اقلط يا / جابر غازي

[سعد البراق]

خابرك تحب الالحان القديمه

استلم لا هنت


سلامي رديةً تبلغ بلوغ الشمس وقت النهار = سلامن اكتب حروفه والعرب تقرى بشاشاتها
يا كابتن الطايره قدام لا تقلع من ارض المطار = الارض والجو قبل اتطير لا تجهل مساراتها

[تركيه]

انا اشهد ان كل قديمن زين قديمك نديمك 00





صح قلوووبكم يالقرروووم 00





تحياتي 00

[الهـــرش]

أسااااامه


صح اللسانك


ومبدأ كااايف


متاااابع بإعجاااااب لمحاوراتك واحرص عليها


لاهنت

[محمد الدهمشي]

ياسلام يابوسعد00000من قدك


شيخ000شاعر000رسام000قناص

[جابر غازي]

يا مرحبا يا أسامه وطاروقك كايف يالقرم

الله الله وأستلم :



عداد ما هلّ همّال السحابه فوق كل الديار
........................... يا مرحبا والاذاعه راسلتنا عبر .. موجاتها

انا ليامن مشيت الدرب ما أضيّع طريق المسار
........................... اقيسها يا طويل العمر لين احسب مسافاتها



ملاحظه / يا ليت وانا اخوك تكبّر حجم الخط تراي والله يالله اشوفه يالامير ولاهنت

[سعد البراق]

استلم وانا اخوك


الله يبقيك يا جابر على عزن وطيبن وكار = واليا دنت منك تمحا السيئه وتضاف حسناتها
مدري كبر سن شوفك راح ولا من ركوب المهار = يا راعي الشجرة الخضرى تبا تذبل غصيناتها

[سعد البراق]

الفريده
صح بدنك
====
الهرش
صح بدنك ويشرفني متابعتك لابياتي المتواضعه
====
ابو راشد
شيخ = صحيح
شاعر = ممكن
رسام + قناص = من وين جبتها

[راعي العشواا]

يا راعي الشجرة الخضرى تبا تذبـل غصيناتهـا


ياسلام ياسلام

متابع لكم

[سعد البراق]

راعي العشوا

نتشرف بمتابعتك
========

تعديل بسيط




مدري من الكبر شوفك راح ولا من ركوب المهار = ياراعي الشجره الخضرى تبا تذبل غصيناتها

هذا افضل

[خيال الغاره]

اسامه سعد

جابر غازي

لاهنتم على الطاروق ولكم تحياتي

[جابر غازي]

الله الله

استم:


حنا عرب والعرب يا صاحبي تعرف حقوق الجوار
........................ والله يطوّل عمار المسلمين ويرحم امواتها

يا راعي السالفه مالي علاقه فالنياق البكار
....................... خليتها والقضيه ما نبا نفتش ملفاتها

[سعد البراق]

استلم لا هنت


الناس ما عاد تنظر للجزيره مع قناة المنار = كله من اسباب ترديد الخبر في كل نشراتها
ياهرش خل الفطير ورح تنقالك بكارن جسار = اما من الشعل والا الشقح والوضحى لنا هاتها

[جابر غازي]

الله الله

تستلم




ان كان ودك تعرف السالفه يابو سعد بختصــار
........................... خلـّك على الدرب سيده واترك الناس وشعاراتها

اللي تشقلب ليا زان التشقلب من يمين ويسار
.......................... أليا بدالك مع العالم لزوم أتسوّي أسواتــها

[سعد البراق]

طيب طيب

استلم


يالي مسكت السريع وتحسبنك مع طريق العمار = قدامكم نقطة التفتيش تسبقها رداراتها
الشقلبه من طبوع القرد ما هي من طبوع الحرار = والناس وسط البلد يا صاحبي تعرف مقاماتها

[سعد البراق]

خيال الغاره

اشكرك على المرور والتعليق ، والله لا يهينك

[برج المملكه]

اسامه سعد و جابر غازي

و الكبار كبار

محاوره ثقيله ثقيله ثقيله و يجب ان تكون في الواجهه و الصفحه الاولى

سلمتوا و دمتوا :)

[جابر غازي]

الله الله وآسف على التأخير

استلم :


ما يلتفت رايد الروّاد للظابط وللمستشار
...................... ان كان صدّر قراره ما يفكّر في قراراتها

مافيه بيني وبينك يا وسيع الصدر رد اعتبار
..................... لكن بنت الهوا قامت تجاكرني بنظراتها

[جابر غازي]

برج المملكه


توقيعك مؤثر : ) وتواجدك يعطينا دافع يا حضرت المشرف


الله يعطيك العافيه

[سعد البراق]

استلم لا هنت


ما دام راع المعالي فوقهم ما يصدرون القرار = مراكز المنطقه لابدها ترجع لاداراتها
انا خطبت البنيه عقب ما لبستها بالسوار = زانت علاقاتها معنا ومعكم وش علاقاتها