***اللي يدخل يحط اقوى موقف محرج مر عليه***

[عبدالرحمن الزهراني]

أرجو من جميع الأعضاء إذا دخلو يحطون أقوى المواقف المحرجه لهم
وأرجو من المشرفين التثبيت


بابدا بنفسي

طبعا انا على اسمي غيووور فالقصه جت من هنا

مره كنت مع اهلي في السوق
وانا من عادتي ما احب ان اهلي يمشون بدون جونتي

المهم دخلنا سوق فيه نساء كثييييييييييييير

بعد شوي افترقنا

قاعد ادور اهلي

والقى وحده بدون جونتي فكرتهم اهلي

واسحبها من يدها وهاتك يا بكس على وجهها :11retcher

والتفتت على والا هيه وحده سوريه وزوجها كان قريب وجلست تصارخ

طبعا دور لي ماعاد تلقاني والله لتقطع وجهي :11oud9: وحط رجلك ياولد اقرب مخرج للسوق

غيووور

[الدندووووونه]

واسحبها من يدها وهاتك يا بكس على وجهها

بصراحه منتب صاحي,,,, هذي مو غيره أبداً,,,, الله يعين أهلك عليكـ

أنا مره وانا بالصف الأول متوسط,,,

أختي برابع إبتدائي,,, طلبت منها معلمتها تكتب سورة المطففين 20 مره عشان تحفظها,,

رحمت أختي وكتبت لها,,

اليوم الثاني المدرسه تسأل أختي من كتب لك قالت أختي فلانه...

وينادوني,, وأطلع للإبتدائيه فوق مجمع المتوسط..

وقدام الفصل كله تهزئني ,,, انا أنحرجت وحرمت أساعد أختي مره ثانيه,,,



بـــــــــــــــــــس,,,


ودمــــــــــــت يالغيووووووور

الدندوووووونه

[راقي]

احييكم وودي اشارك معكم انا الحقيقه حصلي موقف بس ما لبقت فيه ها ها ها امزح عليكم مره كنت مسافر في رحله طيران مع طلاب الجامعه وكنت سبق اني شاركتهم في رحلات سابقه المهم كانت الرحله متجهه لتبوك وكنا قاعدين بانتظار صعود الطائره وكان لي شنطه ملابس تشبه شنطة واحد من زملائي المهم عند اعلان صعود الطائره اخذت شنطة زميلي واتجهت صوب الطائره وجلست في المقعدالمخصص لي با نتظار اقلاع الطائره الحقيقه ان زميلي تارك الشنطه الخاصه بي ودخل الينا للبحث عن شنطته فسال عنها الزملاء الى ان مر بي وشاف الشنطه اللي حسبتها لي فسالني يا..............هذي شنطتي ؟قلت له حلوه ذي.المهم حب يتاكد انها له وانا سمحت له عادي فاذابها شنطته فعلا وتخيلت موقفي كيف البس لو كانت شنطتي تقبع في ارض المطار.

[الفضي]

ههههههههههه بصراااااحة يراقي موقف ولا احلى والله ضحكت لما دمعت عيوني
وياكثر المواقف لمن اروق اقولكم

[عبدالرحمن الزهراني]

الف شكر على المرور
بس وين بقية الاعضاء
وين المشاركات

في انتظاركم

[العجراء]

احرج موقف مر علي هو مره دخلت اتوضأ في احد دورات المياه في مسجد وسط مكه يوم دخلت للي قدامي كلهن حريم ويصيحن بصوت واحد طلع كل الي في المسجد انا حسبت اني غلطان صكيت على نفسي الين جت الدوريات وطلعتني وفي الاخير طلعوا هم الغلطانين لان المسجد مافيه دورات مياه للحريم وسلمت سلامه مابعدها سلامه والموقف المحرجه كثيره

[راقي]

شكرا اخي الفضي هذا موقف من ضمن كثير من المواقف وبانتظار مواقفك وساكتب انا ايضا مواقف طريفه لاحقا

[سعود]

العجرا



صحيح حريم اخر زمن


يدخلون على الرجال ويصيحون


انا مواقفي كثيرررررررررررره



اذكر مرة جيت للرحلة وانا متأخر وكنت مسافر للطايف ويادوووب سمحوا لي بالدخول بعد واسطات وحب خشووم


المهم لما اقعلت الطائرة قال الكابتن مرحباً بكم على متن الخطوط السعوديه على الرحلة رقم ... والمتجهه الى الظهران


