برج المملكه ... تعال هنا

[اسامي]

برج المملكه

مساك الله بالخير .. وشلونك ؟

دوك





ياسلام الله سلامٍ مثل وبل الخيال = يشمل الحاظر ويختار برج المملكه

عيش في واقعك خل المناوي والخيال =ولو طلبت الحظ من حضرتك قل مملكه






.




.

[حامل الرآية]

اسامي

صح لساااااااااااااااااانك طال عمركـ

وبانتظار

برج المملكه

ومدامها بينكم ياثنين راح تكون محاورة الموسم


تحياتي


حامل الرآية

[هداج تيماء]

ياسلام الله سلامٍ مثـل وبـل الخيـال
يشمل الحاظر ويختار بـرج المملكـه
عيش في واقعك خل المناوي والخيال
ولو طلبت الحظ من حضرتك قل مملكه



يا سلااااااااااااام

لله در اسامي عندما يقطف لنا ثمار الجزاله من بساتين الابداع

هكذا والا فلا

صح لسااااااااااااااانك ياراعي اللي انت خابر


ومن الطرف الآخر انه البرج



هنا سنقف في المدرجات ولن نجلس لنستمتع

باللعب النظيف المتقن

[راعي المزاريج]

مساك الله بالخير ياسامى يسلام على الابيات والابداع
الضاهر ان البرج منت بشايفه الليله ياسامى اشوفه ماغير يناظر بعيونه وشكله ماهوب راد

[برج المملكه]

الله يمسيك بالخير والسرور

بخير الله يسلمك

استلم استلم ياراع الشقر :)




مرحبا مليون ترحيب ٍ اكبار و جلال=من هجوس ٍ تكره الزخرفه و الفبركه
مار لال إن هاج موج البحور الهوج لال=واقعي فيه بركه و انت فيك الف بركه

[ابن دخيل الله]

هههههههههههههههههه

[تركيه]

صح قلووووبكم 000



لاهنتووووو يالقروم 00




تحياتي 00

[برج المملكه]

ارحب ياحامل الرايه

حضورك غالي لا عدمتك و شرّفتنا كتير كتير :)

هداج تيماء

مرحبا مليون ولا يسدّون انت حضورك مكسب وراس مال ياهداج

هلا و ميّة غلا

لكم تحيّاتي و احتراماتي

[برج المملكه]

الفريده

لاهنتي يالقرمه :)

[اسامي]

حااامل الرايه

يامرحبتين

وصح بدنك

وحيااااك الله على الحضور

ويشرفني حضورك يالغالي

لاهنت



=========


هداج تيماااء

هههههههههههههه

ارررحب ياولد ارررحب

صح بدنك ويشرفني والله حضورك يالذيييب

وشهادتك اعتز فيهاا

ومتابعتك تسعدني


راع المزاريج

مسيت بالنور
ارررحب وحياااك الله

والبرج ماينحاش آآفة منزله

لاهنت على الحضور

=========

ابن دخيل الله

ضحكه دايمه


=========


الفريده صح بدنتس ولاهنتي على تواجدك

دمتي بخير

[اسامي]

الله الله الله

استلم يالذيب لاعدمتك



البقا ..سوق المعاني مثل سوق الدلال = انت ودّك خط عسفان ولا مدركه

طيع شوري واترك ام الغنج وام الدلال= كم واحد راح منها وشفّه مدركه




.

[ابن دخيل الله]

اسامي


الله لايهينك ومتابع لك دائما والله العظيم


وضحكتي على تعليقت الجهاز مع المشرف الكبير برج المملكه حفظه الله


لكنه مسح جميع الزيادات

لان عنده صلاحيات اللي مايعجبه يمسحه

واللي يعجبه يتركه


اخوك المعز لك \ ابن دخيل الله

[بعيد المراميس]

سجلوا متابعتي وفي صفك ياأسامي


وانا بعد بشيل اللي مايعجبني وشكلي بوقف كل شي حتى اشعار اخر :)

[ملحق المخلين]

أسامي

برج المملكة

عفاريت الشعر


مبدعين من الدرجة الممتازه

متابع

[برج المملكه]

عندك يالعقوبه :(


الحمول الجايره ما لها غير الجمال=والبحر ما فيه يا كود حوته و سمكه
خل عنك الترفه ام الدلع و ام الجمال=وانتبه لا تهدم البيت كلّه و سمكه

[برج المملكه]

بعيد المراميس ارحب ارحب

وخل ابن دخيل الله يضحك و يلعب بين الصفوف لا يغدي :)

ملحق المخلين

هلا و رحب و انت سكني ابداع لاخليت منك

وحيّك حيّ متابعتك

تحياتي

[العسجديه]

