المساعد الشخصي الرقمي

مشاهدة النسخة كاملة : النوري اواي شاعره


محمد الدهمشي
10-09-2006, 12:05 AM
يشرفني اللعب معك ياخت نوره وانتي شاعره غنيه عن التعريف

يوم برج المملكه فند بنوده=ان جلستي عندنا مافيك خيره
كيدكن ماكل رجالن يكوده=وش عملتن بالنبي يوسف وغيره


اقصدليت البرج يوم حط ملاحظاته استبعد الحريم من منتدانا لانهن ماهن بستواناههههههه (تراها مزحه ياختي)
ربح السبيعي
10-09-2006, 12:15 AM
ياسلام على البدايه القويه


صح لسانك يابوراشد


نتمناء ان ترد عليك النوري علشان توريك الشغل ههههههههههه
النوري
10-09-2006, 12:41 AM
يشرفني اللعب معك ياخت نوره وانتي شاعره غنيه عن التعريف

يوم برج المملكه فند بنوده=ان جلستي عندنا مافيك خيره
كيدكن ماكل رجالن يكوده=وش عملتن بالنبي يوسف وغيره


)


وانا اتشرف يابو راشد

استلم

ابو راشد ياعسى تسلم اعضوده
يرفع الرايه ونعم...نعم السيره
قيمة الرجال معروفٍ بذوده
تكبر افعاله ولوهي صغيره
تركيه
10-09-2006, 07:44 AM
ابو راشد صح السانك 00



نوره صح السانس 00



لاهنتوو تحياتي 00
عبدالله المريخي
10-09-2006, 11:01 AM
متااااااابع



بشوووووق



واصلووووووووووووووووووو

دمتم
ناصر السبيعي
10-09-2006, 08:41 PM
أبوراشــــــــــد..............



النـــــــــــــــوري........ ..


رائعين.........ومبدعين

سجلوا متابعتي واستمتاعـــــي
طيف
10-09-2006, 08:46 PM
النوري..

صح لسانك يالغاليه..
النوري
13-09-2006, 11:25 PM
المتابعين الاعزاء
اعود اليكم...
بشوق اعود

ابوراشد
لاادري هل مازلت ترغب في المواصله ام انني افتح المجال لشاعرات المنتدى
ارجو الرد
واشكر الجميع هنا
النوررررري
محمد الدهمشي
14-09-2006, 07:05 AM
الاخت نوره اسمحيلي على التأخير فانا كنت مسافر
واستلمي لااهنتي وتراني عدو الحريم ومادانيهن هههههههههههههههههههه


الرجل هو راعي البيت وعموده= وانتن والله مالكن بالخير سيره
يأسود الغاب مادري يافهوده=اطردوا نوره ورى حد الجزيره
النوري
14-09-2006, 02:36 PM
عودا حميدا
ابوراشد


واتحداك تستغني عن الانثى؟
ام حنون .....واخت سند......وزوجة رفيقة


الفتى لوما تعدا بالديار حدوده
ينتخي بأخته وتشناه العشيره
لو تخلاعن حشيمات(ن) سنوده
ياعساه تشلوطه نار(ن) سعيره
ويلك ياللي تعادينا..............
محمد الدهمشي
14-09-2006, 08:35 PM
خلوها0000استلمي وخلي الحريم ينفعنك ههههههههههه


الرجل مدح العذارى مايزوده=مايجي في خاطره كبر الشعيره
من هو الليله يبى يثبت وجوده=ويقلع النسوان في شبك الحضيره


وتراها مزحه يالنوري لاتزعلين
النوري
15-09-2006, 04:21 PM
حياك الله
ابو راشد


خل عنك ؟
النسوان هن قاعدة البيت
يوم الرجل غطاه.. والعيال اركانه.
ولا واحد له غناة عن الاخر.
وهذا قدر يفوح بالعطاء اسمه الأسرة>>>>>حقوق التشبيه محفوظه لي انا بس؟
ركز ولاتقول ماقالت بنت ابوه عساه بالجنه؟؟

واستلم يالذيب...


الله العالم خديجه كيف جوده
مدت ايده بالعطاء ماهي حسيره
وإلا خوله فالمعارك ,ثم سوده
خيرة النسوان, ياخافي البصيره؟

......

والي يومنا هذا والطيب فينا يالحريم
وانشد بسوق الاسهم .عن بنت العليان<<<<هاموره عقبالنا ههههه
محمد الدهمشي
16-09-2006, 08:44 PM
ياسلام النسوان هن قاعدة البيت0000لاوالله هن خراب البيت
(من كره النساء عظمت قيمته) حقوق الطبع محفوظه

انتي يالنوري على العالم حسوده==تحسدين الناس لوقطعة فطيره
دورخوله واعسى ربي يعوده==ويمكن انك مع ابولهب خشيره



لاوالله الطيب من دورخديجه وعايشه الى دور جدتي جوزاء وانقطع
النوري
16-09-2006, 10:08 PM
انتي يالنوري على العالم حسوده==تحسدين الناس لوقطعة فطيره
دورخوله واعسى ربي يعوده==ويمكن انك مع ابولهب خشيره


إيه....هين هين يالتماسيح المغرده؟؟

والنعم بجدتك وجدتي وبي والله./سحالي فقط (مع اني ضدهاالمسميات)


اقول اركد وخذ العلم الوكاد>>>>يارب مايزعل احد



النفوس اللي على العالم حقوده
تستضيق ابها البلد ماهي كثيره
والغنادير الرعابيب وخدوده
طيحن قيس الملوح.. من بعيره


اكيد انه راكبن بعير لان ماهنا همر؟
انا ماكنت موجوده وقته...ومع هذا ابصم.


