مهدي بن مسفر الحبابي
01-09-2006, 07:35 AM
أخواني وخواتي اسرة هذا الصرح الشامخ أنقل لكم هذه الرايعه لشاعرنا القدير أحمد الجريفاني والتي نشرت هذا اليوم الجمعة الموافق8/8/1427هـ في صفحة مدارات شعبية بجريدة الجزيرة
إليكم القصيده كما نشرت
صوب.. وصوب
هنيت يا منهو من العقل مسلوب =ما يجرحه لوم ولا يبدي عتاب
ولا تشغله دنيا ولا هجر محبوب = ولا يميز بين ربعه والاغراب
ولا يهمنه مواعيد عرقوب = وان زاره احد ما وطى زلفة الباب
ولا من يقول فلان ما اوفى بماجوب =ولا يقال اصبغ ترى عارضك شاب
ما هو سواتي جوفه وجار مشبوب =كني بالارطى داخل الروح شبّاب
لا قيل وش بك قلت تكفير لذنوب = الله علم وش بي وهو ربَ الأرباب
حياتي اللي روحت كنت منهوب = لو قدروها ما سوت حفنة تراب
لا واحسايف عمري ان كان محسوب =ولا حصل لي منه يا كود الانشاب
انا على امري دايم الدوم مغلوب = وش عاد ينفعني لو ابديت الاسباب
اعيش في صوب والافراح في صوب =قالو تحمل قلت ما ني بكذاب
(ما قدر المولى على العبد مكتوب) = وش حيلتي لا صرت مومن ومنصاب
أحمد الجريفاني
إليكم القصيده كما نشرت
صوب.. وصوب
هنيت يا منهو من العقل مسلوب =ما يجرحه لوم ولا يبدي عتاب
ولا تشغله دنيا ولا هجر محبوب = ولا يميز بين ربعه والاغراب
ولا يهمنه مواعيد عرقوب = وان زاره احد ما وطى زلفة الباب
ولا من يقول فلان ما اوفى بماجوب =ولا يقال اصبغ ترى عارضك شاب
ما هو سواتي جوفه وجار مشبوب =كني بالارطى داخل الروح شبّاب
لا قيل وش بك قلت تكفير لذنوب = الله علم وش بي وهو ربَ الأرباب
حياتي اللي روحت كنت منهوب = لو قدروها ما سوت حفنة تراب
لا واحسايف عمري ان كان محسوب =ولا حصل لي منه يا كود الانشاب
انا على امري دايم الدوم مغلوب = وش عاد ينفعني لو ابديت الاسباب
اعيش في صوب والافراح في صوب =قالو تحمل قلت ما ني بكذاب
(ما قدر المولى على العبد مكتوب) = وش حيلتي لا صرت مومن ومنصاب
أحمد الجريفاني