداج وبعيد النظر


بدايه قويه
بعيد المراميس
15-09-2006, 09:38 PM
المعاني



الله الله الله


الليل الليل


وانت ياملحق المخلين بيني وبينك المايكرفون لاتقرب صفنا ثم اطعنك <---------- معه قديمي
أبوعبدالرحمن
15-09-2006, 09:58 PM
صحت قلوبكم

متابع لكم

واصلووااا
بعيد النظر
15-09-2006, 10:02 PM
مساء الخير الجمييييييييييع


الليل يا هداج........


انا مع الرويحي.......





’
هداج تيماء
15-09-2006, 10:04 PM
استلموووووووووووووا لا هنتوا






تفضل يا عميلي دش سوق المال = دعاوينا صعيبه والعدود طوال
ومن له حيلةً في حينها يحتال = والثنا والفضل لله سبحانه




هلا مرحبا ترحيبة توفي الكيل =من الجدي وحزامه سهيل اليماني
بعيد المراميس
15-09-2006, 10:07 PM
ياسلاااااام سلم

كلااااااااااااااااااااااا ام كبير ياهداج
برج المملكه
15-09-2006, 10:07 PM
اسامه سعد و الرويحي

و

هداج تيما و بعيد النظر

و

ليله رائعه بحضوركم و بجهود الاخ و الزميل الشاعر / ربح السبيعي

متابع و في صف هداج و بعيد النظر جهرى و العين ترى :)

الليل ياهداج .. :)
ربح السبيعي
15-09-2006, 10:10 PM
ياسلام على الابداع



صحت السنتكم



واصلو وانا متابعين
برج المملكه
15-09-2006, 10:11 PM
هلا مرحبا ترحيبة توفي الكيـل
من الجدي وحزامه سهيل اليماني

هلا مرحبا ترحيبة توفي الكيـل
من الجدي وحزامه سهيل اليماني

هلا مرحبا ترحيبة توفي الكيـل
من الجدي وحزامه سهيل اليماني

هلا مرحبا ترحيبة توفي الكيـل
من الجدي وحزامه سهيل اليماني

ياسلام ياسلام و ارق سنود ياهداج :)
بعيد النظر
15-09-2006, 10:15 PM
دعوةٍ من ربح و الربح عند الله = مع نجومٍ في غرابيل مشاء الله
مير كلمــة نجــم ما هيب حي الله= والثناء والحمد لله سبحانه



يدوم البقاء ياراعي البن والهيل= بـعـدها . الشحم والعود والزعفراني
هداج تيماء
15-09-2006, 10:18 PM
ربح السبيعي


كل الشكر والتقدير على الجهود المبذوله يا مشرفنا القدير


بعيد المراميس

مرحبااااااااااااااااا الله يحييك وفي اي الصفين وجودك يشرفناااااااااااا

ملحق المخلين

يالله حيه وحي الصف اللي انت فيه

منور الصف بوجودك يا ذيبان لكن عينت الهنود الحمرررر هههههههه

ابو عبدالرحمن

صح بدنك ومتابعتك تشرفنا ويا هلااااااااااااااااااا


اسامه والرويحي صحت السنتكم

بعيد النظر يالله حيه ازهلهم الثنين طال عمرك ههههههههههههه


بعيد المراميس

الكبير الله ثم وجودك ايها الهرم هنا لاهنت
هداج تيماء
15-09-2006, 10:24 PM
برج المملكه


مرحبااااااااااااااااااااا اااااااااااااااااا ملياررررررررر

ههههههههههههههههههههههههه ههههههه

(جهرا والعين ترى ) الله يعزك ويعلي مقدارك


وجودك يا برج يعني لي الشيء الكثير الله لايهينك


انا اشهد انك مثال ونموذج في اشياء كثيره

منها الشعر والاشراف والتعامل والتواضع

وعز الله اني صادق

صح بدنك يالذيب وممنون لله اولاً ثم لك

لوجودك ايها الهرم في صفي منور الصف بك يالقرم



ربح السبيعي

هلااااااااااااااااااا ومرحباااااااااااااااااااا

صح بدنك ومشكور على الجهود والمرور المشرف
برج المملكه
15-09-2006, 10:26 PM
دعوةٍ من ربح و الربح عند الله
مع نجومٍ في غرابيل مشاء الله
مير كلمة نجم ما هيب حي الله
والثناء والحمـد لله سبحانـه

