المساعد الشخصي الرقمي

مشاهدة النسخة كاملة : وافكرتي فالهنود الحمر كيف استوطنوا فالديار ...........( ملحق المخلين )


هداج تيماء
02-09-2006, 09:14 PM
السلام عليكم ورحمة الله وبركاته

الاخ والشاعر القدير / ملحق المخلين يشرفني ان العب معك اذا طاب لك

واستلم لا هنت




سلام ردة وفا بالطيب تشرق مثل شمس النهار =تضفي على اللي يثبت حجته قدام يبدابها
وافكرتي فالهنود الحمر كيف استوطنوا فالديار = حاسوا هواها وماها والمزارع جفت اعنابها
اسامي
02-09-2006, 09:22 PM
الله الله

الرائع هداج

وطاروق رائع


مبدا كايف


وشاعر يجبرنا على متابعته


صح لسانك وبانتظار ملحق المخلين
حامل الرآية
02-09-2006, 09:24 PM
هداج تيما

صح لسانك طال عمرك
وبانتظار الشاعر


ملحق المخلين



تحياتي للجميع


حامل الرآية
هداج تيماء
02-09-2006, 09:52 PM
اسامي



هلاااااااااااااااااااااا مليار


صح بدنك يالغالي


ومتابعتك تهمني وتشرفني


لاهنت يالقرم


حامل الرايه


مرااااااااااااااحب ياربي حيه


صح بدنك وعسى عمرك طويل في طاعة الله


وشرفني مرورك يالذيب
تركيه
02-09-2006, 11:07 PM
صح السانك والسانه 00



تحياتي 00
أبوعبدالرحمن
02-09-2006, 11:16 PM
وافكرتي فالهنود الحمر كيف استوطنوا فالديار
حاسوا هواها وماها والمزارع جفت اعنابهـا





الله الله

متابع هنا


صح لسانك
محارب الزلة
02-09-2006, 11:28 PM
صح لسانك يا هداج تيما واضم صوتي لصوتك

طاروق رائع ولاتهون محاورتك مع السجدية سجل اعجابي بما اوردتما فيها

تعجبني الروح الراقية في المحاورة بين الرجال اللي يعرفون اللي لهم واللي عليهم

والله يعينك على الهنود الحمر :)

اخوك محارب الزلة
برج المملكه
02-09-2006, 11:30 PM
ياخي انت كبير و ابداعك كبير لله درك

سجلني في الصف لو سمحت :)

في انتظار المبدع الاخر ملحق المخلين

و ياسلام ياسلام
ابن دخيل الله
02-09-2006, 11:48 PM
هداج تيما


احسن الله عزائك في هذه الديار


لكن لعلها عقوبة انزلها الله عليهم لما طغو وتكبرو وتجبرو



الله لايسلط علينا ويرحم حالنا



لك التحيه



اخوك المحب لك لله فالله \ ابن دخيل الله
بعيد المراميس
02-09-2006, 11:55 PM
ههههههههههههه

الله الله


سجل الاعجاب المتجدد دائمآ بكل ماتقوله جزل حزل مايحتاج وملحق المخلين من رموز الجزاله



هاحطني ضد برج لو سمحت وانتم كلكم غالين



اخوكم
الهـــرش
03-09-2006, 12:34 AM
هدااااج تيماااء

ملحق المخليين

من شعراااء غرابيل المبدعين

واللذين أحرص على متابعتهم دائماً


متااااابع للأحداااث

والنهاااااايه القاسيه
للهنود الحمر
ملحق المخلين
03-09-2006, 12:35 AM
وعليكم السلام

كيف لا يطيب لي العب وأنا العب مع شاعر بحجمك.

أتشرف دائماً بلعب مع أمثالك.


