البرج او الرويحي او صتمان على الرغم من خوفي ولكن واحد يجي [الأرشيف]

باتريوت

27-08-2006, 06:29 PM

سلام الله عليكم والعلوم طوال ثم عراض = وحد السيف يفصل بين راع الحق والجاني
ليا سال بكم الشبرم وسيله في ديركم فاض = تبا تهناكم الرحمة ويروى كل عطشاني

عبد العزيز سبيل الحربي

27-08-2006, 06:49 PM

ياسلام ياسلام

بدايه طيبه يابتريوت

وانا ضيفني في صفك

,,,,,,,,,,,,,,,,,,,,,,

يالله ياصفوووووف

هـــــيــــه هـــــيــــه

إلــعــب إلــعــب

حامل الرآية

27-08-2006, 06:54 PM

سلام الله عليكم والعلوم طوال ثم عراض
000000000000000وحد السيف يفصل بين راع الحق والجاني
ليا سال بكم الشبرم وسيله في ديركم فاض
000000000000000تبا تهناكم الرحمة ويروى كل عطشاني

باتريوت

صح لسااااااااااانك
وبانتظار احد الفرسان يدخل الميدان
سجلني متابع بقوه

حامل الرآية

باتريوت

27-08-2006, 07:14 PM

كحيلان حياك الله ووجودك بصفي شرف لي طال عمرك
حامل الراية بصراحة انت غير ومتابعتك شرف

ابن دخيل الله

27-08-2006, 07:25 PM

باتريوت

انت علامك غديت عليهم

كني اشوفهم متخششين وكلن يقول لرفيقه رح واجهه

لايهمونك لو يجون ثلاثتهم تراني معك

عليهم عليهم

اخوك \ ابن دخيل الله

عبد العزيز سبيل الحربي

27-08-2006, 07:33 PM

اب دخيل الله

لاصارت هيك وهيك ؟؟؟

تراني منتظرهااا

بس عطني رنه ....

ههههههه

,,,,,,,,,,,,,

اللي يقول داشين مضاربه ...

,,,,,,,,,,,,

وين الشعار اللي خايفن منهم ؟؟

لثرهم هم اللي خايفين

هداج تيماء

27-08-2006, 07:38 PM

باتريوت

صاحب المعنى والجزاله

الله الله الله

مبدا كايف وكلااااااااااام على مستوى عالي

لا فض فوك وصح لساااااااااااااااااااااان ك

ننتظر الجانب الاخر ليكتمل الابداع

متابع

وسجل اعجابي

باتريوت

27-08-2006, 07:54 PM

ابن دخيل الله كفو والله وقدها
هديت من خوفي يوم شفتك طال عمرك

كحيلان خابرك قدها وقدود وابشرك الخوف راح
بوجودك انت وابن دخيل الله

هداج صراحة اني استحي انك تشوف بويتاتي المتواضعة
وجودك شرف وانت سيد المعنى ما فيها كلام

لكم تحياتي جميعا

الرويحـــي

27-08-2006, 09:27 PM

السلام عليكم

مساك الله بالخير ياباتريوت

اول شي صح السااانك وانت شاعر لك مكانتك ووزنك بهالمنتدى

بس زي ماتشوف انا حطيت بيتين لاخوي اسامي قبل لاتحط بيتينك والا لي الشرف العب مع شاعر مثلك

اما بالنسبه للاخ ابن دخيل الله
وانا والله ماعرفه وبسلامته واول مره اشوف اسمه

لكن الغايب عذره معه وبرج او صتمان شعار مايلحقنا فيهم شك
اتمنى من الاخ ان يتابع محاوراتهم وهو يعرف بنفسه
ولايجلس يقيم الشعار من خلاه في خلاه

ااسف على الاطاله وارجع واقول صح السانك اخوي باتريوت وانشالله يشرف
واحد من الاثنين ونتابع محاوره تليق بهالمنتدى الكبير

تحيااااتي لكم

باتريوت

27-08-2006, 11:27 PM

اخوي الرويحي صح بدنك بس وراك معصب الله يخليك لي
ابن دخيل الله قصده فزعة لانه شافني خايف وفزعلي بيض الله
وجهه ووجهك ولا يلحق شك في البرج ولا صتمان ولا طلبتهم الا
وانا اعرفهم واعرفهم جيدا
تحياتي لك وما عليك زود فيما ذكرت ومن يجي حياه الله
وانا بالانتظار

برج المملكه

27-08-2006, 11:52 PM

باتريوت

شرّفتني بذكر اسمي ضمن الثنائي المبدع الرويحي و صتمان

وشرفتني ايضا ً بطلبك لي و كنت اتمنى اني العب معك للاستفاده منك

لكن انا مطلوب رسميّا ً الان مع جابر غازي ولامعي احد لا صتمان ولا الرويحي يعني مالي عذر من الرجال وانت اكيد بتعذرني :)

شكراً لك و صح لسانك وتراني في صفك لين يجي صتمان :)

تقبل تحياتي و تقديري

اخوك برج المملكه

ابن دخيل الله

28-08-2006, 12:22 AM

<<<<<<<< <<<<<<<<<<<<<<<<<<<<<<<<< هذا اسمي شوفوه

QUOTE=باتريوت]
سلام الله عليكم والعلوم طوال ثم عراض = وحد السيف يفصل بين راع الحق والجاني
ليا سال بكم الشبرم وسيله في ديركم فاض = تبا تهناكم الرحمة ويروى كل عطشاني[/QUOTE]
الرويحي وشلونك

استلم ياباتريوت طال عمرك وتراهن هالبيتين بس:

