حواء غرابيل
05-05-2013, 01:20 PM
أخواتي العزيزات نصيحة من أخت لكم عن هذا الأتيليه
للأسف الشديد كانت لي معه رحلة سيئة مع فساتين بناتي الثلاث
كان عرس ولدي ودخلنا عنده بعد ما شفنا كتالوج *** الشرق
ما شاء الله اللسان عسل والترحيب واعطانا الشمس بإيد والقمر بإيد
وتعرفون أحلام البنات في فساتينهم انها تكون حلوة وخيال
البنت الأولي شافت فستان على المانيكان وعجبها قالها ب2200 دينار
قلت الله إشدعوه الفستان بسيط جدا ما غير كريستال فقط لا غير من غير اي شغل او
تعب ولا فيه بالغصب نزل ل800 قلت خلاص نبي هالموديل
بناتي الثنتين صمموا فساتين جديده وطبعا بس رسم الموديل بخمسين دينار ما تاخذينهم اذا ما عجبك الموديل
المهم عطانا موعد التسليم ومواعيد البروفات
وهنا بدأت رحلة التعب النفسي
رحنا موعد البروفة الاولي ودخلت بنتي تقايس لقينا ماخذ الفستان اللي على المانيكان
يعني ما فصل فستان جديد واللي على المانيكان سمول بتيت يعني كلش قياسه صغير
وبنتي ما شاء الله طول وجسمها يمكن لارج المهم اني بلعت الصدمهه لأني عطيته عربون 200 دينار
وأخد ت الخياطه الهنديه القياسات توسعه وتقصير وعمل بطانه ووعدنا بكورسيه .....إتحسفت لو غيرت
لون الفستان جان انجبر يفصل واحد جديد
والله وكيلكم شهرين احنا رايحين رادين ودبابيس البروفه الاولي مكانها لي موعد التسليم
وتخطينا موعد التسليم يومين والعرس ما بقاله الا خمس ايام
واللسان ما زال يقطر عسلا
بناتي الثنتين قعدوا شهر ونص موعارفين شكل فساتينهم
رحنا للبروفه الثالثه والا الفساتين موفساتين البنات بالمره
شغل خرابيط خبط ولزق ومغير لون فستان بنتي والثانيه أي شي
يضحك علينا ..........كان يورينا عينات شي والنفنوف شي ثاني
المهم انتهى موعد التسليم وما خلصوا الفساتين
واحنا مسلمينه اكثر من الف وخمسميه دينار
طبعا كانت نفسيتنا تكرمون زفت والعرس باقي عليه ايام فقط
البنات قالوا يمه ما نمبي نفانيفنا
وحده من البنات زوجها راح لحمايه المستهلك جزاهم الله خير
وراهم الفاتوره وموعد التسليم اتصلوا علي على يونس قالوله حالا اترجع فلوسهم عندنا تحضر انت شخصيا والا محلك سيغلق
والنفنوف الثالث اللي كان على المانيكان انا رحت للاتيله وقطيت عليه
باقي فلوسه 300 دينار وخمطت منه النفنوف وقلتله انا بوديه خياط يكمله لي
وطبعا هو على يونس مصدوووووووم
طلعت من عنده وانا اقول حسبي الله عليييييييييه
بناتي راحوا شروا جاهز من المهلب والنفنوف الثالث كمله لي الخياط بنفس اليوم
يا بنات نصيحه ديروا بالكم من الاتليهات روحوا عند الناس الخبرة والأقدم ولا يغركم اللسان المعسول
وحافظوا على حلالكم ولا تنسون تراجعون حماية المستهلك لأنهم يرجعون لكم حلالكم إذا كان عندكم مستند رسمي من المحل.....
وسامحوني إني طولت بس والله كان مشوار صعب مع هالأتيليه وعلي يونس...يعله ما يربح
للأسف الشديد كانت لي معه رحلة سيئة مع فساتين بناتي الثلاث
كان عرس ولدي ودخلنا عنده بعد ما شفنا كتالوج *** الشرق
ما شاء الله اللسان عسل والترحيب واعطانا الشمس بإيد والقمر بإيد
وتعرفون أحلام البنات في فساتينهم انها تكون حلوة وخيال
البنت الأولي شافت فستان على المانيكان وعجبها قالها ب2200 دينار
قلت الله إشدعوه الفستان بسيط جدا ما غير كريستال فقط لا غير من غير اي شغل او
تعب ولا فيه بالغصب نزل ل800 قلت خلاص نبي هالموديل
بناتي الثنتين صمموا فساتين جديده وطبعا بس رسم الموديل بخمسين دينار ما تاخذينهم اذا ما عجبك الموديل
المهم عطانا موعد التسليم ومواعيد البروفات
وهنا بدأت رحلة التعب النفسي
رحنا موعد البروفة الاولي ودخلت بنتي تقايس لقينا ماخذ الفستان اللي على المانيكان
يعني ما فصل فستان جديد واللي على المانيكان سمول بتيت يعني كلش قياسه صغير
وبنتي ما شاء الله طول وجسمها يمكن لارج المهم اني بلعت الصدمهه لأني عطيته عربون 200 دينار
وأخد ت الخياطه الهنديه القياسات توسعه وتقصير وعمل بطانه ووعدنا بكورسيه .....إتحسفت لو غيرت
لون الفستان جان انجبر يفصل واحد جديد
والله وكيلكم شهرين احنا رايحين رادين ودبابيس البروفه الاولي مكانها لي موعد التسليم
وتخطينا موعد التسليم يومين والعرس ما بقاله الا خمس ايام
واللسان ما زال يقطر عسلا
بناتي الثنتين قعدوا شهر ونص موعارفين شكل فساتينهم
رحنا للبروفه الثالثه والا الفساتين موفساتين البنات بالمره
شغل خرابيط خبط ولزق ومغير لون فستان بنتي والثانيه أي شي
يضحك علينا ..........كان يورينا عينات شي والنفنوف شي ثاني
المهم انتهى موعد التسليم وما خلصوا الفساتين
واحنا مسلمينه اكثر من الف وخمسميه دينار
طبعا كانت نفسيتنا تكرمون زفت والعرس باقي عليه ايام فقط
البنات قالوا يمه ما نمبي نفانيفنا
وحده من البنات زوجها راح لحمايه المستهلك جزاهم الله خير
وراهم الفاتوره وموعد التسليم اتصلوا علي على يونس قالوله حالا اترجع فلوسهم عندنا تحضر انت شخصيا والا محلك سيغلق
والنفنوف الثالث اللي كان على المانيكان انا رحت للاتيله وقطيت عليه
باقي فلوسه 300 دينار وخمطت منه النفنوف وقلتله انا بوديه خياط يكمله لي
وطبعا هو على يونس مصدوووووووم
طلعت من عنده وانا اقول حسبي الله عليييييييييه
بناتي راحوا شروا جاهز من المهلب والنفنوف الثالث كمله لي الخياط بنفس اليوم
يا بنات نصيحه ديروا بالكم من الاتليهات روحوا عند الناس الخبرة والأقدم ولا يغركم اللسان المعسول
وحافظوا على حلالكم ولا تنسون تراجعون حماية المستهلك لأنهم يرجعون لكم حلالكم إذا كان عندكم مستند رسمي من المحل.....
وسامحوني إني طولت بس والله كان مشوار صعب مع هالأتيليه وعلي يونس...يعله ما يربح