يامرحبا ياهلا ترحيبت ن ما تنحرف لليسار=من قلب صافي يقولونه جميع الناس لصحابها

ودي أجيب الحلول المقنعه قدام كشف الستار=طلع جوازك وعان الباخره وش عاد تبغابها
ملحق المخلين
03-09-2006, 12:50 AM
أسامي

ياسلام على هالتواجد

حامل الرايه

سلمت على المتابعه

الفريده

سلمتي على الحضور

أبو عبدالرحمن

الله يحييك وسلمت على المتابعه


محارب الزله


سلمت على المتابعه

برج الله يحيك وسلمت على المتابعه


أبن دخيل الله

سلمت على المتابعه


بعيد المراميس

حياك فالصف اللي يحتريك وسلمت على المتابعه


الهرش

حياك الله وسلمت على المتابعه ولنا الشرف بمتابعتك كل حين
محمد الروقي
03-09-2006, 12:50 AM
الله الله


هذي فيها ترحيل


تسلمون يالغالين جزاله زايد جزاله لا هنتو
اسامي
03-09-2006, 12:52 AM
الله الله ياملحق المخلين


صح لسانك


متابعين لكم


لاهنتواا
هداج تيماء
03-09-2006, 01:29 AM
استلم والشرف لي طال عمرك



والك البقا يا وسيع العرف مار اقصر شوي العيار = مالك ومال البواخر خلها ترحل بركابها
خلك معي لين ابين لك حدود السالفه والمسار = العلم جوفه علوم امقفّـــله في داخل كتابها
هداج تيماء
03-09-2006, 01:49 AM
الفريده

مرحباااااااااا

وصح بدنتس


شرفتينا



ابو عبد الرحمن

مراااااااااااااااحب يالله حيه


صح بدنك طال عمرك ومتابعتك تشرفنا



محارب الزله


هلاااااااااااااااا وغلااااااااااا


صح بدنك اخوي

واعجابك وسام شرف نفخر به


وعساك سالم وغانم

شرفتنا بتواجدك


برج المملكه


مرااااااااااااااحب ويا ربي حيه


نورت وشرفت والكبير الله

والابداع انت راعيه

ويا حي الصف اللي انت فيه



ابن دخيل الله

هلاااااااااااا وغلااااااااااااااااااا


يالله حيه

جزاك الله خير


واللهم امين


واحبك الله الذي احببتنا فيه


ومرورك يشرفني وانا اخوك


بعيد المراميس


مرحبااااااااااااااااااااا ااااااا ويا لله حيه

شرفتنا طال عمرك


والجزاله دوبك وانت راعيها


واعجابك فخر لنا يا بو جسار


الهرش


اهلين وسهلين

نورت وشرفتنا

وشهاده غاليه من غالي وانت من الشعراء الرائعين

شااااااااااااكر لك



محمد الروقي


يا هلاااااااااااااااا وغلااااااااااااااا

الترحيل الله يكفينا شره

وترى ما حنا حوله


سلم غاليك والشر ما يجيك



ومرحبااااااااا فيكم جميع وان كان نسيت احد يسامحني
العسجديه
03-09-2006, 01:49 AM
هداج تيماء و ملحق المخلين

جزاله تجبر ذائقتي على متابعه ماتكتبون

صحت قلوبكم

متابعه

دمتم بخير
هداج تيماء
03-09-2006, 01:55 AM
العسجديه


شيخة الشاعرات



هلااااااااااااا ومرحبااااااااااااااا


يا رب حيها


صح بدنتس وتسلمين على تواجدتس


ومتابعتس تشرفنا
ملحق المخلين
03-09-2006, 02:01 AM
الله الله أستلم




أنا بعيد النظر وأعرف علوم الباخره والمطار=أشوف قلبك من الطرقه يابو مسعود يرتابها

رجلي على رجلك ومحشوم ياهداج منها مجار=لاكن هات العلوم اللي ولا واحدهنا جابها
محمد الدهمشي
03-09-2006, 02:09 AM
ياهداج تيماء شاعرعلى مستوى واستغرب انك لاتنشر في المجلات

ملحق المخلين ابداع في الردود
هداج تيماء
03-09-2006, 02:20 AM
الله الله


استلم لا هنت


فالقريه اللي عرفتك عندها دور وتلقى الدمار = وتشوف صقر الجزيره كيف صار يخالط غرابها
ما تلفت ياعميلي في رطين مكبرين الصغار = العالم اللي تدربى فالطعوس وتفتل اشنابها
هداج تيماء
03-09-2006, 02:24 AM
ابو راشد


