حمدان بن سالم
13-09-2006, 01:41 PM
فيني بقايا حنّةٍ للمواويل = وعندي رصيد مْن العبث والجهالة
لو شفت ممشاية مع أهل الفناجيل = في داخلي طفلٍ وسيعٍ خياله
كم مرةٍ وانا بوسط الرجاجيل = اسرح مع الهاجس وأردد سؤاله
تدعيني أحلام الصبا بس أنا بْخيل = أصد عنها خوف ماهي نذالة
أخاف عقب الشيب أرجع ورى جيل = أيام ماكان الهوى ينعناله
أيام كنت أقضي حياتي تعاليل = مع الشعر وصويحبٍ ياجماله !!
ماقول دمعي كان يملا المناديل = أقول بسماتي تناثرقباله !!
الدمع ماهو للرجال المشاكيل = أبوي مات وْلا فضحني هماله !!
ضرّيت دمعي مايبيِّن ولايْسيل = الحر دمعاته تراها هواله !!
كنت أرسم أوصافه بدق التفاصيل = عينيه خشمه ضحكته مع دلاله
أحيان انسى شامته وأذكر الليل = واحيان أبدّل طيبته بانفعاله
ومرات تتعبني رموشٍ مضاليل = يالعن أبوها كنّها من ظلاله !
أيام مرّت والأماني مجاهيل = هذا يروح وذاك ينزل بداله
الله يقَدِّيها بستر وتساهيل = العشق لاوقته ولاهو مجاله !!
ماهمّني من هرجة القال والقيل = أخاف ما حقِّق شروط العداله !!
اليوم يكفي بس للعين تكحيل = نظرة سهو ماظن فيها خماله
وأم العيال إنْ شافت عيوني إتميل = ألعن ( إليسا ) وأشتم البرتقاله !!
شعر\ حمدان بن سالم العنزي[/poem]
لو شفت ممشاية مع أهل الفناجيل = في داخلي طفلٍ وسيعٍ خياله
كم مرةٍ وانا بوسط الرجاجيل = اسرح مع الهاجس وأردد سؤاله
تدعيني أحلام الصبا بس أنا بْخيل = أصد عنها خوف ماهي نذالة
أخاف عقب الشيب أرجع ورى جيل = أيام ماكان الهوى ينعناله
أيام كنت أقضي حياتي تعاليل = مع الشعر وصويحبٍ ياجماله !!
ماقول دمعي كان يملا المناديل = أقول بسماتي تناثرقباله !!
الدمع ماهو للرجال المشاكيل = أبوي مات وْلا فضحني هماله !!
ضرّيت دمعي مايبيِّن ولايْسيل = الحر دمعاته تراها هواله !!
كنت أرسم أوصافه بدق التفاصيل = عينيه خشمه ضحكته مع دلاله
أحيان انسى شامته وأذكر الليل = واحيان أبدّل طيبته بانفعاله
ومرات تتعبني رموشٍ مضاليل = يالعن أبوها كنّها من ظلاله !
أيام مرّت والأماني مجاهيل = هذا يروح وذاك ينزل بداله
الله يقَدِّيها بستر وتساهيل = العشق لاوقته ولاهو مجاله !!
ماهمّني من هرجة القال والقيل = أخاف ما حقِّق شروط العداله !!
اليوم يكفي بس للعين تكحيل = نظرة سهو ماظن فيها خماله
وأم العيال إنْ شافت عيوني إتميل = ألعن ( إليسا ) وأشتم البرتقاله !!
شعر\ حمدان بن سالم العنزي[/poem]