هلا بك شاعرن تبدع كما لبحر الحمر فياض== يهابك من لمح لسمك ولاعندي خبر ثاني

اقوله يابعد حيي ولا عندي عذر ومراض== يعيش ابن الشجاع اللي يفك الداخل العاني

باتريوت

28-08-2006, 12:45 PM

برج المملكة معذور لو اني طالبك قبله لكن على كيفك وانا اللي
استفيد منك
ابن دخيل الله خابرك شاعر ولا فيك كلام وبيض الله وجهك ولا عليك زود

الله اعلم ان حظي ما هوب بالحيل قبل مدة ابن خنيصر اخذ معي ثلاثة ابيات ومشى
وقبله زعم لعب معي كم بيت وروح واليوم البرج يعتذر والرويحي يعتذر وهو زعلان
وصتمان عيا يجي وعسى المانع خير

يالربع الدعوى شعر ولعب ماهيب قطع ارقاب والعتب والله على شعارنا الكبار
انتم القدوة

عموما انا جاهز واللي يبا اللعب يزهمني وانا حاضر ولن اتخلف الا لسبب
قاهر او ان بيوت الخصم مكسرة فقط

تحياتي للجميع واللي زعلان علي يقول لي علشان ارضيه

برج المملكه

28-08-2006, 07:59 PM

افاا يذا العلم

ماهيب بالشكات ياباتريوت

واستلم ماعني و عنك لين يشيب القاف هذا :)

هلا يامرحبا ترحيبة ٍ من هاجس ٍ مهتاض

.............................. يبا ياخذ علومك و العلوم اشكال و الواني

ليا دنّ الرعد و البرق في عرض المخيله ناض

............................. عسى يهناك ما يهنى العرب من غرّ الامزاني

هداج تيماء

28-08-2006, 08:06 PM

سلام الله عليكم والعلوم طوال ثم عراض
وحد السيف يفصل بين راع الحق والجاني
ليا سال بكم الشبرم وسيله في ديركم فاض
تبا تهناكم الرحمة ويروى كل عطشاني

باتريوت

صح لسااااااااااااااااااااااا انك ومن يلعب معك يتشرف بك يا جزل

وجاك العمده بنفسه البرج

هلا يامرحبا ترحيبة ٍ من هاجس ٍ مهتاض

.............................. يبا ياخذ علومك و العلوم اشكال و الواني

ليا دنّ الرعد و البرق في عرض المخيله ناض

............................. عسى يهناك ما يهنى العرب من غرّ الامزاني

برج المملكه

صح لساااااااااااااااااااااان ك

واعتلى شانك

سنتابع للفائده

سجلوا اعجابي

باتريوت

28-08-2006, 08:52 PM

لا والله يا برج ما هيب بالشكات
ولا جابك الا الحظ الطيب

والا يا برج عقب سهيل وش يسوى لهيب القاض = يبّرد ربك الديرة وتثمر خضر الاغصاني
ليا ظميت مطاياكم ترى حصنان يملا الحاض = عساكم مع مطاياكم بروضة خير وجناني

اسامي

28-08-2006, 09:00 PM

باتريوت وبرج المملكه

عمالقة الشعر

صحت ابدانكم

متابعين لكم ... لاهنتوا ياشعّااار

برج المملكه

28-08-2006, 10:18 PM

الله الله

استلم ياباتريوت

ليا شفت المصاب اللي يصيح و فوقه الانقاض=تبا تفزع معه والا تقول الله لا يبلاني
معيز الشاوي اللي مقتنيها فالمراح رباض =ومطايانا وطتها يوم احلنا يم عرداني

تركيه

28-08-2006, 10:22 PM

باتريووت 000

برج المملكه 000

لاهنتوووو يالقروم 00

متااااااابعه 00

تحياتي 000

باتريوت

28-08-2006, 11:18 PM

ترى الفزعة من المولى وجعله فالزمن يعتاض = ويطلعله سواتك مع رجال العز برهاني
مدام لسانك استطول وفي بعض السوالف خاض = ابا اقول لك لاتنسى قطيعك وسط دسماني

برج المملكه

29-08-2006, 12:16 AM

الا يالشاعر اللي عقب ما طبّيت سوق عكاظ=هواجيسك تخونك في القصيد و بدع الالحاني
انا كنت احسبنّك يالطبيب امعالج الامراض=تداوي كل علّه واثر فيك امراض و تعاني

برج المملكه

29-08-2006, 12:18 AM

الفريده

شكرا ً لمتابعتك ولاهنتي

شرفتينا

باتريوت

29-08-2006, 12:33 PM

الا
يا برج قدامك طريق يتعب الركاض = ولو تجري بطبلونك ما اظن انك تعداني
ابا اعلمك في كلمة يخو عوض واخو عواض = شريف الاصل ما صدق علوم الناقص الداني

ملحق المخلين

29-08-2006, 08:15 PM

العلم باتريوت

و

العلم برج

الله يخارجنا

متابعين

وصحت السنكم

برج المملكه

29-08-2006, 08:48 PM

اسامي صح بدنك ولاهنت شرفنا مرورك الكريم

ملحق المخلين لاعدمنا تواجدك ومرورك

باتريوت

سلمت و لا هنت تشرفت بهالطاروق معك لا عدمتك

تقبل سلامي و احترامي

و صح لسانك

باتريوت

29-08-2006, 08:57 PM

برج المملكة شاعر منتدى غرابيل
صح بدنك وبيض الله وجهك
بصراحة بعدين ابا احسب حسابي زين معك
العذر والسموحة وعساك ما فهمت مني شي خطا
حبة خشم وتقبل تحياتي وشكري وامتناني