ههههههههههههه

ياسلام سلم يابعيد النظر و اشهد انك بعيد النظر فعلا ً :)


يدوم البقاء ياراعي البن والهيـل
بعدها . الشحم والعود والزعفراني

يدوم البقاء ياراعي البن والهيـل
بعدها . الشحم والعود والزعفراني

يدوم البقاء ياراعي البن والهيـل
بعدها . الشحم والعود والزعفراني

الله الله الله الله
الله الله الله
الله الله
الله
سعد البراق
15-09-2006, 10:26 PM
استلم يا هداج


كل شاعر يحسب الليله حسابه = قبل لا تقرى جماهيره كتابه
دام بالمعروف والطيب يهقابه = والثنا والفضل لله سبحانه



عسا الله يخلى الجدي لحزامه سهيل = ياطيبي ويا طيب الرويحي وزاني
ربح السبيعي
15-09-2006, 10:31 PM
عسا الله يخلى الجدي لحزامه سهيل=ياطيبي ويا طيب الرويحي وزاني


ونعم والله ابك وبالرويحي
برج المملكه
15-09-2006, 10:33 PM
البقا كثرها و دبلها ياهداج

يعلم الله انك تعبّر عن مافي داخلي لك و القلوب شواهد ولا عليك زود

واصلوا لله دركم و الله لا يضركم

حضوري ضروري للفائده ويعلم الله اني صادز :)
سعد البراق
15-09-2006, 10:36 PM
ما عليك زود يا ربح السبيعي والله ينعم حالك
برج المملكه
15-09-2006, 10:36 PM
من باب دحر العنصريه و تسجيل الاعجاب

الله الله يااسامه الله الله

عسا الله يخلى الجدي لحزامه سهيل
ياطيبي ويا طيب الرويحي وزانـي

كفو انت و الرويحي كحالان :)
بعيد النظر
15-09-2006, 10:37 PM
برج المملكه


العفو ..يا سيدي..




ما عليك زود.. الله يطول حياتك على الطاعه..




شكراً لك وشهادةٍ ما نعدمها...





تحياتي




,
الرويحـــي
15-09-2006, 10:47 PM
طيب طيب






الشهاده قلتها يابيض الرايه=كان منته نجم ماتدرك الغايه

وان قصر ممشاك ماقل ممشايه=والثنى والشكر لله سبحانه




تحيزم وشد الحيل لايرتخى الحيل=وحسب دقايق ماقفك والثواني
سعد البراق
15-09-2006, 10:51 PM
صح السانك يالرويحي

انا اشهد انك جزل
ربح السبيعي
15-09-2006, 10:51 PM
طيب طيب






الشهاده قلتها يابيض الرايه=كان منته نجم ماتدرك الغايه

وان قصر ممشاك ماقل ممشايه=والثنى والشكر لله سبحانه




تحيزم وشد الحيل لايرتخى الحيل=وحسب دقايق ماقفك والثواني


ياسلام ياسلام يالرويحي


صح لسانك يالقرم
هداج تيماء
15-09-2006, 10:53 PM
استلم يا اسامه لاهنت




حسابات البنوك موثقه بكتاب = وشاهدها من الاصحاب والاجناب
وتركض خيلنا في عالي المرقاب= والثنا والفضل لله سبحانه




