المساعد الشخصي الرقمي

مشاهدة النسخة كاملة : (انا اشوف الملتقى صايرن به وشوشه == والبلا فالاشرطه مافالبليشن بلا )= ماعليك امر


ابن دخيل الله
06-09-2006, 10:40 PM
اقرب لاهنت ياشوق البنت :

انا اشوف الملتقى صايرن به وشوشه == والبلا فالاشرطه مافالبليشن بلا

كيف سوّام الابل راح يسوم الاقمشه == واختلط في فكرته طعم العلقم والحلا
ناصر السبيعي
06-09-2006, 11:10 PM
ارحب يابن دخيل الله

يشرفني اللعب معك وهذي هي المصافحه الاولى لي.........



مرحبا ترحيبتااا ماتجيك مشوشه=مبتداها بالسلام ونهايتها هــــلا

لاتلوم الحوش عاين من اللي حوشه=غش ساس الحوش وانحاش يامال الملا
محمد الدهمشي
06-09-2006, 11:15 PM
كل ماقلنا نسولف ونتسلا++جبتها مثل الرحاه المستديره

يابن دخيل اظنك باكرتدخل باسم ابن دخيل 1

يبون يشوتونك الرجال
ابن دخيل الله
06-09-2006, 11:23 PM
لي الشرف والله

واستلم عافاك الله


صوت مذنهم طويلن ولكن بخرشه == من سبايب ليلتن سابقه فيها الجلا

ليت ظابط خفرنا للحرامي يفرشه == لين ينزل للوطى عقب ماشاف العلا[/size]
ابن دخيل الله
06-09-2006, 11:24 PM
ابوراشد


حنا وش قلنا وانت وش فهمت


لايروح تفكيرك بعيد وتصرح تصريحات خطا وحنا نتوهق



الله لايهينك
ناصر السبيعي
06-09-2006, 11:40 PM
استلم لاهنت......



فرقوا بين المجالس وشات الدردشه=وأعرفوا هرج المنابر من هروج الخـــلا

لاتجي مربوش والمستمع للك تربشه=البنادم خلق من طين للــه الولا
ابن دخيل الله
06-09-2006, 11:49 PM
استلم

يالسبيعي كل وجه ن تعافه اكرشه == والصراحه طيبه والمجامل ماسلا

والله اني قاصدن للمزح والفرفشه == رزحتن في مزحتن ياهلا ويامسهلا
ناصر السبيعي
07-09-2006, 12:13 AM
أستلم لاهنت

وانشالله النيه صافيه........



ماانت بموكل لحاء كل شجره تقرشه=وكل تاجر له نصيبه بضاعه وعملا

نيتك زينه ولكن تحب القروشه=الغـــــلو اقشر تذكر نهاية من غــــــلا
ابن دخيل الله
07-09-2006, 12:22 AM
وانته منت اموكلن بالبطاط اتقرمشه ==هذي ماهي من فعايل رجالن ونبلا

نيتي زينه ولكن كرهت الدروشه == والظلام بعيني شفته تكشف ونجلا
ناصر السبيعي
07-09-2006, 12:39 AM
تصبح على خير يابن دخيل الله

تشرفت بااللعب معك............حفظك الله






والله أنا مانحب العظم نتعرشه=وانت يابن دخيل رجال ينسى ماكلا

انتبه شوك السلم في جنوبك تمرشه= يوم لك جسمااا رهيف وبالشحم امتلا
محمد الدهمشي
07-09-2006, 12:42 AM
ايه مزحتن في رزحتن يابن دخيل والنيه صافيه


ابداع xxxxxابداع
ابن دخيل الله
07-09-2006, 12:44 AM
الشرف لي الله لايهينك

وعلى فكره والله اني نحيف جدا

حتى اهلي يضيعوني بعض المرات


اخوي ناصر اكرر شكري لك




اخوك \ ابن دخيل الله
ابن دخيل الله
07-09-2006, 12:46 AM
ابوراشد فكنا من تعلقاتك وحنا بخير


انا اشهد انك شاعر وو رسام ووقناص وو سباك هههههههههه هاذي جديده


لك التحيه
محمد الروقي
07-09-2006, 10:32 PM
ناصر السبيعي


جيت ابي اختار بيت شت فكري

كلها نقوة في عقد لؤلؤ اشهد شهادة حق انك والجزالة وجه لعمله نادره


تحياتي وصح لسان ابن دخيل الله لو انه ضاع فيها الليله بس يعوضها ثاني مره
ابن دخيل الله
08-09-2006, 12:11 AM
محمد اروقي



لك التحيه يابن روق


ووجهات النظر تختلف




<<<<<<<<<<<<<<<واحد زعلان ههههههههههههه
ناصر السبيعي
09-09-2006, 01:48 PM
الاستاذ

والشاعر


القدير


محمـــــد الروقي


شهادتك وسام على صدري

دمت ودام قلمك الشامـــــــخ
عبدالله المريخي
10-09-2006, 10:46 AM
ابداااااااااااااااااااااع



اتمني ان ينجدد








سانتظر