النوري تعالي جاي

[صيور العمر]

مساء الخير

ودنا بالطاروق مع الشاعره النوري

يامرحبا فالمنتدى يالنوري = ترحيبة ترقى براس العالي
وش لون صرتي فاول الطابوري = فالمركز الاول ماهوب التالي

[النوري]

صيور العمر
استلم.........؟

دام البقى والكاس قدم الدوري
ياللي تجر الصوت بالموالي
لاصرت منت بصاحب الدستوري
خلك على ماقيل طيّب فالي


.........

[ناصر السبيعي]

صيور العمر........النوري

رائعين


ومبدعين


واصلوا


وحنا بكم

مستمتعين

[ربح السبيعي]

صيور العمر صح لسانك على البدايه الطيبه



وصح لسان النوري على الرد الموفق



متابع

[صيور العمر]

النوري

000 استلمي !



ماقول فيك ولا عليك قصوري = كم حرمة ٍ تسوى مية رجالي
بس البحر لو يغرق البابوري = راحت مكاسبنا وراس المالي

[صيور العمر]

ناصر السبيعي

هلا وغلا

مرورك تشريف للموضوع ولنا

ربح السبيعي

شهادتك وسام لي

لاهنت يالذيب

[النوري]

صيور العمر

استلم


انته من اللي ينقرون البوري
والا من اللي يحتمون التالـي
والا من اللي يشربون الغوري
اليا اختلط مرّه بطعم الحالـي

[النوري]

السبيعي شرفتنا

واسلم ياصيور

[بعيد النظر]

انته من اللي ينقرون البوري
.............................والا من اللي يحتمون التالـي
والا من اللي يشربون الغوري
.........................اليا اختلط مرّه بطعم الحالـي



هههههههههههههههه


يا عيني



يا عيني




أبداع





هذا الشعر وإلإ فلا





أعجابي يالنوري




مع احترامي لخوييييييييك




تحياتي لكما.








.





,,

[صيور العمر]

النوري استلمي !
أنا صقر واذبح مية عصفوري=لكن دلوك لايطق الجالي
يابنت طيعيني وطيعي شوري=مايبلش العاقل سوى الجهالي

[النوري]

ارحب يالطيب



اسلم



واستلم


الفن ماهو فــن ابن كفوري
الفن للي يطمحون لعالي
بالفعل والاقوال لهم دهوري
والحاسد الملتاع ماله والي


الله يقويك..

[صيور العمر]

استلمي

ماودي انشب لقمتك فالزوري = يامهرة ٍ ماتتعب الخيالي
عيدي وزيدي فالحكى يالحوري = تبطي جمالك ماتجيب جمالي

[النوري]

صيور


استلم



الغصن مايقرن بورد(ن) جوري
السيل لو زود يسر ادغالي
ودي اريح خاطر الجمهوري
والحلم عندي حسبة الأموالي

[صيور العمر]

استلمي


الله يستر حالك المستورى = يوم ابرك الارزاق ستر الحالي
ومثلك على ماقدمه مشكورى = يابعد ناس ٍ ينقلون القالي

[محمد الروقي]

انته من اللي ينقرون البوري
.............................والا من اللي يحتمون التالـي
والا من اللي يشربون الغوري
.........................اليا اختلط مرّه بطعم الحالـي


كبيرة يانور


سلمتي ولا يهون اخونااا

[محمد الروقي]

صيور العمر



صح لساااانك اخي اشوفك تجعل بعض الثغرات

وانت متمكن لماذا حقيقه احترت بامرك ؟؟؟؟؟

[صيور العمر]

محمد الروقي

تشرفت بمرورك

وياليت توضح الثغرات اللي ذكرتها

وانا في الحقيقه ماشفت لك محاوره ونقدك يدل على اتقانك للمحاوره وياليت تقلط علشان نتعلم منك سد الثغرات

[طيف]

صيور العمر
استلم.........؟

دام البقى والكاس قدم الدوري
ياللي تجر الصوت بالموالي
لاصرت منت بصاحب الدستوري
خلك على ماقيل طيّب فالي


.........


هلا فيك أختي النوري..

أبيات قويه ورائعه...

صح لسانك يالغلا....

[النوري]

محمد الروقي

يامرحبا ترحيبة وبدوري
اقدم التحايا بالمرسالي
عاشت بوادينا وخذهافوري
سلام يالطيب عريب الخالي

ــــــــــــــ
بنت بريده

هلا هلا بك قلتها بسطوري
يالغاليه واعيد بالموالي
تسلم يمينك ترفعين السوري
مدحك يزيد من الغلا باالحالي

[النوري]

الشعر بحر(ن)يرفع البابوري = من يركبه لازم يشد احبالي
متمكن وصرت به مسروري = واطرب مسامع من يكون قبالي







اخوي
صيور العمر
يعطيك الف عافيه
استمتعنا بالاوقات الفايته
ولك تحية

[أبوعبدالرحمن]

صحت قلوبكم جميع

امتعتونا

[محمد الدهمشي]

صيور العمر

استلم


انته من اللي ينقرون البوري
والا من اللي يحتمون التالـي
والا من اللي يشربون الغوري
اليا اختلط مرّه بطعم الحالـي


عزالله حشرتي صيور بزاويه سبع درجات

ملعبه رائعه 00000ويعطيكم العافيه

[عبدالله المريخي]

واصلوا

واصلوا

ونحن مستمتعين بجد






دمتم

[النوري]

عبدالله المريخي
متابع طيب
لاهنت
والقارين

[عبدالرحمن الجبابرة]

الشعر بحر(ن)يرفع البابـوري
من يركبه لازم يشـد احبالـي
متمكن وصرت به مسـروري
واطرب مسامع من يكون قبالي




.
.
النوري
صح لسانك ولايهون أخوي صيور العمر
لكن والله ما استمتعت بمثل ما تذوقت في ها المحاورة
والله انك شيخة المحاور في غرابيل
.
.
مودتي

[نياف العتيبي]

صيور العمر


اقول انك شاعر محاوره محترم جدا ً


ومبدع جدا ً .. يسلم رااااسك


وصح لسااانك


ولاهنتتتتتتتتتتت



الرااقيه النوري


شهادتي لك مجروووحه


ولم يمنع ذلك من متابعتك يالشيخه

لاهان رااسك


الناااااايف