العسجديّه .. بيني و بينها !!

[برج المملكه]

السلام عليكم

صبحكم الله بالخير الجميع

العسجديه مبطن عن علومها واشوفها متصله و يسعدني اللعب معها


يالربع بيني و بين العسجديه كلام=عن اذنكم و السوالف بيني و بينها
لو تلبسين الشماغ و تنطلين اللثام=اخير من هالسواه اللي تسوّينها

[العسجديه]

وعليكم السلام ورحمه الله

وصبحت بالنور والسرور

ويشرفني العب مع شاعر بحجمك

واستلم لاهنت


لد بعيونك وطالع فوق يم الغمام0000 تعرف بان الحرار صعيب تهجينها
تحرم عليه ملابيس الرجال الحشام0000 ولي طلبته تراه مخالف ٍ دينها

[برج المملكه]

الله الله

يشرف مقدارك استلمي ولا تعجلين علي :)


الحر الاشقر ترى ما هوب مثل الحمام=اللي ليا شافته ضمّت جناحينها
حنّا نحب الحلال و لا نحب الحرام=ماهيب هي و الرساله من عناوينها

[العسجديه]

استلم لاهنت

الشك زايل ولكن انتبه باهتمام0000 صيور الايام تكشف عن مضامينها
لو كل ديره تخلت عن حقوق النظام0000 لتشوف ذيب الخلا يرتع مع ضينها

[جمال الدهمشي]

الله الله

متابع لكم


معاك يالبرج ولا تهون العسجديه



واصلوووووو

[تراحيب الحربي]

الله الله ههههههههههههههههههههههههه ههههه البرج والله ما انت صاحي روووووعه ياخوي
كلكم لاهنتم متابعين
وتراي في صف العسجديه تسمع يابرج ههههههههههه اسمحلي

[برج المملكه]

عندتس :)


المحترم يستحق الودّ و الاحترام=لاهان و الا الملاقيف الله يهينها
انا اعرف ان البلد ماهو على مايرام=من عقب ما فكّت الشرطه مساجينها

[برج المملكه]

لاهنت ياجمال

و مرحبا و مسهلا شرفتنا طال عمرك

تراحيب الحربي

هلا و مرحبا من طول الغيبات جاب الغنايم واول الغنايم انك في صف العسجديه طيب طيب اوحي و مسموح :(

شرّفتنا طال عمرك :)

[اسامي]

يالربع بيني و بين العسجديه كلام
عن اذنكم و السوالف بيني و بينها
لو تلبسين الشماغ و تنطلين اللثام
اخير من هالسواه اللي تسوّينهـا


الله الله


البرج ابدااااع بلا حدود وياحبني لك انت ولعبك




لد بعيونك وطالع فوق يم الغمام0000 تعرف بان الحرار صعيب تهجينها
تحرم عليه ملابيس الرجال الحشام0000 ولي طلبته تراه مخالف ٍ دينها



العسجديه


ياسلام ياسلام

رد ولا ارووووع ومسكت



اكيد بتكون محاوره ناريه


انا متابع ... وفي صف العسجديه


ونوب احذف برج لا جاء عند المكرفون ;)



واصلواااا


متابعين

[العسجديه]

استلم لاهنت

ياليت بعض العرب صلى فروضه وصام00000 اخيره له من تتبع غلطه يدينها
لو ان شيخ العسس جرد لمثله حسام00000 لتشوفه يضيع يساره من يمينها

[برج المملكه]

اسامي

ياخوي عاقبتنا عند المكرفون وعاقبتنا حتى وانت في الصفوف ؟

هلا و مرحبا و الله لا يحييك :)

[العسجديه]

جمال الدهمشي

لاهنت على الحضور والمتابعه


تراحيب الحربي

تشرفني متابعه شاعر بحجمك

اسامي

حضورك تشريف ونور يالجزل ومتابعة شاعر بحجمك تعني لي الشي الكثير لاعدمتك

[برج المملكه]

العسجديه استلمي


اللي يطبّ الحرم يلبس لباس الحرام=قدّام مكّه يعدّي في ظلاعينها
لو المواذين لا نادت تصحّ النيام=ما حوّلت من منابرها مواذينها

[العسجديه]

استلم لاهنت والختام عندك وصح لسانك ملايين وشرفتني باللعب معك


من يسمع قلوب غطتها ذنوب ٍ جسام0000 نفوس من فعل اهلها الله يعينها
جعلك ذخر ياقوى العزم يابن الهمام00000 تفشل خطط زمره ابليس وشياطينها

[برج المملكه]

شاعرتنا الرائعه و الجميله

العسجديه

صح كلك على هذا الابداع و شكراً على سعة صدرك / ووقتك .

دمتي جميله و تصبحين على خير

برج المملكه

[تركيه]

برج المملكه صح السانك ولا هنت على هالطاروق 00



العسجديه صح السانس 000



تحياتي 00

[هداج تيماء]

الله الله

يا سلااااااااااااااااااام


محاورة رائعة سلمتووووووووووووووا

يعطيكم العافيه متآلقين


برج المملكه

ههههههههههه


صح لساااااااااااااااااانك واعتلى شانك


العسجديه


يا سلام عليتس


صح لسااااااااااااانتس ودام ابداعتس

[برج المملكه]

الفريده صح حضورك

لاهنتي يابنت الاجواد

هداج

مايضحك لك هههههه

صح كلك و حضورك يابعد راسي

سلمت و لاهنت

تحياتي و محبتي

برج

[ملحق المخلين]

أنا في دوامه من المحاوره مع هداج ودوبي صحيت.


صح لساااانك يابرج

وصح لسااااانك يالعسجديه


شعار بمعنى الكلمة

الأبداع منكم ومعكم

........................................