اريد افكار لغرفة اتدبير

[اشراقة الغد]

السلام عليكم ...الى كل من يقراء طلبي هذا الرجا الرد علي ولو بالقليل ...لاني صراحة حزينة:زعلان: علشان غرفة التدبير انا معلمة جديدة تو ناقلة لمدرسة ثانوية ولما دخلت التدبير ضاق صدري مرة من شكلة ...يجيب الهم وعلى طول جاءبالي الطالبات وشلون تحملو يدرسون فية:mf_popean لان شكلة مقرف .............والحين ابغا منكم افكار علشان ازينها فية وادخل البهجة في نفوس طالباتي :11ap:

ودمتـــــــــــــــــــم بخير

[ارين]

اهلا بكِ اشراقه ..

يسعدنى انه طلبك الثاني وبقسمي ..

اتشرف بخدمتك عزيزتي ..

فقط اخبرينى ماذا تردين .؟؟

هل ستغيرين لون الجدارن ..؟

ام تريدين افكار للوحات ..؟



اعطينى تصور عن الغرفه..

حتى اخدمك بما هو مفيد ..؟؟


بانتظار مالديكِ.


اختك .
ارين

[al3nod]

السلام عليكم


انا عندي نفس المشكلة .. غرفة التدبير فاضية .. وش ممكن أحط فيها ديكور للجدران وغيره ..

[ارين]

هلا فيك العنود ..
حياك الله اختي ..


شوفي انا باقولك ..
مادامت الغرفه فاضيه تمام ..
انا اقول احلى شي اذا صارت مليانه لوحات ومالى ذلك ..
شوفي خلى الوانها فراحي ..الوان متعدده ومتنافره ..
وصدقينى بيطلع شكلها شي ..

جدرانها اما انك ترسمين عليها مباشره ..
او انك تستخدمين اللصقات الجداريه ..
وانا اقول اضيفي بعض الرفوف على الجدران ..
لانها راح تعطيها مظهر حلو وجذاب صدقينى ..
واشتري لوحات فواكه ..ومن هالاشياء بتاع المطبخ ..

انا في غرفه التدبير اللى انا الان فيها ..
كانت مررره خربانه وعدلتها مع مدرسه التدبير ..
صااارت ..
مررره ذوق ..
حطيت قطع سجاد ..
ولوحات ..
ورفوف ..
واشياء مررره حلوووه ...
انجنوا عليها ..

ولوحات كثيره حطينا ..
وبعض الزهور ةالورود الصناعيه ..
تحلى المكان شوي وتغير شكله ترى ..


بامكانك تستخدمين اقل الاماكانات ولا تكلفك شي ..
وبنفس الوقت راح تكون النتايج مفرررحه كثيره ..



مادري بس اتمنى اكون افدتك لو بلقليل .

ولو اي خدمه امري امر ..

انا هنا تحت خدمتك يالغاليه..

ولو حابه اشياء معينه حدديها لعلي اقدم لك اكثر ..


اختك ..
ارين

[al3nod]

يعطيك العافية اختي ارين


والله استفدت من اللي قلتيه على الأقل ألقى شيء ابدأ فيه .. والأفكار بتطلع بعدين ان شاءالله ..



بالنسبة للرفوف من وين اجيبها .. و هل هي للزينة بس ..

وتتوقعين ينفع اقسم الغرفة نصين بديكورين جزء للتدبير وجزء للتفصيل .. لان مافيه غرفة تفصيل عندهم بالمدرسه لانها بقرية وما فيها امكانيات

والله يجزاك خير

[ارين]

هلا فيك العنود ..
جد فرحتينى انك استفدتي من كلاااامي ..
لان هذا اللى اسعي له ..


شوفي الرفوف تكون للزينه .وتحطين عليها اعمال البنات ..
وبعض الاقمشه المتدليه منها ..

عندي صور غرفه التدبير ..
لعلي انزلها لك وتشوفينها ..
عندي صور متنوعه لكم غرفه انا اشرفت عليها ..
طبعا طابعها بسيط بسبب قله الامكانات ..

بس بوريك شكلها وانزلها هنا لعلك تستفيدين منها بافكار ..

واذا فيه مكان روعه انك تقسمين الغرفه ..
بالعكس راح تطلع شكلها احلى ..

بس اوصفيلي كم حجمها ..؟
وكيف طوليه او عرضيه ..؟



لعلِ اساعدك بلي اقدر عليه يالغاليه ..


اختك ..
ارين

[al3nod]

هلا والله ارين



مشكورة على ردك .. الغرفة مربعة واربعة متر طول وعرض تقريبا .. مدري تنفع تنقسم .. والصور اللي عندك اذا قدرتي تنزلينها راح استفيد اكيد منها .. المدرسة بترضى بأي شي بسيط ..

والله يجزاك خير ..