<<== من القهر بغيت ابكي


بس تذكرت اني رجال ... وقلت عيب ياولد تبكي قدام الناس


شوي الا وقف شايب وقال كيف الظهران ؟؟؟


وبعدين بدأ الهرج والمرج في الطائره


ثم اعلن الكابتن مرة ثانيه


ان الطائرة متجهه للطائف وانه يأسف لهذا الخطأ الغير مقصود :زعلان:


بعد ماوصلت للطايف ضيعت شنطتي


وبعد جهد جهيد وبحث مضني اكتشفنا انها اتجهت لجده في طائرة ثانيه


لان العمال في الرياض لما شافوا الرحله اغلقت فتحوا العفش للطائرة التاليه


تحية عطرة

[ريمــا]

مشكور أخوي غيوور على هالموضوع الحلو
أما بالنسبه لي أنا فصار لي موقف واو ... بأمانه ما أنحسد عليه
تصورو مره لما كنا بدبي كان ابوي مصحينا بدري من النوم .. يبغينا نشوف المفاجئات يعني قالو ان الساعه 9 الصباح راح يشغلون في وافي سنتر نا فوره معطره كلها ورود........
المهم رحنا نشوف النافوره الا .....................
وينها هالنافوره هالمعطره ؟
والله اليوم ما في حضور كتير .. راح نشغلها بكره..................
ومن الصدمه قال ابوي تعالو نتمشى في المجمع.. الا اختي الصغيره شافت الي يرسمون على الوجوه ..والا ابغي ارسم على وجهي
قلنا انشا الله .. واخذت انا الكتلوج وقلت بختار لها الرسمه
واخترت
وخلصت اختي
ونزلنا تحت راح نمشي
الا الموظفه الي رسمت على وجه اختي لاحقتني من فوق
-خير انشا الله
لو سمحتي عطيني الكاتلوج حق الرسم .................................
اثاريني من كثر ما فيني نوم ما حسيت بحالي وانا ما سكه الكاتلوج .... ونازله فيه................وكنت راح اخذه معي الفندق بعد ..بس يالله بسيطه الاهل عاذريني لان عيوني كانت حمررررررررره موت من كثر ما كان فين نوم فما تهزئت

[عطر طيبه]

اما عندي لكم مواقف كثيرة محرجة وتموت من الضحك لكن في البداية ان اخبركم بان لي اخ توئم يشبهني لدرجة كبيرة
يعني بالعربي نسخة كلربونية مني: مرة سوى عملية جراحية وكنت مرافق معاة ووقت الزيارة جماعتنا يجون يسلمون عليا ويقولون لا مشاء الله طيب حاولت اوضح لهم اكثر من مرة ان اللي مسةى عملية نايم وانا المرافق لكنهم ما اعطوني اي فرصة ويوم جاء الدكتور يبغى يكشف علية وشافني واقف بطولي شفت وجهة صار الوان قوس قزح من الخلعة
واحد مسوى عملية لة الصبح وبالليل متعافي حاجة تخوف

[عبدالرحمن الزهراني]

ههههههههههه

مواقف حلوه

يعطيكم الف عافيه على المرور


غيووور

[تـفـاحه]

اصعب موقف بصرااااحه امشي في الشارع بدخل مجمع وحاطه الله يحفظني عيوني على ورا
وفجاه اصقع بباب المجمع بقوه وقدامي وزاجد ناس والله فشله
ههههههههههههههههههههه

مشكور اخوي على الموضوع ذكرتني بشي لازم انساه هههههههههههههماعدمناااااا اااااك ابدا...

تحيتي
تفاحه..

[الخياليه]

زواج
رحت زواج مع امي لقريبنا
وقلت لامي بروح الحمام ورحت لحالي
والطريق اللي فيه الحمام الله يكرمكم
مليان شباب وانا مدري يوم شفتهم رجعت بسرعه الا واحد
مسكني(وانا راجعه بسرعه هو دخل وصدمت فيه)
في لحظتها دوروني الشباب كلهم ضحك علي والوجه احمر
من الفشيله وتقبلو تحياتي(الله لا يحطكم في الموقف اللي لا احسد عليه)

[خجل الورد]

كنت انتظر حافله المدرسه وبعد انتظار طويل اتت الحافله وتوجهت اليها وركبت وما ان وطأت قدمي العتبه الاولى حتى سمعت الصريخ والاصوات والضحك !! لماذا؟ الحافله التي ركبتها كانت لموظفي ارامكو فيها موظفون كلهم رجال .. فاسرعت مهروله راجعة وجله .. فتصوروا موقفي الذي لاتحسد عليه ..