اضغط هنا يا برج المملكه

[سعد البراق]

نتشرف باللعب معك

و

استلم لا هنت ، وتراهن حسب المواصفات والمقاييس



سلامي مني على ارجال الوفى والوقار = الي نكرم لحاها قبل اشانيبها
القايد الي تفرد في صدور القرار = عندي له علوم يمكنه ما يدريبها


طبعا حنا يالمطاوعه نقدم اللحيه على الشنب دائما :icon_smil

[تركيه]

نتشرف باللعب معك

و

استلم لا هنت ، وتراهن حسب المواصفات والمقاييس



سلامي مني على ارجال الوفى والوقار = الي نكرم لحاها قبل اشانيبها
القايد الي تفرد في صدور القرار = عندي له علوم يمكنه ما يدريبها


طبعا حنا يالمطاوعه نقدم اللحيه على الشنب دائما :icon_smil


صح السانك والله يثبتك على دينك 00



في انتظار برج 00



متاااااابعه 00



تحياتي 00

[برج المملكه]

اسامه سعد

ارحب و الشرف لي طال عمرك

كرمت و دمت وانت الشك زايل من جهتك ..

و بالنسبه للحا و الاشانيب كلها قدرها واحد و الله يثبتنا وياكم على طاعته :)

استلم لاهنت


يامرحبا من هواجيس ٍ تقادح شرار=ما رحّبت في ضيوف الله معازيبها
عطني علومك و عان الطايره في المطار=لاتشغل اهل المناصب عن مناصيبها

[برج المملكه]

شكراً لمتابعتك يالفريده

ولاهنتي

تحيتي لك

[سعد البراق]

الله الله

خلوها


المحكمه ما بها الا قاضي ومستشار = ومراسل يودي الاوراق ويجيبها
الشجره ام الغصون الخضر وام الثمار = لاقص ثلثينها وش عاد يبقيبها

[برج المملكه]

الله الله

جاك


المحكمه تفرش اللي يلعبون القمار=ولا هوب يخفى عليها خبث الاعيبها
ياطيبها الكلمه اللي ما عليها غبار=والكلمه الثانيه ماهوب يا طيبها

[سعد البراق]

طيب طيب

استلم لا هنت


المحكمه جايره بالحكم والحد نار = وانا وكيل الضعوف الي خلى جيبها
لا تخلف الهرج دام الرمي منا عيار = امعايرً قلبها ما اخلفت تصويبها

[برج المملكه]

طيب طيب

عندك


عساك من جاير الحكم المصدّر مجار=وهناك لا تقرب النار و لواهيبها
مالك و مال الضعوف اللي تعكس المسار=لا صرت في السكّه و رجلاك تمشيبها

[سعد البراق]

ايـــــــــــه خلـــــــــوها



يا برج ما جيت ادور من وراك اختبار = لكن الاصحاب تسلى ابهرج اصاحيبها
بيني وبين الضعيف ما بنيت الجدار = اخذ علومه واعلمه بعواقيبها

[برج المملكه]

هييييييييه

اسمع


احتدّها من يمين و ردّها من يسار=لا صرت ماعاد تدري وش تسوّيبها
اليا غدى سوق الاسهم مثل سوق الخضار=خسارت السوق لا بدّك تزوزيبها

[ربح السبيعي]

اسامه سعد بدايه رائعه وطاروق ممتاز وصح لسانك والله ودي اكون في صفك لاكن البرج زميلي



وصح لسان الزميل البرج



واصلو وانا متابعين

[سعد البراق]

الفريده

نتشرف بمتابعتك
=====
ربح السبيعي

صح بدنك واهم شي حضورك
=====
برج المملكه

استلم لا هنت


حنا سعينا وطفنا عقب رمي الجمار = وانته عيونك تنام وساع تصحيبها
حنا ترى قسمنا دايم علو الفقار = والطيبه مع رجال الطيب يا طيبها

[سعد البراق]

طيبها ساريه


والطيبه من رجال الطيب نحريبها

[ناصر السبيعي]

أسامه......البرج

رائعين


ومبدعين


واصلـــــــــلوا


وحنا

متابعين

[محمد بن ضاوي]

برج المملكه...........اسامه سعد

مبدعين والله يديم الابداع

بس والله كن الذله دخلتني

هههههههههههههههه

لاتقلبونها رسميه.........ترى الميانه يمدحونها الايام هذي


>>>>>>> ماغار يسبر ويعود.........هههههههههههه

فيه احد ولا لا؟

[ملحق المخلين]

أسامه


و


البرج


مبدعين


كلام كبير والله.

