بدووون خجل هل تفعلينها لوطلبها منك ليلة الدخله؟؟؟

[الغـــــــــــــامضة]

بدووون خجل هل تفعلينها لوطلبها منك ليلة الدخله؟؟؟!!!!




قصة واقعية حصلت في ليلة الدخله :11rob:

اول شي انا وضعت هالقصه لعرف ماهي ردودكم على مافعله هذا الرجل بعروسه :بفكر:


اليكم القصه ..

شاب راح يخطب وحده وتمت الموافقة على الخطبة ومن ثم الزواج المهم وش اللي صار ليلة الدخلة بعد مادخل صاحبنا شقته مع زوجته وإلا جواله يدق ويقوم خوينا يرد على الجوال ويدور الحوار التالي :

الزوج : الووووو
المتصل : السلام عليك، كيف حالك يا (فلان) و ألف ألف مبروك
الزوج : وعليكم السلام وينكم يا انذال ماحضرتوا الحفل يا تعبانين
المتصل : والله تعطلت علينا السياره في الخط وحنا جايين عندكم ووصلنا وسألنا عنك قالوا انك رحت مع المدام والحين حنا راجعين الديره
((طبعاً الديرة تبعد حوالي 300 كم))
الزوج : المهم تعشيتوا
المتصل : لا والله
الزوج : كم عددكم ؟
المتصل : عشرة
الزوج : اقولك (حرام وطلاق عشاكم الليلة عندي) قل تم
المتصل : يا ابن الحلال مايصير انت عريس جد و.. و..
المهم مافيه فايده الزوج مصر الا يتعشون عنده
الزوج : يالله انا انتظركم مع السلامه وقفل الخط
الزوجه المسكينه ما هي مصدقه اللي سواه زوجها ليلة الدخلة ثم قال يافلانه انا رايح السوق وراجع
((على بالها يبي يجيب عشاء جاهز)) :11ying:
بعد ربع ساعه رجع الزوج ومعه اغراض العشاء :11ap:
قالت الزوجه وش ذا :11azy:
قال الله يسلمك قومي سوي العشاء لزملاي في العمل جايين من بعيد ولا تعشوا :icon_twis
،،،وفي أثناء الحوار،،، وإن الباب يدق
قال هم ذولا وصلوا يالله همه يا مره وراح عند ربعه يقهويهم المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق):icon_cry:
المسكينه سوت العشاء وتعشوا وراحوا لديرتهم المسكينه متضايقه


والمفاجأة ... ؟؟؟؟؟؟؟؟؟؟





يدخل زوجها عليها ويرمي لها (50000) خمسين ألف ريال قال هذا حقك :110t:
قالت وشوا حقه قال الرهان اللي بيني وبين زملاي العشرة على كل واحد (5000) بأنك تطبخين ليلة الدخلة وش يكون ردة فعلك موافقه والا ... لا وانتي من كسب الرهان وتمت ليلتهم على خير وصاروا اسعد زوجين :احم:




بصرااااحه لو كنتي مكان هالبنت تسوينها والا .. لا ..:تصفير: ؟؟؟؟؟؟؟؟؟؟؟؟؟؟



يله بنات بنتظر ردودكم السنعه :11owoff:

[،’،’الخزامى،’،’]

انا صراحة ما افكر اسويها ابدا...



طيب انت قولي لنا وش رايك...؟؟؟؟!!!!!!!!

[هـمـْـْ الغلا ـْـْـس]

مسـتحييييل اسوويها


لو بعد الزواج بشهرين اووكي


بس ليلة عرسي اقوم اطبخ والله لو حيااته

< قوويه خخخخخخ



مشكووره اختي على الموضوع...

[بنت مضاوي]

حلوة ..

مااقدر اجاوبك لا ني يمكن بساعتها لي كلام ثاني


.

[طيف]

????????

