ياشيب عيني شيباه ماشابها شايب قبل مما تشوفه في هالدنيا

[ابن دخيل الله]

والله مشكله


:ياشيب عيني شيبتن ماشابها شايب قبل == امن الوجيه اللي كثير الشر في شدقانها


بالليل دفو للشلي والصبح مدوا له حبل == هذي فعول اهل الخنا هم ضابطين الحانها

[سعد البراق]

والله يا بن دخيل الله انك شاعر مابك كلام
لكـــــــــــــــــــــن مشكلتك ( سريع الغضب )
وسع صدرك وانا اخوك واخذ الامور ابساطه

أنتبه تهاوشني تراي من اخوياك القديمين

[ابن دخيل الله]

اسامه سعد

الحق يقال

والله العظيم والله العظيم اني اعزك واحترمك

وانت كلك خير وبركه

بس بعض الناس يبي ياخذ راحته

واتركوه لاتقولون له شي تراه يزعل ويتركنا

ومادروا انه نفر الناس وخربط الامور

هذا اللي يزعلني طال عمرك


لك حالص التحيه من محبك \ ابن دخيل الله

[محمد الروقي]

هد اعصابك يابن دخيل الله الامور ماتحمل كل هذا

الدعو وناسه والشاعر ليا زعل حطوه شاره خلك وسيع بنايد

والرجال ماحصل منه شي يحمل كل هذا دمت بخير ماتعرفني لا تزعل علي

[راعي المزاريج]

الله الله على البيتين يابن الدخيل انت شاعر غصب عن الي مايرضى والي فيه غبن ذالليل بيزيد غبنه والابيات ماضنتي ان الشخص المعني النابغه بيرد عليها انا في صفك يابن الدخيل لين يلغون المنتدى كامل

[ابن دخيل الله]

محمد الروقي


الله لايهينك واشكرك طال عمرك ونصيحتك على العين والراس


000000000000000000000000000000000000000

راعي المزاريج


اشكرك ياشاعرنا على مرورك


اخوكم الراضي \ ابن دخيل الله

[محارب الزلة]

لا تشتكي للناس ياسبع الخلا خلك جبل
......................................... والشجرة اللي عرقها ثابت خضر عيدانها
من صوبه رمح عطيب يصير مرمى للنبل
.......................................... والناطحة ما تنهزع تاقف على سيسانها

هذي نصيحة من اخوك محارب الزلة وان كنت تستدعي شاعر بعينه المعذرة واسحب ابياتي

[محمد الدهمشي]

ياسلام يابن دخيل وتراني جايب كل عنزة بصفك
ورجعونا من السالمي كلهم بدون هههههههههههههههههههه

[ابن دخيل الله]

ابشرك نصيب ولا نصاب


مانشكي الا لواحدن يكرم عن العزى وهُبل ===الواحد الفرد الصمد واعوذ من شيطانها

والضب لامن بين العكرة توهق وانحبل == والناس ترشف من مرق ضب الخلا بقدحانها

[ابن دخيل الله]

ابو راشد


يكفي نشوف كلامكم الممتع بحق في منتدى برج المملكه حفظه الله

[راعي المزاريج]

واصلوا لاهنتوا
وانا في صفك يابن دخيل

[محارب الزلة]

تراي ناصح ياخوي للحرب ما ادق الطبل
............................................ توي لفيت دياركم واقف على بيبانها
اسمي محارب لكن الزلة نرجعها دبل
......................................... اخذ النصيحة او ترجعها على شيبانها

[مشاعر حالمه]

ابن دخيل الله .

صح السانك ومتابعه لك باذن الله ..

( اشرب لك ليمون وتهدا اعصابك )

^__^

تحيتي لك / مشاعر حالمه ..

[ابن دخيل الله]

مشاعر حالمه


شكرا على مرورك


وشكرا على النصيحه !!!!!!!!

[ابن دخيل الله]

تراي ناصح ياخوي للحرب ما ادق الطبل
............................................ توي لفيت دياركم واقف على بيبانها
اسمي محارب لكن الزلة نرجعها دبل
......................................... اخذ النصيحة او ترجعها على شيبانها

استلم سلمك الله

ابك النصيحه طيبه ماردها غير الخبل == وبعض النصايح ضالمه ماعدلو ميزانها

بعض الاوادم غادين ومضيعن كل السبل == ونفس الرجل بين الرجال اما رشد او هانها

[محارب الزلة]

عساك سالم ودوك الرد

الغادي اللي مسرع بلا نور وطبح بالدبل
............................................... مخباك ياراع البضاعة ما تشيل أثمانها
الذود يعرف صاحبه من شاف وسم اهل الابل
................................................ وبعض العرب مايعرف الناقة بغير الوانها




.

[ابن دخيل الله]

يامحارب افهم هرجتي راع الرشاوي انقبل ===واوراق منهو مستحق ياصاحبي شف عانها

من جاب هرجات الصدق يامحزمي قالو انهبل === وش ودّهم لام الضنا تفطس على ورعانها

[محارب الزلة]

المعذره ياخوي على التأخير

استلم لاهنت

ترا السحابة لا امطرت من جودها وقع الوبل
.................................................. .......... وان ما امطرت مالك عليها غصب هذا شانها
واليا امحلت ديرة يحيل البدو لديار الربل
.................................................. .......... واللي يواطن بالدهر يصبر على ضيانها