بعد طول الغياب ............ رجعنا

[ابن نميش]

السلام عليكم ورحمة الله وبركاته

اسعد الله اوقاتكم بكل خير ......... وشلونكم يالربع

نعود بطاروق بعد الغيبه

والطارف يرد


اعداد مالاحت بروق اعداد ما حنة رعود *** سلام مني للرجال اللي يضدون الرجال

غبنا وعدنا ثم غبنا ثم عودنا نعود *** والعوده احمد و القطيعه ضدها حبل الوصال

[تركيه]

السلام عليكم ورحمة الله وبركاته

اسعد الله اوقاتكم بكل خير ......... وشلونكم يالربع

نعود بطاروق بعد الغيبه

والطارف يرد


اعداد مالاحت بروق اعداد ما حنة رعود *** سلام مني للرجال اللي يضدون الرجال

غبنا وعدنا ثم غبنا ثم عودنا نعود *** والعوده احمد و القطيعه ضدها حبل الوصال



حمد لله على سلامتك 00



صح كلك ولا هنت في انتظار الشعراء 00

تحياتي 00

[ناصــــر الغيثــــاني]

وعليكـم السلام ورحمة الله وبركاته

أرحــب ياإبن نميــش والحمدلله على ســلامتك ,, وشــرفت مكانك

وإسمح لي بالرد وإستلم لاهنت ,,


إعـــداد ماهل المطــر وإخضـّــر عقبــه كل عـــــود=يامــرحبا تــرحيب وافي ماتقــوم به الجمــال
قــال المثل من غاب جـاب وياعسى اللي جبت فود=نشـري العلــوم الطيبة بالكـاش ماينقص ريال

[سعد البراق]

ابن نميش

صح السانك والحمد لله على السلامه

=====

جساس

صاحبي اللدود ، صح لسانك

=====

سجلوني متابع لكم

واتوقع أن هالمحاورة ستكون رائعه يتخللها زوابع رعديه لمعرفتي التامه بالشاعرين

[ابن نميش]

البقاء يالربع والله يسلمكم

ما عليش مستعجل برد على جساس

............

ياسلام سلم


دوك

دام البقاء ياصاحبي والعود في عين الحسود *** واللي بوسط الشمس قلناله تضلل بالضلال

اقول ياجساس لا تشرد ولنته بالشرود *** لاجاك علمي لا تضيع فالحرام وفالحلال

[ابن نميش]

اختي الفريده الله يسلمك وصح كل بدنك

.......................


جساس البقا الله يسلمك واتشرف باللعب معك

طال عمرك


................


اسامه سعد مقدر لوجودك دايم ولا خلا ولا عدم يالحزام الوافي

ويالله عسى خير ههههههههههههههه

الرجال اول مره العب معه والله يستر

[ناصــــر الغيثــــاني]

أرحب أرحب وإستلم


لاتنــدفع صــــوب الهجــوم وذود عــن مـــــرماك ذود=يالاعب الأهلي حــذاري من هجــوم الأرسنــال
أبشــر بــوقفة من فتــح خيــبر وذبـّــح في اليهــود=الفـارس اللي تعــرفه لاصــك جــال ٍ عرض جال

[ناصــــر الغيثــــاني]

الشــاعرة / الفــريده

حيــاك الله وشاكر لك مــرورك ولاهنتي

[ناصــــر الغيثــــاني]

أســـامة سعـــد ,,, حيـــاك الله ملاااااااايين

وصـــح بــــدنك ياعـــدوّي الحميـــم

وشــرفني مـــرورك ومشــاركتك أخي العــزيز

ولاهنــت وإن شاء الله يكــون مطــر ديمــة ,, ومايكــون فيه لا زوابع رعــدية ولا عــواصف رمليـــة

أخـــوك ,,, جســــاس

[ابن نميش]

أرحب أرحب وإستلم


لاتنــدفع صــــوب الهجــوم وذود عــن مـــــرماك ذود=يالاعب الأهلي حــذاري من هجــوم الأرسنــال
أبشــر بــوقفة من فتــح خيــبر وذبـّــح في اليهــود=الفـارس اللي تعــرفه لاصــك جــال ٍ عرض جال