مشكوره

[الوحيدة]

بصراحة بصراحة

لو فكرت بعقل شوي

راح أسويها

قولوا لييييش؟؟

أولا/ أكسب رضا زوجي

ثانيا/ واكسب محبته بزياده ويعرف من ليلتها إني راعية فزعات.

ثالثا/ ارفع راسه قدام زملائه

رابعا/ اوريه أني طباخه ماهره

والنتيجه ... حب لانهاية له

[زايــــ بنت ـــــد]

بفكر بالموضوووووووووووووع


خخخخخخ

[الخياليه]

والله لو ايش ما اسويها
يمكن بعد يومين او شهر ام ليلة عرسي مستحيل
وتقبلي تحياتي

[كليوباترا]

انا بصراحه

باسوويها بس وانا مقهوووووووووره

واطبخ وانا اتحلطم

ومن اليوم الثاني في بيت اهلي

خخخخخخخخخخخخخخخخخخخ

يسلموو كثير

تحياتي

كيبوو

[خالديه وأفتخر]

والله لأطبخ له

حتى لو يبي عيوني أطبخها له

خخخخخخخ
خخخخخخخخخخخخ
خخخخخخخخخخخخخخخخخخ

يعطيك العافيه ع القصه

؛
؛

[safa-27]

بالعكس
اسويها
واللي على روس الحبال يحلها

[ولايـــف]

انا مشكلتي مااعرف اطبخ عشان تسذا

مانيب متفلسفه عليتس:زعلان:

بس لو اني مكانها وبسراحه تسان قشط عباتي وروحت لهلي

واخليه اهو وضيوفه يدورون من يعشيهم:biggrin:

<<لاياشيخه اقعدت على عشاتس بس:biggrin:

يسلموو يابعدي

[سمووره]

والله انا عن نفسي مدري

لكن أتوقع اني بطبخ لكن مع قهر وطفششش وهم وغم ويمكن بكاء على الحظ الشين

طبخ ونفخ من اول يووم وااااااااااااو

يسلموو عيوني الله يعافيك

[مازن]

الغامضة

لو فاتحة المجال للكل لكان اعطيك رايي لو منها وش ابسوي هههههههههههههههه


لقدت استمتعت بمشاهدة الموضوع وردود الاخوات :11ap:


الله يعطيك العافية على هالفكرة الحلوة

[ماسه]

السلام عليكم


الله يعطيك العافيه على ها الموضوع


بس بصراحه لو مكانها كان ابطبخ عاااااااادي صحيح ابنقهر بس ما بيدي حيله عروس لو يطلب عيوني عطيته !!!!!


بس اذا دخل على بالفلوس وقالي عن رهانه مع زملاه على طوووووووووووول بيت أهلي :11bomb:


هذا اللي ناقص يبي يثبت انه رجال علي قدام زملاه والله ما ارضى اعيش مع واحد عقله تااااااااااااااافه لهاالدرجه

بكره يسوي علي مثل ها الحركات وانا معي درزن بزارين علشان يثبت انه رجال :icon_mad:


مشكوره أختي أدري طولت بس بصراحه أنا أول ما قريت الموضوع حبيت اجاوب عليك من القههههههههههر اللي فيني


صارت المرأه أداة لبعض شبابنا علشان يثبتون أنهم رجاجيل عند زملاهم000 يعني اغلبهم ما عنده ثقه في النفس :زعلان:


ودمتم بخير

[سعود]

والله مادخلني هناااا


الا رد خالديه وافتخر



بصراحة من كلااامها احسن انها بنت سنافيه وسنعه



اما الباقيات فلاااااالا تعليق



تحية عطرة

[كليوباترا]

8

8

ههههههههههههههههههههههههه ههههههههههههههههههههههههه هههه

سعود انا باقول مثل خالديه في حاله وحده بس

اذا كنت اكلمه فتره الملكه واعرفه واحبه صدق

اما رجال اول مره اشوفه يوم الزواج وماعرف حتى شكله ولا قط كلمته

يقول اطبخيلي في يوم زواجي يكفي اني خايفه وحالتي حاله

وهو يطينها

خخخخخخخخخخخخخخخخخخخخخخخخخ خخخخخخخخخخ

[دفا المشاعر]

