تحية مسيــــــــــــــــر يا اهل المنتدى

[محارب الزلة]

السلام عليكم ورحمة الله وبركاته



ياسلام الله سلامن من على ظهر المطية
........................................... ردة تضفي على اهل المنتدى واللي يقوده
جيت متعدي وشفت الديرة الخضرا الندية
.......................................... طيـــــبه والطيب دايم ماندم منهـــــو يروده



.

[محمد الدهمشي]

حياك الله بالنيابه عن المعازيب 0000وبدايه قويه

وبنتظار خصمك اللدود

[ثابت الودعاني]

ارحب
واستلم لا هنت


مرحبا مليون في مليون في مليون ميه=يا عزيزن نحتفي به ونتفاخر في وجوده

واقلط اقلط سم واشرب من دلال الشاذليه=عندنا والله لتنسى حاتم الطائي و جوده

[عبد العزيز سبيل الحربي]

ياسلام ياسلام

حياك الله والمنتدى منتداك

وانا ضيفني في صفك

[بعيد النظر]

شعراء كبار


صحت ألسنتكم..





واصلوا





,

[محارب الزلة]

أخوي كحيلان ابقاك الله ولي الشرف انك بصفي لاهنت

اخوي بعيد النظر ما عليك زود وتشرفت بوجودك بالمشاركة

اخوي thj المهلي ما يولي وماتهون واستلم



البقا بك يالمرحب ثنو ما جا بالتحية
.............................................. والتحيه وصلها للي تكلف في ردوده
سيل ديرتكم علالمه مختلط من كل نيه
.................................... سيل ضلع وسيل قاع وسيل حره في حدوده
.

[تركيه]

صح قلوووووبكم 00




لاهنتووووو 00

[ربح السبيعي]

مرحبابك يامحارب الزله وصح لسانك


ولاهان من رد عليك

[ناصر السبيعي]

محارب الزله.......thj(الكلمه الطيبه)

رائعين

واصلوا

وحنا متابعين

[محارب الزلة]

اختنا الفريدة صح بدنك لاهنتي

اخوي ربح السبيعي صح بدنك ولي الشرف بمرورك بالمشارك لو لي شرهه على المشرف اللي حذف ابياتي بعد رد ابو راشد لوانه رد علي بكلمات انا رديت علي بابيات وياليت انها تبقى تثبت على شان وما تسرى قوافيها وهي

المسير لا لقا بالبيت تشعم نار حيه
..................................... زاد نار الطيب طيب وزاد ريح المسك عوده
الخصومة للخصيم اللي تجي منه الخطية
..................................... ولا لمع برق الشتا تسمع جواب في رعوده

الحذف ماله مبرر كل رجال مسئول عن ما يتفوه فيه ان طاب مردوده والا هو مسئول عن كل كلمه تجي منه

اخوي ناصر السبيعي كلمة اعتز فيها ....... طيبه من خشم طيب وماعليك زود
وسلامتك والحاضرين

[ثابت الودعاني]

استلم لا هنت


التنوع والتكامل في تحركنا مزيه= سيل ما ينضب عطاءه في هديره وبركوده

واختلاف الرأي ما يفسد لجمعتنا قضيه= وكل من شارك له التقدير, نشكرله جهوده

[محارب الزلة]

ما تهون يالذيب واستلم

وجهتي يم المدينة وانت بديار الحويه
.................................................. .. من لعب لم الجديله قادها والا تقوده
هقوة الرجال ما يشره على صيد الردية
.................................................. .... أن خسرها خاب فاله وان كسبها ما تزوده

[حامل الرآية]

محارب الزله

صح لسااااااااااااااااااااااا ااااااااانك ولاهنت


thj

صح لسااااااااااااااااااااااا ااااااانك طال عمرك
واعتبرني في صفك ولايهون اخوي/محارب الزله


تحياتي للجميع

حامل الرآية

[ثابت الودعاني]

استلم لا هنت



العلوم الغانمة تلقى هناك ويا هنيه= والسنافي هو سنافي لو زمنه اعلن جحوده
والشجاع الصيرمي ما يجزي السيه بسيه= والكرم والطيب والنالات في الدنيا شهوده

[محارب الزلة]

اخوي حامل الرايه صح بدنك وما تهون
ووجودك بالمشاركة يشرفها

thj
المعذره يالذيب على التأخير

استلم

العلوم الغانمة في هالزمن صارت زرية
.................................................. .. والحشيمة والقدر يلقاه من كثر نقوده
خالد الفيصل قصد يوم الزمن دارت رحيه
.................................................. .. ذيبنا جايع وحصني وقتنا يارد عدوده

[ثابت الودعاني]

لا يزال الخير باقن والعرب فيها بقيه= ما يموت الطيب فينا نحرسه فخر ونذوده
والزمن لو دار مادرنا ثبتنا ,والمنيه = حوضها لا صملت والله يطيب لنا وروده