برج المملكه واسامي

شقر وفن من فنون الشعر التي لايجيدها الا الكبار

ان كان لشعر حضور فهو في هذه الصفحه

دمتم ذخر لهذا المنتدى

صحت قلوبكم

متابعه لاخر حرف من حروف ابداعكم

تحياتي

[اسامي]

ابن دخيل الله

سلمت ولاهنت

ومتابعتك تشرفني وتسعدني

=============

ابو جسار

يالله حيه

متابعتك تسعدنا والصف يتشرف بك

لاهنت

=============

ملحق المخلين

يامرحبتين

متابعتك تسعدنااا

لاهنت

[اسامي]

العسجديه

يامرحبا والله

وصح بدنك وكلك

اتشرف بحضورك

ويسعدني دايم تواجدك

متابعتك تهمنا دائما

لاهنتي يابنت الرجال

[اسامي]

دوك ;)



احمد الله كامل الخلق لله الكمال = اقدر اسحر بنت الاجواد ولا المشركه


كنت تاجر وسط سوق التداول والك مال = مار تال الوقت روس الغنم فالمشركه








.

[ملحق المخلين]

متابعين للأبداع



صح لسانك أسامي وصح لسانك يابرج


كل ماقلت خلصت الكلمات جابو شيْ جديد منتم بصاحين.



سلمتو

[محمد الدهمشي]

والله شعار ترفعون الراس

ياسامي ترى برج وكلك مطب وانت مشت عليك


يابرج المملكه قصايدك تكتب بماء الذهب وياليتك عندنا بالكويت على الحرام غير اسويلك امسيه

[اسامي]

ملحق المخلين

تسعدني متابعتك اي والله

لاهنت على تواجدك



========


ابو راشد

يامرحبتين ولاهنت على المرور

والله يستر من المطبات الصناعيه :)


لاهنت على المرور

[برج المملكه]

ها هاك :)


خل عنك المشركه كلها فسق و ظلال=مار يا مترك ورى ماتهاوي متركه
خابرك ماتترك السوق في شمس و ظلال=لو اقول الك اتركه قلت و الله متركه

[اسامي]

الله الله

دوووك


انت نصراوي وانا من محبين الهلال = لاتجي فمدرّج الخصم نعطيك فلكه
الوعد قدام واصبر ليا هلّ الهلال = وانت نجم ٍ في سمانا وانا مثل فلكه

[برج المملكه]

ههههههههههه

ياسلام

ها استلم و صح لسانك و لاخليت منك يامبدع

و تصبح على خير و الجميع بخير


والله انك شيّ ماهوب شيّ من المحال=اكثر من امرار مرماك هزّيت اشبكه
علّ من عد الروى و الرشا فوق المحال=قدم لا ازعّلك و الذود في الشبك اشبكه

[اسامي]

ههههههههههههههههههه


الله الله

ماينسكت عنك مار دوك


طيّشوك اهل الصحافه وصدقت المقال = ولا انا خابرك واعرف هجومك دربكه
قال ابزعّلك لكنّ راع العلم قال = دربي اعرف منهجه وانت هذا دربكه


برج المملكه ابداع بلا حدود وشاعر داهيه


شرفتني واسعدتني

وافدتني


لاهنت وصح لسانك


وكل الشكر لمن مر من هنا

[أمل عبدالعزيز]

.
.
.

محاورة جميلة

صحت القلوب


وسلمت العقول



ويبقى الذوق والتعامل بمنطقية أساسين من الأسس التى ينبغي مراعاتها أثناء المحاورة


برج مايحتاج
واسامي ماشاء الله


تحيتي لكليكما

[برج المملكه]

العسجديه

هلا و غلا .. حضورك كبير يا شاعرتنا الكبيره واطراءك غير كما هو حضورك

سلمتي و لاهنتي

ملحق المخلين

مرحبا مليون هلا و رحب افتكني من اسامي عاقبني بالشقر لا شقرت عصاه :)

ابو راشد ..

ياليت لو تكون اصبوحه بدال الامسيه و اكون شاكر لك :)

امل عبدالعزيز

هلا و مرحبا .. سلمتي و لاهنتي على اطراءك و حضورك

شكراً جزيلا ً للجميع

[برج المملكه]

هههههههههههه

دربكه الثانيه يبا الفيت انها بالفصحى :هاها:

طيب طيب

اسامي

شاعر مبدع و جزل و حرّيف و اجد للعب معك متعه ما تتخيّلها :)

صح كلك و لا عاد تعاقبني بالشقر !!

تحيّتي لك و الله يعطيك العافيه

برج المملكه

[اسامي]

بنت عبدالعزيز


حياك الله


وشرفتينا بحضورك


صح بدنك ولاهنتي