طيب طيب

جساس اله مده وهو يزمر على شعب الزيود *** وحنا لقينا طيب جساس العرب كنه هبال

لو كان عندك حل ياجساس حليت العقود *** ما شفت شاوين يشاوي وسط هاذيك العبال

[أبوعبدالرحمن]

صحت قلووبكم

ومتابع معكم

[ربح السبيعي]

صح لسانك يابن نميش وصح لسان جساس


محاوره رائعه



متابع

[حامل الرآية]

ابن نميش
صح لسااااااااااااااااااانك يالقرم
والحمد لله على السلامه ومن طول الغيبات جاب الغنايم
حياك الله طال عمرك



جساس
صح لساااااااااااااااااانك ولاهنت



تحياتي للجميع


حامل الرآية

[محمد الدهمشي]

ابن نميش الحمدلله على السلامه والعشاء عندنا حدى الجمعات

جساس والله انك لاغبت نفقدك000وتراني على طول بصفك

[ناصــــر الغيثــــاني]

إستــلم إستــلم


النــاس كل ٍ فيــه حقــه وأنت عنهــم مـاتزود=كــم هقــــوة ٍ في راس راعيــــها تعــــــوّد راس مـــــال
جيتــك ووديــتك وفــريتك على كل النفـــود=وســط العشـــوب اللي ينــومس شــوفها راعي الحــلال

[ناصــــر الغيثــــاني]

أرحـــب ياأبو عبدالرحمن ,, وصــح بــدنك يالقرم

ومتــابعتك شــرف

[ناصــــر الغيثــــاني]

ربــح السبيعــي ,, صـــح بدنك يالقــرم

والــروعــة حضــــورك ,, ومتــابعتك شــرف

[ناصــــر الغيثــــاني]

حـــامل الرآية

صـــــــح بــــدنك يالقــــرم ولا شنت

وتقبل تحياتي

[ناصــــر الغيثــــاني]

أبــو راشـــد

إن شـاء الله ماتفقــد غــالي إلا على طــاعة الله

ويــامرحبا بك مـــلااااااااااييييييييين ولا يكــفون

ومجــرد حضــورك يشــرفني يالقــرم

[ابن نميش]

يالربع سامحونا على التاخير السموحه ياجساس والله ماجيت الا اليوم

و

الله يبقيكم ويسلمكم

ومتابعتكم شرف


استلم

ياللي طبخت الجايده وشلون تبغاها تجود *** بين دروبك خلها تمشي مع العالم عدال

كلمتك محسوبه ولا هي حبر يالرجل الصمود *** تراء كتايبنا يا راع الذود جاتك بالزلال

[ناصــــر الغيثــــاني]

أخي العــزيز إبن نميش ,,, إسمح لي على التأخير وذلك بسبب ظروف السفــر ,,, وإستلم طال عمــرك



كــرّست فيك الجهــد كله واحـلالاه الجهــود=وإليا سألتك عقب شــرحي قلت لي عيد السؤال
تاكل وتجحــد ماكليته كيف يالرجل الجحود=سبحان من هو غيـّـر إبن نميــش من حـال ٍ لحــال

[ابن نميش]

أخي العــزيز إبن نميش ,,, إسمح لي على التأخير وذلك بسبب ظروف السفــر ,,, وإستلم طال عمــرك



كــرّست فيك الجهــد كله واحـلالاه الجهــود=وإليا سألتك عقب شــرحي قلت لي عيد السؤال
تاكل وتجحــد ماكليته كيف يالرجل الجحود=سبحان من هو غيـّـر إبن نميــش من حـال ٍ لحــال

طيب طيب

قلت الك فرق فالحلال وفالحرام وفالعدود *** عد هماج وعد حال لاتجي تحت الجلال

اثرك تقود المشكله بين الاوادم خير قود *** سبحان من حط الطبايع ماتشابه والخصال

[ناصــــر الغيثــــاني]

طيب طيب ,, هاستلــم


ياعــد ياللي غثـربوا ماك الصــوادر والـورود=من كثرهم حـرّمـت ماأحط الرشـا فوق المحـال
أثـرك تقلطـها بوسط البيت والعـالم شهــــود=ليت القعيّــد يــدري إنـّـه حـــق وحمــوله ثقال