الاسناد

[الـهلالي]

السلام عليكم ورحمة الله وبركاته
حبيت انقل لكم ابيات
اسندت علي من شاعر
لقبه النداوي
ورديت عليه
واتركم مع الابيات


النداوي



الموت سكره تاتي الروح وتروح=لكن سكرات المحبه امديمه
مكتوب لي اعيش وحداني الروح=ومكتوب قلبي مايلاقي نديمه
اذا انت ناوي بالهجر روح مسموح=مسموح ياراعي الوصوف العديمه
لكن انا مصيوب منك ومذبوح=مذبوح والصدمه تراها عظيمه
شوفي غدا حالي نحيله وممسوح=وشوفي ادموعي مثل هطال غيمه
اسهر طوال الليل واون وانوح=ذي حالة ٍ يرثى لها ابلا عزيمه
واليوم يا____ امودع وبا روح=بموت وفارق عذابي وضيمه

الهـلالي


ياباني ٍ قافه على ساس واصروح= رجّعت وقتي للسنين القديمه
جرحتني وانا من العام مجروح=والروح من يوم الموادع سقيمه
والصمت يذبح والبلا مااقدر ابوح=اصبر على طعناتها والهزيمه
بنيت في دنيا الهوى جبال واسفوح= ثم اصبحت دنيا هوانا يتيمه
قال الوداع وقلت ضحكات ومزوح=حتى نطقها ظاهره من صميمه
ولي حمام ٍ جر صوته على الدوح=تل المحاني وارتكب بي جريمه
ما له على جر المواويل مصلوح =بلاه ماذاق القهر والظليمه



سوااااالم

[راعي العشواا]

ياسلااام ياسلااام

صح الله لسانك ولسان

النداوي

ولاهنت

[برج المملكه]

الهلالي صح لسانك وبيض الله وجهك

وصح لسان النداوي

مساجله رائعه و محسوبه

لاهنت و صحت السنتكم ودمتوا على العز

اخوك برج

[ابن ابوووي]

النداوي والهلالي صح كلكم

[بعيد النظر]

صح لسانك

وصح لسان النداوي



تحيتي.

[الهـــرش]

لاهنتو

صوت وصدى جميلين

ولي ملاحظااااات بسيطه

الاولى
من كلمات زميلك
وهي كلمه نحيله؟؟ وهذا خطأ لان الكلمه ستتحول الى مؤنث ويكون قائله حتماً مؤنث
ولكن الصحيح

((نحيلٍ))


الثانيه

كلمه يابانيٍ في البدايه حسبته يقصد من دوله اليابان
واثاره يقصد يا بانياً وفي فرق بين الاثنين


الثالثه

مالفرق بين الجبل والسفح؟؟
وهل يمكن بناء السفح لوحده والجبل لوحده
بمعنى هل هما مختلفين أم جميعهما واااحد



وشكرا


الهرش

[ولـــيد]

عطر الياسميـــن

النداوي

مكتوب لي اعيش وحداني الـروح
ومكتوب قلبـي مايلاقـي نديمـه
............................................
؟؟؟؟؟؟؟؟؟؟؟؟؟؟؟؟؟؟
...........................................
؟؟؟؟؟؟؟؟؟؟؟؟؟؟؟؟؟؟
اسهر طوال الليـل واون وانـوح
ذي حالة ٍ يرثى لها ابـلا عزيمـه
واليوم يا____ امودع وبـا روح
بموت وفـارق عذابـي وضيمـه
ا,,,,,,,,,,,,,,,,,,,,,,,,,
لهـلالي
جرحتني وانا من العـام مجـروح
والروح من يوم الموادع سقيمـه
والصمت يذبح والبلا مااقدر ابوح
اصبر علـى طعناتهـا والهزيمـه
بنيت في دنيا الهوى جبال واسفوح
ثم اصبحـت دنيـا هوانـا يتيمـه

صح لسانك
والله ابيات ولابعدها ابيات
تسلمون ثنيناتكم

[ابن دخيل الله]

الهلاااااااااالي


اشكرك على هذا الابداع الغير مستغرب


وشكرا للنداوي





لكما التحيه \ اخوكم : ابن دخيل الله

[الـهلالي]

راعي العشواا

برج المملكه

ابن ابوووي

بعيد النظر

الهـــرش

دموع ساهر

ابن دخيل الله

يعلم الله ان المرور بحد ذاته شرف لي
فما بالكم بالاشاده الطيبه منكم
ومشكورين جزيل الشكر
وتقبلو تحيتي

[الـهلالي]

اخوي الهرش شكرا ً على الملاحظات
وحبيت اجاوبك على كل ملاحظه
على حسب خبرتي البسيطه جدا ًفي اللغه

الاولى

(حالي نحيله) كلمه عربيه فصحى

الثانيه

خطاء مطبعي والف شكر لك على التنبيه:11umbup:

الثالثه

الفرق بين الجبل والسفح
الجبل معروف ما يبي توضيح
السفوح هي اعالي الجبال وتأتي
في بعض الجمل بمعنى الجبال الشاهقه

ومشكور اخوي الهرش
على فكره وش معنى الهرش
والله لا يحرمنا منك
فأنا ماجيت هنا الا عشان افيد واستفيد
ولقد استفدت منك الكثير
وتقبل مني اجمل التحيّات

اخوك الـهلالي

[الهـــرش]

أخي الهلالي

الاولى

(حالي نحيله) كلمه عربيه فصحى

كل كلامنااااااا أكيد مستنبط من اللغه العربيه
ولكن توظيف زميلك لهذه الكلمه كان خاطئ وأسمح لي بالصراحه
فأنا لا أحب المجامله
فقرأ هذا البيت لوحده
ستجد نفسك تقول بأن هذا البيت لشاعره
فلايصح تشتيت ذهن القارئ


الفرق بين الجبل والسفح
الجبل معروف ما يبي توضيح
السفوح هي اعالي الجبال وتأتي
في بعض الجمل بمعنى الجبال الشاهقه



وأسمح لي بأن أقول لك بأن السفح جزء من الجبل وليس في أعلي الجبال
وإنما أعالي الجبال تسمى قمم أو ((قمه)) والسفح أقل منه إرتفاع بيحيث يكون قبيل القمه بأمتاااار حسب إرتفاع الجبل
وهذا لا يقلل من جمال قصيدتك حفظك الله
إذن نصل الى نتيجه بان السفح جزء من الجبل وليس ظاهره تضاريسيه لوحدها كالهضاب وغيرها



أما كلمة الهرش فأعتقد لا يوجد هناك احد يجهلها
ولكن نفيدك ونفيد القراء
وهي بمعنى الجمل كبير السن
وقمت بإختياره من باب الفكاهه وتغيير اللالقاب
لك تحيتي وخالص شكري
أخوك[/align][/B]

[عاشق الطيب]

النداوي صح لسانك

الهلالي صح لسانك

ابيات ولا أروع

لاهنتو
تحياتي