بعض البشر لامن حشمته طمع فيك

[تاجر مواشي]

اغنام - ابل - دواجن - طيور


بعض البشر لامن حشمته طمع فيك (http://www.aghnam.com.sa/vb/showthread.php?t=231459)



بعض البشر لامن حشمته طمع فيك
وبعض البشر لامن جفيته يودك


وبعض البشر يتعب على شان يرضيك
وأغلى من اخوانه بقلبه يعــــدك


ويا صاحبي هالحين بانت خوافيـــك
علقــتني مابين مزحـــك وجدك


وش جاك مني ياعشيري وانا اخيك
قبل امس انا صاحبك واليوم ندك


لاضاق صدري من عنا وقتنا اجيك
واشوف دمعات الغلا فوق خـدك


والحين تظلمني وانا منك وفيـك
بكل إحترام اقول يا خوي حـدك


ثمن كلامك يا عسى الله يهديك
لاصار ماي الوجه يعجز يـردك


ثوب الردى ياصاحبي مايقديك
الثوب لا ثوبك ولا القد قـدك


انا اول انسان اذا ضقت بجيك
حتى ولا اذكر يوم وقـفت ضدك


ماتذكر اني بالوفا كنت اجازيك
وانته تجازيني بظلمك وصـدك


لكن خلاص اليوم والله مابيك
النفس طابت سـو ماهـو بـودك


الطعنه اللي من ورى الظهرتنهيك
وشلون لاجاتـك من اللي يــودك


لا واهني يوم انا اموت بيديك
ذابح وتبكـي من ذبحته بيـدك


المصدر: منـتـدى أغـــنـام (http://www.aghnam.com.sa/vb) - من قسم: هـمس القــوافــي والخواطر (http://www.aghnam.com.sa/vb/forumdisplay.php?f=89)


fuq hgfav ghlk palji 'lu td;