النصر.. إلى أين؟!!

[النصرالعالمي]

السلام عليكم


من بعد انقطاع طوويل عن منتدانا الشامخ
اللي يحترم الاعضاء ونقدهم
ولافيه احزاب مثل منتدى ممدوح ومنتدى كحيلان
يااما تطبل لهم ولا موضوعك بيحذف



الموسم هذا مع المدرب الجديد كارينيو يبشر بالخير
بالرغم من الخروج المذل من الاهلي
واتمنى من المدرب يشتغل على موضوع واحد الحين اللي هي انهاء خدمات بعض اللاعبين العاله على الفريق
منهم: القحطاني و سعود حمود والسعران ومحمد نور ومحمد عيد النكبه و عبدالله مادو
ومن ناحية الاجانب يبقى باستوس والمدافع الصخره محمد حسين
واذا كان فيه افضل اجنبي من باستوس صانع لعب متحرك وسريع ومهاري يكون افضل

التخلص من هاللاعبين يريح كحيلان من رواتبهم على الفاضي
وجودهم بالنادي ماله اي معنى غير العبث بتاريخ النادي

لازم على كارينيو يصعد لاعبين الاولومبي والشباب للفريق الاول بس يصعد الافضل
لاننا محتاجين مثل غالب وفتيني وشراحيلي لاعبين يعشقون شعار النصر

الجهاز الطبي يشوف لهم حل لاننا ملينا اصابات غريبه

الحل بسيط يارئيسنا
مايبغالها سنين تخطيط وكل موسم فشل
شوف الاهلي الاجانب اللي فيها صنع الاهلي وخلاه منافس صعب
شوف الشباب
شوف الفتح بقليل من المال حصد الدوري امام الكبار
لكن بفكره وبفكر الاداراه وانهم على قلب واحد صنعوا تاريخ جديد لنادي الفتح

اهم شي من هذا كله كحيلان يحافظ على الاستقرار
الاستقرار ثم الاستقرار



(فريق الالومبي ماسبب فشله-من المدرب او اللاعبين او الدعم لهم متوقف او هناك اسباب ثانيه - فريق الالومبي مهم زيه زي الشباب والناشئين اتمنى الاهتمام بمدرب جيد يعرف كيف يوظف اللاعبين وينمي مهارتهم وهذا شي انت ياكحيلان مع المدرب تشتغل فيه لان الوضع في الالومبي مهزله!!)


اسف على الأطاله واعذروني اذا اخطاءت
واتمنى تتقبلون وجهه نظري