مراااااااااااااااااااااحب


و يا ربي حيه


شهاده اعتز فيها من شاعر له وزنه



والله يعطيك العافيه على تواجدك


والمجلات انتم اولى منا بها
ملحق المخلين
03-09-2006, 02:58 AM
أستلم يالقرم


هاذي من اليوم ياهداج نسمعها وصدر قرار=لاكن خصص عدد مدري عن الحسبه وحسابها

أن كان منته معدل بدل الديره وتلقا الكبار=الله يحييك في دار قريبه تعرف أحبابها
ملحق المخلين
03-09-2006, 03:04 AM
محمد الروقي حياك الله

وشرفت الصفحه ونورت


أسامي

يسلمك الله على المرور اللي يثلج الصدر


العسجديه

نورتي يالجزله

فخورين بتشريفك

وسلمتي على المتابعه
هداج تيماء
03-09-2006, 12:35 PM
استلم لا هنت




كان القضيه مسكت اخيوطها في يدك يالمستشار = الجمله اللي بوسط السطر عطني موجز اعرابها
الحر يكفخ جناحه في فضاه ومع طيوراً حرار = ما ضاق جوه من البومه لو انه شان هندابها
ملحق المخلين
03-09-2006, 03:57 PM
ياسلام ياسلام



ملعون خصمك ليا ماحط للهرج المثيل أعتبار=لاكن خوفي يشيعون الخبر ثم عاد نبلابها

أنته على البال ياهداج لاكن المدينه تغار=يبا يجيك الخبر سري وديرت شرك مرضابها
هداج تيماء
03-09-2006, 05:52 PM
الله الله

استلم لا هنت


ما غير انا وانت يا ملحق ركبنا فوق متن القطار = نبحث قضايا الشعوب الناميه وندور اطبابها
لا تلتفت في هل الهفوات واللي يلعبون القمار=ناس(ن) على هامش الدنيا سدى لو تعلن اضرابها
ملحق المخلين
03-09-2006, 08:36 PM
الله الله


أسلم أسلم




أما قطعنا تذاكر للسفر ولا دخلنا شهار=والديره العامره لا تجهل العربان وأنسابها

الحج دوبه بدى دام أن فيها رمي سبع الجمار=والشيعي أرفض صلاته ياولد أن كان صلابها
هداج تيماء
03-09-2006, 11:39 PM
الله الله

استلم لا هنت طال عمرك والختام عندك



يا صاحبي وانت لك حشمه ولك عندي كثير الوقار = خل الرعيه ورا الراعي تسير وتضبط اعصابها
والبحر في قاعته فتش وتلقى اللول وسط المحار=السلعه الرابحه ما خاب شاريها وجلابها


الاخ / ملحق المخلين

كان لي شرف اللعب معك ايها المبدع والختام عندك

تقبل مني خالص الشكر والتقدير وصح لسااااااااااااااانك اولاً واخيراً

اخوك هداج تيماء
برج المملكه
04-09-2006, 12:44 AM
ياحلو لعب الكبار لاصاروا متفاهمين ويناقشون قضيّه :)

هداج و ملحق المخلين

لله دركم و الله لا يضركم
ملحق المخلين
04-09-2006, 09:22 PM
برج سلمت والله على المتابعه

والعين ماتعلى على الحاجب
""""""""""""""""""""""""""""""""""""""





هداج الشرف لي والله بالعب معك والأستفاده منك.

وصح لسانك وسلمت يالغالي



الحر يكفخ وشفت الحر رفرف يوم شاهان طار=مالي ومال الديار الممحله لو تلبس ثيابها
من طب واد الهيام يهام وأنته بين جنه ونار=والشوك قد قيل مايثمر عنب ماني بكتابها
هداج تيماء
05-09-2006, 04:52 PM
البرج


هلاااااااااا وغلاااااااااااا

يا ربي حيه

ويا حلو تواضع الابراج الشامخه ونظرها في المباني المجاوره


لا هنت على تواجدك



ملحق المخلين


صح لسااااااااااااااانك مليار اولاً واخيراً


والشرف والفائده لي طال عمرك


وعساك سالم وغانم