في هذه الليلة الجميلة الوردية
لا تستبدل العاطفة الجياشة الجميلة ذات المشاعر المنسابة

بــــ 50000 أو مليون ريال

العاطفة لا تستبدل بالمال في وقت نحتاج فيه من القرب لا وجود فاصل بعد

فإذا مرت سنة وسنتان وأكثر

فسيكون التذكر الطريف لهذه الليلة الجميلة

ولكن

لن يكون هناك مساحة لذكريات هذه الليلة سوى رهان وكاسب وخسران

////

//

/

هذا رأيي ولكن الواقع ربما يحدد رأينا بدقة بوقت الإنبهار والتضحية بهذه الليلة أم لحظة استحواذ العاطفة علينا فتكون أقوى من ربح رهان يُدفع ويُصرف !!

الغامــضة

ألف شكر على روعة طرحك وجماله

أعجبني فعلا لاقتباس الفائدة والمعرفة من مواقف حساسة في الواقع

نحن بانتظار جديد طرحك بكل شـ و ق

لكِ مني فائق احتراماتي

أختك :: :: :: ::

:: :: :: :: دفا المشاعر :: :: :: ::

[الدندووووونه]

بصراحه ماعندي إجابه ألحين

ممكن أقول لك ماراح أسويها ويوم الزواج من كثر ماأحبه بأقول أسويها..

مدري..

بس الله لايوفقه ليه يطلب مني هالطلب......

وبعدين أصحابه مافيه مطاعم مافيه فنادق ,,,,, ليموزينات في الخدمه توصلهم لو بغوا للربع الخالي,,,,

مالقوا إلاّ زوجي...

إستغفر الله..


حيرتيني....


يسلموووووووووو


الله لايوقفني موقف البنت المذكوره في القصّه...

ودمـــــــــتي


الدندوووووووونه

[دفا المشاعر]

نسيت أوضح أكثر رأيي الشخصي

لو كنت أحبه وشاريته أطبخ له .. لو إني بأكون في خاطري زعلانة

وراح يكون عتاب بيننا لأن الليلة لم تسير مثل ليالي الزواج المعروفة

بس مو أكون مجنونة طبعا وأروح عند الاهل

هذا زواج مو لعب وروحة وجية عند الأهل << تصبر ومن صبر نال

بس تراه موقف مو حلو بالمررررررة

وبيكون يوم ما يتنسي

ههههههههههههههههههههه

ترى رأيي مو مستقر لأنه وقت الواقع بيكون غير هالكلام يمكن كذا ويمكن كذا

والله وأعلم وش بيصير !!

بس أسأل الله لا يحطني بهالموقف إلي تبان فيه شخصية المرأة على حقيقتها

قوية وصبورة وحكيمة أم لا !!

آآآآآمين

شكرا لك يالغامضة

[الوحيدة]

الله يا دفا المشاعر كلامك عين الصواب

مابعد كلامك أي كلاااااااااام


اطبخ له وش فيها؟؟؟؟

عاااااادي بس ما أقول لأحد غير مامي..

لأن الناس ماتبي الخير لأحد أما مامي فراح تقول بنتي القرمة {{ يعني السنافيه

[ثـــــامر]

تبون الصحيح الموضوع شدني ومالي دخل بس ابي اتكلم .