تعيشون مار الوادي اليا مشى السيل= غدى اللي عليه من الشجر والمباني
ربح السبيعي
15-09-2006, 10:57 PM
ياسلام ياهداج تيماء صح لسانك
بعيد النظر
15-09-2006, 11:00 PM
انت ما يلــحـق. تقصير يا رويحي= مير باقٍ لك هجاد ومصابيحي
شايفٍ لك في غرابيل تصريحي= والثناء والحمد لله سبحانه


قضيه كبيره وخسروها المهابيل = عسى مانت معهم يا فلان الفلاني
سعد البراق
15-09-2006, 11:07 PM
يا بعيد النظر اشوف الموال والبيت وينه
بعيد النظر
15-09-2006, 11:11 PM
ههههههههههههههههههه



جاك الخير يابو سعد



الميل عليكم





.
سعد البراق
15-09-2006, 11:16 PM
الله الله

استلم لا هنت


يالرويحي عندك بعيد لا ينفس = شايفه ينفخ وصوب القشر يضرس
وازهلوا هداج بنكه يبا يفلس = والثنا والفضل لله سبحانه


نعرف البنوك وعارفين المحاصيل = ويا بنك عملتك الريال العماني
صالح العازمي
15-09-2006, 11:18 PM
هلا هلا هلا هلا

ياسلام ياسلام ياسلام

اسامه سعد ==الرويحي

هداج تيما== بعيد النظر

صحة السنتكم واعذروني على التاخير بسبب تعليق جهازي واللة لحضركم من بدري

والشكر ايضا لاخوي ربح على التنسيق اللي يرفع الراس



متـــــــــــــــــــــــ ـــــــــــــابــــــــــ ــــــــــــــــــــــع
ربح السبيعي
15-09-2006, 11:19 PM
الله الله

استلم لا هنت


يالرويحي عندك بعيد لا ينفس = شايفه ينفخ وصوب القشر يضرس
وازهلوا هداج بنكه يبا يفلس = والثنا والفضل لله سبحانه


نعرف البنوك وعارفين المحاصيل = ويا بنك عملتك الريال العماني


ياسلام ياسلام


واصلو متابعين
ربح السبيعي
15-09-2006, 11:20 PM
مرحبابك يالعازمي



شرفنا حضورك يالقرم
إنســـان
15-09-2006, 11:25 PM
السلام عليكم ،،،،



اسامه سعد ،،

الرويحي ،،

بعيد النظر ،،

هداج تيماء ،،


صحة السنتكم ملايين



واصلوا وحنا متابعين وانا بصراحة اليوم في صف الشيخ اسامه من غير قصور في الجميع ،،




بس عندي ملاحظة اصغر من صغيرة على هداج تيماء ،، كأني اشوف الموال عندك اطول من مواويل الشعراء الباقين ..


والعلم عند الله ..
صالح العازمي
15-09-2006, 11:28 PM
زود النار بالحطب ياربح الليل طويل

والشعار ليلهم مطول الدلال لاتفضي هههههههههه

هلا هلا هلا هلا
هداج تيماء
15-09-2006, 11:29 PM
نشكر الاخوان المتابعين
سعد البراق
15-09-2006, 11:33 PM
ياهداج علامك اصبر لين الرويحي يجيب بيته
ربح السبيعي
15-09-2006, 11:36 PM
لا احتماء هداج تيماء قام ايجيب البيت قدام يجيه الدور
بعيد النظر
15-09-2006, 11:39 PM
:wink: :biggrin:


الليل يالرويحي


هداج يفكر انك أرسلت البيت:wink:




اليل لليل




.
هداج تيماء
15-09-2006, 11:40 PM
ما دريت يالربع احسبه كتب بيته


راح احذفه بس اذا نزل الرويحي بيته
الـهلالي
15-09-2006, 11:45 PM
اسامه سعد ،،

الرويحي ،،

بعيد النظر ،،

هداج تيماء ،،

صحّت السنتكم ملياااااار

مدارس للشعر

اما بالنسبه لي

انا في صف الجميع

واصلوا واصلوا

متابع
ربح السبيعي
15-09-2006, 11:51 PM
ماهي عادة الرويحي يتاخر فالرد اكيد حصل عنده خلل في الاتصال
الرويحـــي
15-09-2006, 11:52 PM
يالله يالله





