مشاهدة النسخة كاملة : السلام عليكم ورحمة الله وبركاته ==( لاحضر حضرته محدن بحوله يرمشي ) تفضل ياشاعر
ابن دخيل الله
14-09-2006, 10:22 PM
السلام عليكم ورحمة الله وبركاته
ياجماعه جاكم الشاعر اللي مايهيب === والعيون اللي تناضر بعينه تعمشي
النجوم اللي جوااار القمر لازم تغيب === لاحضر حضرته محدن بحوله يرمشي
مشاعر حالمه
14-09-2006, 10:40 PM
وعليكم السلام ورحمة الله وبركاته ...
ارحب يالشاعر ..
ان شاء الله يجيك أقرب شاعر ..
( انا باتابع بس هذا حيلي ^__^ )
تحيتي لك / مشاعر حالمه ..
ابن دخيل الله
14-09-2006, 10:56 PM
مشاعر حالمه
ماشاء الله عليك ياوخيتي يابعد حيي
بكل مكان متواجده
شرفتينا بالمتابعه
لك التحيه من \ ابن دخيل الله
مشتــــاق
14-09-2006, 11:18 PM
وعليكم السلام ورحمة الله وبركاته
خلووووووووووها
مرحبا بك بالنيابه كما وسم ٍ مصيب = من سحابٍ يرعد وبه بروق ٍ ترهشي
كم مريض ٍ مايفيده حضور اكبر طبيب=والنعش قد جهزوه لمريضٍ ينغشي
ابن دخيل الله
14-09-2006, 11:35 PM
استلم حياك الله
ان رميت الصيد ماهو بلازم ان تصيب == مثلكم مثل العرب فالزمان الاوحشي
كرر وحاول ترى يمكن الصيده تجيب == وان عوى ذيب الخلا قلبكم لايربشي
مشتــــاق
14-09-2006, 11:57 PM
ابقاك الله
رمينا ما يخطي اللي نوينا يا اللبيب=مار بعض الناس ما عندها غير الحشي
ان مشيت الدرب يا الطيب (ا) تحصل صحيب=لا تعجل يا عميلي نجيلك بالمشي
ابن دخيل الله
15-09-2006, 12:07 AM
البكاء عند المحقق ترى ماهو غريب === والحرامي نكشف لجرته قبل العشي
اقصر الخطوه ودور على ذاك الذهيب ===ولا يعلم من فقد له غنيمه ودبشي
مشتــــاق
15-09-2006, 12:24 AM
خلوووووووووووووها
من يدور في قشيش الغريب مع الغريب = عن شعاب القبله انشد شريفٍ وقرشي
ما التفت يا صاحبي في ذهيبٍ عند ذيب = وانت لا تجلس تلفت وراك وتبلشي
ابن دخيل الله
15-09-2006, 07:07 PM
عارفين الطرقـه اللي تـودي للـقليب === علموا منهو يضيع النهار ويرتشي
ومن تمنى للنهايب عسى ذوده نهيب === والذيابه من لحوم الفريسه تنهشي
مشتــــاق
15-09-2006, 07:48 PM
خلوووووووووووووووووها
من مشى درب الصلاح اعرف انه ما يخيب=يلعن الله راشي ويلعن الله مرتشي
دام قدمه صيده ومعه محنيٍ عطيب=وش يبا في راس ضبيٍ وزود (ا) معرمشي
صح لسانك
سعدت باللعب معك يا بيطار
ابن دخيل الله
15-09-2006, 09:11 PM
مشتاق
صح بدنك والله لايهينك ياشاعر
والشرف لي سلمك الله
وتمسي على خير
لك التحيه من اخوك \ ابن دخيل الله
Powered by vBulletin® Version 4.2.6 by vBS Copyright © 2024 vBulletin Solutions, Inc. All rights reserved, TranZ by Almuhajir