عنهم ماتعشوا 60 سنه بعدين الرجال يعاني من نقص .يااهبل تبي تثبت لهم انك راجل في ليلة الدخلة ليلة عمرك تبي تكسب الرهان طز في الفلوس لوكانت ملايين .
مافي مشكلة تطبخ له زوجته بس بعدها يطلع رهان وحركات بزران احس انه رجل تافه جدا والاتفه خوياه .قال سعيدين قال اقول الرجال جننها من كثر انه يبي يثبت لاخوياه انه رجل؟

[@دلوووعه@]

بصراحه

باسوويها بس وانا مقهوووره

خخخخخخخخخخخخخخخ

خخخخخخخخخخخخخخخ

يسلمووووووووو


اختكـ/@دلوووعه@

[المؤمن بالله]

لو انا مكان العريس

اطبخ انا وما اخليها تطبخ


<<<<<<<<<<< فنان في الطبيخ اكيد طبخ احسن منها

وآخذ الرهان

بس انا اقول تطبخ وتمشيها

تحيتي

[حورية]

بصراحة راح اطبخخخخخخخخخخخخ لهم العشاء وانا ميته قهررررررررررررررررر واكيد دموووعي اربع اربع

لكن بعد ان يجيب لي الخمسين الف ارميها بوجهه وبقعد زعلانة كم يوووووووووووووم

[الغـــــــــــــامضة]

الخزامى


مشكورة على المرور بقول اخر شي ايش بسوي مكانها ..



همووووووسة

مستحيل متأكدة خوفي من الخجل توافقين بس وقتها حياك خيتو :)



بنت مضاوي

هههههههههههههه انزين ليه ماتقوليلنا الكلام الثاني ؟؟



جوري بريده

ليه علامات الأستفهام ايش اللي ماوضح لك بالموضوع؟؟



الوحيدة

ياعيني على راعية الفزعات قدها وقدود :11oud9: ..
الله يكملك بعقلك ويزيدك يارب..



بنت زايد

ننتظر رجعتك ..



الخيالية

يومين ماكنها قليلة مدما تقولي مستحيل؟؟



كيبو

هههههههههههههههههههههههه ابو التحطيم صدق الرجال مايراعون مشاعرنا :11oud9:



خالدية وتفتخر

وش هلاكرم وش هالطيبة وش هالحب لايكون مخطوبة وتحبين خطيبك بس هههههههههههه امزح خيتو ..
الله يقويك ويقدرك على اكثر منها ..



safa-27

الله يقويك عسوووولة ..



ولايف

مايصلح يهون عليك تخليه بدون عشا
<<<<<<<<<مصلحه الاخت
ههههههههههههههههههه



سموورة

صح صعبة خاصة باول يوم نفخ ونفيخ وين الليي قولوا شهر ماتطبخ صح ووين راح شهر العسل؟؟





乂 .. مـــــازن.. 乂

مايمنع مشاركتك اخوي مازن بالعكس حياك انت وردك خيو يله بننتظر ترجع وترد ..



ماسه


الله يسعدك ساعسل جد ضحكتيني بس ليه معصبة مايسوى كلامك منطقيا صح لأنه مافي مجال للرهان على امور مماثله خاصة بيوم الزواج وتفكيرك واقعي بحت تشكرات عمرورك الحلو مثلك :11umbup:



سعود

يعني يخطر عبالك يجي يوم وتسويها ياسعود؟؟



كيبو

هههههههههههههههههههه

لا ان شاءلله مايطينها عليك ولايوم ياعسل المنتدى :huglove:




دفا المشاعر

لن يكون هناك مساحة لذكريات هذه الليلة سوى رهان وكاسب وخسران

مقولتك هذي حكمة وتدل على تفكيرك المستقبلي :11umbup:




الدندووووونه

افااااا شفيك تدعين عليه تراه مجرد نقاش لااكثر ولااقل حاولي يكون تفكيرك ايجابي ومتفائل والله يوفقك بكل مواقف حياتك ..



دفا المشاعر

بس أسأل الله لا يحطني بهالموقف إلي تبان فيه شخصية المرأة على حقيقتها

قوية وصبورة وحكيمة أم لا !!