يااسامه لا هجدناه صبحنا!=وان خسرنا معه ربي يربحنا
الحصاني تالي الليل تضبحنا=والثنى والحمدلله سبحانه



عسى الله يعينك لانتصف باقي الليل=تغني على ليلاك دانه ياداني
هداج تيماء
15-09-2006, 11:55 PM
يا سلاااااام الله الله


استلم




مصارفنا تراجعها بنوك جنيف = لك الله يا عميلي مايجيها الحيف
لكنّ انت وخويك مثل سحب الصيف = والثنا والفضل لله سبحانه




قيل ما تجي مكه يبا يبرك الفيل = وراعيه عمره لا لقيناه فاني
اسامي
16-09-2006, 12:05 AM
عسى مافاتني الكثير


الله الله


ليله غير ,,, وشعّار غير


اسامه , الرويحي . هداج , بعيد النظر


اساتذه لابد من متابعتهم للفايده


صحت السنتكم ولاهنتواااا


متابعين للآخر


واصلوا يا قمم الابدااااع



والشكر للأخ ربح والاداره على الاختيار الموفق



متااابع
بعيد النظر
16-09-2006, 12:06 AM
شفت يا هداج ما قاله اســــــامه= كن ماهو شــايف الناس قدامــه
والرويحي ما على راســه عـمامــه .=.الثناء والحمد للـه سبحانه



تبين خطاكم واستحوا يا رياجيل =ترى ما رضي بالغبن غير الهداني
برج المملكه
16-09-2006, 12:09 AM
الله الله الله الله


واصلوا لله دركم متابع و مستمتع :)
ملحق المخلين
16-09-2006, 12:12 AM
متابع





للجزاله




واصلوو واصلووو
سعد البراق
16-09-2006, 12:15 AM
استلم ياهداج


يابنوكً ما لقت من يراجعها = الحصيل قليلً كيف يقنعها
ليت يالمسئول بالصرف تمنعها = والثنا والفضل لله سبحانه


بعيد النظر يحتاج للشوف دربيل = وهداج في شعبان صام رمضاني
الرويحـــي
16-09-2006, 12:22 AM
الله الله يااسامه كلاااااااااام كبير (:





يابعيدالصبرخلك على هونك =لاتعض لسانك اليوم بسنونك
البلا لاباح سدك ومكنونك = والثنا والحمدلله سبحانه



عسى الله يصبركم على الحط والشيل=وكم واحد ٍ غرته كثر الاماني
الـهلالي
16-09-2006, 12:31 AM
أخي العـــزيز هــداج تيمـاء ,, عنـــدي ملاحظة على وزن مـــوالك !!

الظــــاهر إنك ماتوفقت فيه ==== حــــاول تــوزنه على رابطــة المـــوال (( والثنا والفضل لله سبحــانه ))

محـاورة قمــة ولا نبي ينقصهــا شى وانا اخــوكم .



وواصلــوا واحنا متابعين
هداج تيماء
16-09-2006, 12:45 AM
لو جحدت الشمس يالطيب تراها = باديه ومنوّره باعلى سماها
كيف تجحدها وهو يسطع سناها = والثنا والفضل لله سبحانه




ترى البحر الاحمر لو وقف جنبه النيل= يقولون هذي من صروف الزماني
بعيد النظر
16-09-2006, 12:50 AM
ما يعض لسانه وينشمر ثوبه = غير من يخطي ولا غير سلوبه
شال تهــمه ما نفضها من جيوبه= والـثنى والشكر لله سبحانه


لا تفتل عضـل ما فيك يابو عصاقيل= تراني رحمتــك يوم ربي هداني
سعد البراق
16-09-2006, 01:00 AM
استلم لا هنت