[سهر القمر]

يمكن تنظيمها وتوزيع الطاولات على شكل مجموعات ووضع مفارش وزهور عليها وتجميلها ببعض اللوحات وأتمني أن أكون قدمت لكي بعض المعلومات وشكرا
:11ea:

[الاوركيد]

السلام عليكم
انا حبيت افيدكم بتجربتي اول ماجيت للمدرسة كانت غرفة التدبير مالها داعي ابد تجيب الهم خصوصا اني بقرية

بس اقولك وش سويت اول شي طلبت اثاث جديد من الادارة اللي هو طاولة ورفوف مطبخ وجابو لي ماقصروا

وبعدين الارضية مافيها بلاط يعني صبة اسمنت قمت فرشت الارضية بالفرش البلاستيك اللي يشبة البلاط اخذت شكل

رخامي وبعدين حطيت مفرش على الطاولة وباقة ورد وكان عندي في البيت ستائر دانتيل بيضاء قديمة خيطت فيها كلفة

بنفس لون المفرش وثبتنها بمسامير ثم ربطنها بشرايط وطلعت روعة على الشباك

والسبورة حطي حواينها ورق شجر ينباع بالمتر وثبتي عليها ورود انا حطيت زهرة دوار الشمس لانها لونها مفرح ونفس

الشي حطيتة حوالين المكيف وزينا الغرفة بلوحات فواكة وايضا سلات فيها فواكة بلاستيكية وايضا الصقت سلات على

الجدار ووضعت فيها نشرات دينية وثقافية يستفيدون منها البنات وايضا مسوية مجلة جدارية فلين وكل اسبوع نحط فية

مواضيع تخص التغذية يجيبونها الطالبات

ومسك الختام حطي فواحة براحة الفواكة في غرفة التدبير تحسين بالانتعاش والبنات بيحبون التدبير مثل طالباتي

يموتون في التدبير اذا جيتهم في الفصل يزعلون يقولون لا نبي التدبير

واسفة على الاطالة واتمنى افدتكم بتجربتي

تقبلو اارق تحياتي

[asma22]

افكااار جميلة ...انا كنت زيك محتاااسه بغرفة التدبير خاصة انها بقرية والامكانيات محدود وحبيت اضيف لها بعض اللمسات الجميله والغير مكلفة وبما انه مافيه غرفة للتفصيل خصصت ركن لعرض بعض انتاج الطالبات من التطريز وسويت رفوف بطريقة بسيطه وغير مكلفة وهي من الفلين البارز السميك قصيته بشكل مثلث بحجم زاوية المطبخ وصبغته حطيت ثلاث رفوف وعرضت عليها بعض تطبيقات التطريز مثل البطاقات ومفارش ورسمت بعض انواع الفواكه على الفلين البارز وفرغت كل وحده لوحده بحجم كبير شوي ولونتها وكتبت عليها قيمتها الغذائية مثلا التفاح كتبت عليه انا التفاح احتوي على كذا وكذا وهكذا مع بقية الفواكه ورسمت بعض ادوات المطبخ مثلا سكين وملعقه وشوكه طبعا على فلين بارز وفرغته وكتبت على كل وحدة بعض اداب تناول الطعام وعلقتهن بحيث تكون نازله من السقف بالوسط يعني وهم حولين الطاولة تكون فوق رؤوسهن ههههههههههه من زين الوصف والشرح وش بعد ايه زينت ملاعق خشبيه كبيرة بورود مجففة وزينت التدبير وحجات كثيرة المهم انه طلع جنان والكل انهبل عليه واهم شئ انه بافكار بسيطه وغير مكلفة

[ღ حمــ الـ H ــورد ـــرة ღ]

يعطيكم العافيه لك من حضر هنا وساعد بفكرة

<-------------أول مرة تشوف الموضوع :11retcher


ذكرتوني و أنا طالبه ...كنت اعشق غرفة التدبير موت


حتى الباب و الجداران يلي جنب الباب زيناه

بضيف فكرة واحدة و هي تزين الطاولات

أتذكر حنا زيناها بالورود المجففه والاصداف المسطحه

و غطيناها بعد كده بالتجليد


و حطينا بالمروحه مثلها

وفي وسط المروحه شرائط و في آخر الشرائط نجوم


كان شكلها تحفة:11umbup:



وفعلاَ ماكلفت كثير وكلها


أشياء متوفره ويمكن نصنعها باليد


أكرر شكري وجزاكم الله خير :huglove:

[ارين]

جد جزاكم الله خير ..
وماقصرتوا ع اثراء الموضوع بافكاركم وابداعاتكم ....!!

جد اتحمست اشوف غرفكم ....!!!خخخخ
ربي يسعدكم ..
سعدت جدااا بقراءة ماكتبتم يالغاليات ..

ارق التحايا ..
اختكم ..
ارين

[لمياء الديوان]

جميع من مر هنا
جميع من ناقش الفكره
كل من اسهم ولو بكلمة شكر

الف تحية
ولكم مودتي