وانت ياابو راشد
همر والا قعود.الفين وسته؟هههههههه
نـــادر
16-09-2006, 10:19 PM
النوري





صح لسانك



ابو راشد الله يعينك على الحريم




متابع لكم
ابن دخيل الله
16-09-2006, 10:23 PM
النوووووووووووووووووووري



انا معك كلي


وابو راشــــــــــد خربوطي ماعنده سالفه


حيلتس فيه ياوخيتي ( اخوتس ياختي ) الحقوق غير محفوظه




وااااااااااصلوا
النوري
16-09-2006, 10:43 PM
خوش صدفه
انت يابن دخيل الله
اتمنى تدخل بمثل هالمحاوره حيثك جزل
وتعرف قيمة الطيبون؟

وبعض ناس خبركان ..الله لايعوق بشر

مستعينين بالله.......
عبدالرحمن الجبابرة
16-09-2006, 11:13 PM
دورخوله واعسى ربي يعوده==ويمكن انك مع ابولهب خشيره

ما كأنها قوية شوي يابو راشد ؟

مهما كان الأمر أو الضرورة الأدبية فلا يجب بأن نجعل إبداعنا يرتع في الحمى دون ضبط


مودتي للجميع
محمد الدهمشي
17-09-2006, 05:06 PM
ابن دخيل والله عوايدك مسقيك ابوراشدسم الحياياههههههههههه
الاخ عبدالرحمن جزاك الله خير وشكراعلى الملاحظه

ويقول ابوراشدحفظه الله (لاتردعلى المرأه فان الصمت يقهر الاعداء)
وصراحه اللعب معك يالنوري ممتع واستلمي

تنفثن السم بخيوط امعقوده=وكم عشيرن مايبى شوفة عشيره
طقي راسك فالجبل قبل صعوده=ومالك الليله سوى سيوفن شطيره

هاه يالنوري يابنت ابوها0000تنسحبين وتعترفين بالهزيمه والا لا00000000000؟
الدندووووونه
17-09-2006, 05:47 PM
إبداااااااع منقطع النضير


سجلوني متابعه لكم....



أبوراشد...... دامك معترف بكيد النسا وش له تحدى....هااااااه


النوري عليك به...



أبو راشد كيدنا واجد شهوده = لاتدخّل نفسك بغيره وحيره
الهزيمه للي يكثر وعوده = بس تدري فضها أرجوك سيره

لاأحد يزعل مني...

مجرّد مداخله...
ودمــــــــتم

الدندووووونه
محمد الدهمشي
17-09-2006, 08:58 PM
الدندوووووووووووونه
شكرا على متابعتك

((انه من كيدكن ان كيدكن عظيم)

اشوف بديتن تفزعن لبعض ههههههههه
الدندووووونه
18-09-2006, 09:27 AM
يعني خلااااااااااااص رفعت الرايه البيضا
بـنـت الـشـيـوخ
18-09-2006, 10:00 AM
يالنووووووووووووووووري يحفظ ربي
ماشاء الله عليك
لاعدمنااااااااااااااااااا ااااااااااااااكـ

كملي

احنا معكـ

يابو راشد مبدع ولاهنت
لجللك زرعت الورد
20-09-2006, 08:54 PM
ونعم بك ابو راشد ونعم بالنوري

تحياتي لكم
أبوعبدالرحمن
20-09-2006, 09:15 PM
صحت قلوبكم

متابع هنا
الاسـطــورهـ
20-09-2006, 09:35 PM
بعد قلبي النوري

أعطيه لاترحمينه

عسى عيني ماتبكيك..

أبو راشد الله يقويك.
ابن دخيل الله
20-09-2006, 11:05 PM
اثر الحريــــــــــــــــــــ ـم صعبات


اعترف يابوراشد بالهزيمه قبل يحكمن عليك اعدام النوري وربايعها

الله يكفينا شرهن ولا يجعل لهن علينا سلطه


ياربي ياحبيبي
طيف
26-09-2006, 10:03 PM
النوري صح لساااانك يالغاليه..
بدر البشري
10-10-2006, 01:23 PM
الاخ راشد

الاخت نوري

صحت السنتكم .... ومتابع لكم لاهنتم
عوادالعلي
12-10-2006, 11:42 AM
ابوراشد


صح لسانك كما عهدناك متواضعآ وشرس


النوري

مالقيتي الا ابو راشد اللي ماتجرأنا عليه حنا ومع احيي

اقدامك

وصح لسانك وانا بصفك وابتخلا عن خويي
نبضة وفاء
12-10-2006, 05:05 PM
مع تحياتي للجميع
وصح لسان الكل
واسمحوا لي ياخوي ابو راشد واختي النوري والدندونه ادخل معكم ببيتين

من يذم الطيب ومايعجبه عوده /// أنشدك بالله يابوراشد وغيـــــره ؟
الرجال سيوف للأمن وجنــوده /// والنسا ريحان ذا الكون وعبيـره
النوري
30-10-2006, 11:50 PM
ابو راشد
ابو راشد

هل توحين؟؟
من العايدين ياالطيبين
أيام سوري بالحيل فشلة منكم ياالجاويد أنا داخله على الله ثم عليكم تسامحون الضعيفه
الحين جيت بعد أنقطاع تدرون ليش غبت؟
ابد رحت اجيب جيوش وعده وعتاد صواريخ من اليابان على كلاشنكوف وشوية طراطيع؟؟

للجميع هنا ارحبوا
ولابو راشد
هل تواصل ام انك فرحت بالصده؟
جاوب بصراحه
واين كنت ساعة ال......
وهل انت.......
وماالذي حدك......
اعترف والا......يعطيك الف عافيه