شمسكم ياصاحب العرف معروفه = وان حضرنا راحت الشمس مكسوفه
اسم اسامه ما انته بجاهل حروفه = والثنا والفضل لله سبحانه


نعرف المخارج ما جهلنا المداخيل = نحب الرفاع ولا نحب الطماني
سعد البراق
16-09-2006, 01:13 AM
يــــــــــــــــــــــــ ــــــــــــازين النــــــــــــــــــــــ ــــوم

لي سنين تاركً السهر لكن هذي بركات ربح السبيعي والمحاورة المباشره
الرويحـــي
16-09-2006, 01:23 AM
طيب طيب




كيف حالك يابيض الوجه طمني=للمجامل منته اليوم ملزمني
مالبسني تهمتن كيف تتهمني=والثنى والشكر لله سبحانه




ترا اخصامكم فريّس قوم ونواجيل=ولاعندهم ياهيه ود وحناني
هداج تيماء
16-09-2006, 01:32 AM
استلم لاهنت يا اسامه




خابرك واعرفك يالطيب مفادي = ماتجنب لو هجدناكم هجادي
لو تشوف الموت جايك قلت عادي = والثنا والفضل لله سبحانه







فريق اليمن لو قام ضد البرازيل= وشنهو حصيله غير كثر الهواني
بعيد النظر
16-09-2006, 01:42 AM
حالتي تعجبك يا طيب النيه= رآيـتـي بيضاء ورايتك بنـيـّـه
بس ..هيا خــذ ثـلاثــيـن بالميه= والبقيه لي والله سبحانه


ونعمين لكن خل شرب الفناجيل=لها ناس غيرك يالله المستعاني
سعد البراق
16-09-2006, 01:46 AM
استلم لا هنت


واردين العد بحبالً طوالي = دايمً مشروبنا اقراحً زلالي
وانت لو ازعلك يا صاحبي غالي = والثنا والفضل لله سبحانه



عسالله يجازي دولة الكفر بالويل = برازيلي اثرك مانت مثلي يماني
بعيد النظر
16-09-2006, 01:49 AM
عسالله يجازي دولة الكفر بالويل
برازيلي اثرك مانت مثلي يماني



هههههههههههههههههههههههه




طيب


طيب



صح لســـــــــــــــــــــــ انـــــك




لمحه فنيه فعلاً







.
ابن نميش
16-09-2006, 01:49 AM
اخو العيال


العلم ويش والله مادريت الا الحين


اسامه يلعب مع هداج

وانا مادريت

هههههههههههههه

ليش ما حطيتوه موضوع منفصل


طيب طيب


تو جا فالصف وطش العمامه والدبساء معه

وابن امه يمرني

هههههههههههههههههههه


طبعا في صف ابن عمي وفزعتي اسامه

الليل

وشهو عقبه

هههههههه
سعد البراق
16-09-2006, 01:56 AM
ابن نميش


وينك توك تجيب الدبساء عقب الرياجيل تقاضبوا

بعيد المراميس قاد صفي شوي ولا ادري وين راح

وبرج المملكه ماسكن صف الربع له ثلاث ساعات ولا فتر ويهدد ، والله اني ذالً منه
بعيد النظر
16-09-2006, 01:57 AM
خابرك واعرفك يالطيـب مفـادي
ماتجنب لـو هجدناكـم هجـادي
لو تشوف الموت جايك قلت عادي
والثنـا والفضـل لله سبحـانـه



يا سلام يا سلام


حفظي عقائل الله



عاااااااااااااااااااااااا ش خويي هداج




عليهم والله وكبر..
سعد البراق
16-09-2006, 01:58 AM
بعيد النظر

صح بدنك اطال الله عمرك على طاعته ، وارجع واقول يـــــــــــــــــــازين النوم
ابن نميش
16-09-2006, 01:59 AM
علاه الثلاث صرم اني ما دريت