ليه تكرهي انه تتبين حقيقة شخصيتك لشريك حياتك اذا كنت واثقة من نفسك؟؟


الوحيدة

لأن الناس ماتبي الخير لأحد أما مامي فراح تقول بنتي القرمة {{ يعني السنافيه

صادقة والله محد يعطي خير :11umbup:



ثـــــامر

ماشالله الله يزيدك عقل وحكمة وقناااااااااااااااااااااا اااااااااااااعه ..




@دلوووعه@

ان شالله ماتنقهري خيتو خاصة بهاليوم ..




المؤمن بالله

عاد لوبتطبخ ماتوقع يكون عندها اي مانع بس الانسب يوم ثاني غير هاليوم ..



حورية

ياعيني على السنعه :واو:



عن نفسي ورائي الشخصي ..

اتوقع اني اطبخ له العشا لان الجو بيكون مضطرب وغير مريح فبدوري كبنت ادور اي مهرب اهرب منه فمابالكم لوجوه ربعه وبينشغل عني وبنشغل انا اتوقع ان الموقف بيخفف من الضغط النفسي وبيشغل العقل بالتفكير بشي ثاني ثانوي
وبتكون مستقبلا موقف طريف مر باول يوم زواجنا لكن سالفة الرهان ماعجبتني صراحة حتى لومليون مو خمسين الف لانه يوم جدا مميز فصعب اني ارتبط بشخص مايقدر قيمة هاليوم ومايثق بحقيقة زوجته هذا رائي المتواضع ..


حيـــــــــــــــــاكم

[سارهـ]

أنا ما ادري بس دايم اقول ا ابس اسوي وماودي <<<عند أهلي


بس إذا جاء الجد والله ما يقعد بها غيري في النهاية

[الغـــــــــــــامضة]

هههههههههههههههههههههههه


ياحياتي ياسارهـ

لاعليك عاد زوجك أكيد بيدلعك وقلي ادللي وامري شتبيني اطبخ لك :)


حياكم

[جواهر عبدالله]

المشكلة مو مشكلة أطبخ أو ما أطبخ

أخاف أطبخ ويجي طبخي كنه وجهي وأتفشل من أول ليلة

أو أخاف يولع فيني الفرن ..

<< ما تعرف تولع إلا فرن بيتهم

وأقول يا ليتني قلت لا .. كان أحسن .

[*أهداب*]

بصراحة بصراحة

لو فكرت بعقل شوي

راح أسويها

قولوا لييييش؟؟

أولا/ أكسب رضا زوجي

ثانيا/ واكسب محبته بزياده ويعرف من ليلتها إني راعية فزعات.

ثالثا/ ارفع راسه قدام زملائه

رابعا/ اوريه أني طباخه ماهره

والنتيجه ... حب لانهاية له


ياعيني ..والله شوفوا الكلام الزين والرومنسي ..

ايه كذا المرة السنعة ...



ثم وش اللي يقولن على بيوت أهلنا على طووول

وراكن ..بس قال أطبخي لي ..قلت وين درب الباب ..؟؟؟


أنتم تهقون أني راح أطبخ له هو وأخوياه ..؟؟؟

[المملوووحة]

ماظن بسويها

لو توصل للطلاق


لانه انسان مدري

:(

وربعه بعد

وش ذاااااااااااا


بس ابشركم مره ذيك الليله بسلاااااااااااام

هو اللي قام طبخ

امزززززززح قصدي قام طلب خخخخخخخخ

سي يو

[جواهر عبدالله]

أهداب

،

،

أنا أتوقع بتطبخين .. بس الله يستر لا تطبخين له ضبان .