[برج المملكه]

الله الله استلم و علم :)

لا عوّدت مدح ذات و بختره و افتخار=سوالف الجاهليّه .. جهل ما ليبها
ان كان تبغى السعد كله و حسن الجوار=مكّه و طيبه يا طيب اللي يصلّي بها

[برج المملكه]

ربح السبيعي .. شرفتنا يالزميل :)

ناصر السبيعي .. لاهنت على الحضور و المتابعه

محمد بن ضاوي .. هلا و مرحبا و شرفتنا طال عمرك واللي تشوفه ميانه وبعيد عن الرسميات :)

ملحق المخلين .. هلا و مرحبا شرفتنا يالغالي ولاهنت على الحضور الكريم

تحياتي للجميع

[سعد البراق]

ناصر السبيعي

نتشرف بمتابعتك

=====
ملحق المخلين

اسعدني مرورك وتعليقك

=====

طيـــــــــــــــب طــــــــــــــيب

واستلم لا هنت


ان كان من لطم موج البحر جالك دوار = احسلك اليابسه تصبح وتمسيبها
السوق يا برج ما تفرض عليه احتكار = الي معه عملةً بالسوق يشريبها

[ابن نميش]

ياسلام سلم


ابداع من برج المملكه وابداع من اسامه سعد


سجلوني متابع مع اني متاخر شوي

صراحه

دروس مجانيه في الفتل والنقض

واصلو الابداع

[برج المملكه]

ياسلام ياسلام

عندك


يابو سعد خلّ عنك اليابسه و البحار=وحافظ على غترتك لاعاد تومي بها
العمله البايره في ليل و الاّ نهار=ياخبل رجلٍ يدوّر من مكاسيبها

[برج المملكه]

ابن نميش

ارحب و العود احمد

ومنوّر طال عمرك

:)

[هداج تيماء]

الله الله


ياسلااااااااااااااام


لله دركم محاوره ممتعه مشحونه بالجزاله


برج المملكه //////// اسامه سعد


صحت السنتكم ودام ابداعكم

[برج المملكه]

هداج

حي والله هالحضور الكبير يا كبير

طبعاً

و الكبير الله ولافوقه كبير

هلا و مية مرحبا ياشاعرنا النجم

تحيّاتي

[عايض الفقيعي]

لا عوّدت مدح ذات و بختره و افتخـار
سوالف الجاهليّه .. جهـل مـا ليبهـا


جزل يابرج صح الله السانك والسان اسامة سعد

[سعد البراق]

ابن نميش

ياهلا ومرحبا يابن العم والحمد لله على السلامه

=====

هداج تيما

صح بدنك يالقرم

====

الطيار

صح بدنك

=====

برج المملكه

آسف على التأخير بسبب عطل بالجهاز

واستلم لا هنت
ولعلها الخاتمه تكون من عندك وتشرفنا باللعب معك يالجزل


مردكم كلكم يالمشرفين ال شهار = لو ان الايام ماني مدعي غيبها
والخاتمه كلمتين اقولها بختصار = الناس صعبً تدرى تدرك مطاليبها

[برج المملكه]

ما اقول غير الله يعافي طوال العمار=تدعس على العقرب اللي ترفع ذنيبها
انته ليا صرت حرّ و جاذبينك حرار=لا تقرب الهضبه اللي عاوي ٍ ذيبها

[برج المملكه]

الطيار :

صح بدنك ولاهنت و الله يحييك شرفتنا بمرورك الكريم

الشاعر المبدع و الجزل / اسامه سعد

معذور و اهم شي الجهاز لا يتعطّل مرّه لانّنا في حاجته .. :)

و الشرف لي طال عمرك .. شرفتني بهاذا الطاروق و اسعدتني

صح لسانك و سلم راسك .. و اعذرنا على القصور ..

تقبل تحياتي و احتراماتي

برج

[محمد الدهمشي]

ابداع xxxابداع