مار اوريك فيهم كلهم الا البرج عاد مراقب والعلوم

انت تعرفها والضيف في حكمة معازيبه

وابو جسار سامني الورديه (الخفاره)

ههههههههههههههههه

وراح

مايلحك ضيم يالحصان وحنا عندك قريب
الرويحـــي
16-09-2006, 02:04 AM
لقمتن في حلقك اليوم غص ابها= تفلها عيبن ولكن تغصبها

البحور السبع صعب ٍ تغوصبها=والثنى والحمدلله سبحانه



شربنا فناجيلك على ظمر الخيل=ولاباقي ٍ ياكود مصع الاذاني
سعد البراق
16-09-2006, 02:07 AM
تصبحون على خير

اعذروني النوم سلطان

وابي اغلق الجهاز قبل اشوف رد هداج تيماء لاني اذا شفته اعرف نفسي راح ارد

سامحوني ان بدى مني غلط


وتوبة مية نوبه من المحاورات المباشره
هداج تيماء
16-09-2006, 02:07 AM
استلم لا هنت



الزعل يا صاحبي مانته بحوله = حدنا عنكم بعيد ولا تطوله
والبعير الصعب يشتال الحموله= والثنا والفضل لله سبحانه






ترى للبطوله رمز والراس والذيل = لها رمز ما يخفاك يا مودماني
هداج تيماء
16-09-2006, 02:10 AM
مدام اسامه امرح نقول له وانت من اهل الخير



ونقول لكم انتم



تصبحووووووووووووووووووووو ن على خير جميعاً


وصحت السنتكم جميعاً وشكراً لكل من تابعنا
بعيد النظر
16-09-2006, 02:24 AM
الله اكبر وانت عائل ومتــّكبر=ما تصغر في الرياجيل وتـّـكـبر
مار طـعـني واسجـّد لــربك وكــبـّر=. والثنى والشكر لله سبحانه


لك الله ما تشرب غير قوع البراميل=ما تاصل مخضّــبة القنا والسناني
الرويحـــي
16-09-2006, 02:28 AM
اخوي بعيد النظر

صح الساااانك وعلى شانك

وبيض الله وجهك وماقصرت واتمنى مايكون بالخاطر شي وعلى قولتهم مزوح تجي وتروح

صح السااانك وصح الساااان الشعراااء الكباااار اسامه وهداج

وتشرفت باللعب بجوار امثالكم من الشعراء


واشكر كل من تابعنا واقولهم ماقصرتوا والله لايهينكم

ويعطيكم العافيه جميعااااا

واعذرونا ان بدر منا شي

وتصبحوووون على خير جميعااااااا
نـــادر
16-09-2006, 02:29 AM
وصحت السنتكم جميعاً



الله يعطيكم العافيه ماقصرتوا


تحياتي

نادر
الرويحـــي
16-09-2006, 02:32 AM
صح بدنك اخوي نادر

وشكرا على المتابعه ويعطيك العافيه
بعيد النظر
16-09-2006, 02:35 AM
اخي الرويحي,,


صح الساااانك وعلى شانك

وبيض الله وجهك وماقصرت واتمنى مايكون بالخاطر شي وعلى قولتهم مزوح تجي وتروح

صح السااانك وصح الساااان الشعراااء الكباااار اسامه وهداج

وتشرفت باللعب بجوار امثالكم من الشعراء


واشكر كل من تابعنا واقولهم ماقصرتوا والله لايهينكم

ويعطيكم العافيه جميعااااا

واعذرونا ان بدر منا شي

وتصبحوووون على خير جميعااااااا
بعيد النظر
16-09-2006, 05:28 AM
نادر

مرحبا بك



يسعدنا متابعتك للمحاورة






تحياتي







بعيد الظر
برج المملكه
16-09-2006, 04:38 PM
لله دركم كلّكم

ابدعتوا و امتعتوا

محبتي و تقديري للجميع

برج المملكه