[أمل عبدالعزيز]

الغامضة

لو فاتحة المجال للكل لكان اعطيك رايي لو منها وش ابسوي هههههههههههههههه


لقدت استمتعت بمشاهدة الموضوع وردود الاخوات :11ap:


الله يعطيك العافية على هالفكرة الحلوة



ههههههههههههههههههه

يارب رحمتك من مازن

طيب يامازن تخيل أنك مزنة

يله علمنا وش بتقول له؟
ههههههههههههههههههههه

غامضة

عارفة لو قالها لي

بقول له شبيك لبيك

وش تبي بس

آمر

مثلوثة:11oto:
مربوعة:11ctor:
مخموسة:11ccer:

هو بيفرح

ويقول على طوووووووووول أبي مخموسة:11ap:

تسان أصفقه ذاك المخمس ألي يحبه قلبك:vampire:

وأقول له

بقية الخمسه روح عطها أخوياك:11bomb:
وقول هذي هدية من زوجتي الرقيقة

ألي ظهرها مشرط وناوية شر وتشريط لو طوولتوها


.
.
.
:harp:

[بنت السعوديه]

بسيطــه.. زوجي هو نفسه مثل أخوي ماراح أفشله قدام الرجال ...

( أكيد بطبخ وأنا أبكي وبعد ماأصكه كف):biggrin:

هذا إذا فعلا (مزنوق) ... لكن إذا السالفه مزح ثقيل ؟؟!!!


المشكله /// بتضيع كل الروائح العطــره وبتبقى روائــح البصــل .. ويصير شهر بصــل !!!


هههههههههههه



الغامضه تسلمين ع الموضوع الجميل

[*أهداب*]

أهداب

،

،

أنا أتوقع بتطبخين .. بس الله يستر لا تطبخين له ضبان .

جواهر

اضحك الله سنك
عاد ضبان ..لا هم من حالهم بيعذرون مادام الأكلة ضبان
الا إذا كانوا من هواة اكلها ..
فالله يخلف ..ونصير كمن قال مكرهاً أخاك لا بطل

<<-- تخاف من جدتها لا تشره عليها لو درت

[شيخة الحزن]

بصراحه عااااادي لانو كذا كذا طابخه



عادي مافيها شيء ولكل وقت ضروفه


بس كله بحسب معزته عندي

[دفا المشاعر]

لا تعليق على أمل

كل حرف منها يموت ضحك

حلوة مزنة من مازن

ومثلوثة ومربوعة ومخموسة

وبالذات مخموسة راح تكون ليلة مخبوصة

ههههههههههههههههههههههههه ههههههههههههههههههههههههه هه

الله يستر وش بتسوي بشريك حياتك من أول ليلة الزفاف !!

هههههههههههههههههههههه

أشكرك أختي على الموضوع للمرة الثالثة

[ابو يحيى]

مساء الخير واشكرك على القصة الرائعه السلام عليكم ورحمة الله وبركاته

[ابو يحيى]

تحياتي إلى إدارة المنتدى واتنمى ان يضاف موضوع اسماء الاطفال البنين والبنات وممكن انه موجود ولاكن لم اجد البحث عنه وإن كان موجود ارجو الافاده ولكم تحياتي العطره

[اروى2007]

ليش مااطبخ بس اهم شي تكون النتيجة مثلها

[للرجولة معنى]

اسمحوا برأي من الطرف الآخر



أنا أقووول مالها إلا توافق


وش بتقول لاهلها متعبني من اول يوم




ومن سابع المستحيلات أن ترفض لأنه ليس في صالحها أبدا



وبالأخص إن كان المجتمع ريفي يغلب عليه طبع البادية





وإن كان المجتمع في مدينة كبيرة وأناس متحضرين فالوضع مختلف جدا

















وأنا أقووول لن ولن ولن ترفض حتى وإن لم يكن هناك 50000




لأن الزوج أغلى عندها من ها الخمسين(((إلا أذا عندها كلام ثاني)))



















****هذا مجرد رأي من الطرف الآخر



أخوكم:كابتشينو بحبوح





تحياتي

[شموخ نواعم]

كر كر كر كر

أما اسويها كثري منها

اقول الله لايهينه يروح لأقرب مطعم