اســــــامي ....!

[الرويحـــي]

السلام عليكم


مساك الله بالخير يااسامي
اتمنى تكون متواجد وفاضي

واستلم اذا ماعليك امر




ياسلام الله سلام ٍ كنه السمبوسه=ردة ٍ من عندنا واخصها لااسامي
واحد ٍ فالمنتدى له خطة ٍ مدروسه=منيته يطمح يكون من المقام السامي:biggrin:

[حاكم الشور]

الرويحي

صح لسانك

مبداء لفطور رمضان

ورمضان قريب واسامي

مهاب بلشان بالسمبوسه

متابع بالمره

[عبد العزيز سبيل الحربي]

هههههههههههههه

ياما تحت السمبوسه من دواهي

؟؟؟

انا في صفك الرويحي

ولايوهون

اخوي اسامي

؟؟؟؟؟؟؟؟؟؟؟؟

[حامل الرآية]

ههههههههههههههههههههههههه هههههههه

الرويحي

صح لساااااااااااااااااااانك

وبانتظار اسامي يكمل المسيره

<----------------------------احرصوا من الكلوسترول والحرقان
(مع تمنياتنا للجميع بالصحه)

متابع

حامل الرآية

[الرويحـــي]

حاكم الشووور ياهلا ومرحباااا
وصح بدنك والله لايهينك

تشرفني طال عمرك بهالتواجد الله يحفظك



كحيلااان
حياك الله ويشرفنا طال عمرك وجودك بصفنا



حامل الرايه

صح بدنك يالغالي

والله لايهينك

[اسامي]

ههههههههههههه

الله الله

الرويحي يشرفني اللعب معك يالذيب


واستلم لاهنت


مرحبا بالشاعر اللي ماختلف هاجوسه = يعرف يجيب الخبر ويفسر الاحلامي

والله انّا مابغانا من وراها بوسه = وش نبا ياصاحبي في تركة الايتامي

[تركيه]

الرويحي صح السانك 000



اسامي صح السانك 000





متاابعه 000




تحياتي 00

[ابن دخيل الله]

اساااااااااامي


والله اني معك متواجد كلي

وماسك الصف لايهمونك


وياويل صفهم ويلاه وخاصة كحيلان



عليهم عليهم

[اسامي]

حاكم الشور

هلا وحياك الله

اتشرف بتواجدك ويسعدني حضورك

والله يستر من الرويحي وسمبوسته

لاهنت على تواجدك




كحيلان

ارررحب وحياك الله

وحي هالحضور الحضور

والله يكفينا شرك انت والرويحي وسمبوستكم هههه

لاهنت على تواجدك




حامل الرايه

ارررحب وحياك الله

منور الصفحه .. وحضورك يشرفنااا

ومتابعتك تسعدنا

لاهنت



الفريده

هلا ومرحبا

وصح بدنتس ولاهنتي على التواجد

حضورك تشريف لنا

دمتي بخير




ابن دخيل الله

حيه وحي صفه

لاهنت يابعدي .. ويسعدني صف ٍ انت فيه


دمت بخير

[خالد الشليخي]

يا سلاااام عليك يالرويحي
هدفت رمضان قبل حله
في صفك بس لا تناسنا من السنبوسه
واذا فيه فنتوووو بعد يا حلاوه

صح لسانك وقافيه شكل ثاني
رجااااااء خاااااص للا تحرمنا من محاوراتك

وصح لسان اخوي اسامي
تعودنا منه الجزاله واللعب الرزين
ومتبع دائم لمحاوراتك يالقرم


لكم اعطر التحايا وصادق الموده

[00العنود00]

ههههههههههههههههههههههههه هههههههههههههههههههههههه


سمبـــــــــــوسه؟؟؟؟؟؟؟؟ ؟؟؟


ياحبي لهاااااااااااااااااا


بس ماحددت سمبووووووووووسة خضاااااااااااااااااااااار ؟؟؟؟ او جبببببببببببببببببببببن


ياااااااااارب جبن






صح اللللله الساااااااانك يا الرويحي


واناااااا بصفك وبصف السمبوووووووووووووسه واللي ورا السمبووووووسه



ولايهوووووووووووون اسااااااااااااااامي

[النوري]

الرويحي مبدع
ولايهون المتواجدين

ياهلا باللي لفونا
شرفوا بالمنتدى
ابدعوا ثم ابدعوا
اخاره والمبتدى.

[الرويحـــي]

هلا بالفريده
وصح بدنك

وشاكر لك المتابعه



هلاااااااااا والله وغلااااااااااااا
يابو خلــــود
صح بدنك ولاهنت واشكرك على متابعتك
لاعدمتك يالغالي
وابشر بالسمبوسه والفطور الي تبي


هلا وغلا بالعنـــود
صح بدنك
والسمبوسه لاخظار ولاجبن << سمبوسه بالتمر (:
وحياك الله فالصف


النوري
حياك ربي
ويعطيك العافيه على هالمرور العطر وتشريفك لنا

[الرويحـــي]

ياحي الله اسااامي
مرحبا ومسهلااا حيه وحي رده




استلم




البقى والعلم واضح مايبيله حوسه=لو صحيح ان البحور تكذب العوامي

واليالي ياصحيبي لو تجي منكوسه=ماتحرك فالشعور ولاتهز عظامي

[برج المملكه]

الله الله

سمبوسه و بوسه و علوم ٍ زانه :)

القاف هذا ماودنا يوقف مره مره .. عطوه لين يكرّ منخره :)

واصلوا لله دركم والله لا يضركم ..

والصف لاتنشدون نهائيّاً

متابع بكل ماأوتيت من قوووووه :)

[هداج تيماء]

ياسلام الله سلام ٍ كنـه السمبوسـه
ردة ٍ من عندنا واخصهـا لااسامـي
واحد ٍ فالمنتدى له خطة ٍ مدروسـه
منيته يطمح يكون من المقام السامي


الرويحي صح لساااااااااااااااااااانك


كلااااااااا م خطير ورووووعه


مرحبا بالشاعر اللي ماختلف هاجوسه
يعرف يجيب الخبر ويفسر الاحلامـي
والله انّا مابغانا مـن وراهـا بوسـه
وش نبا ياصاحبي في تركة الايتامـي


اسامي


صح لساااااااااااااااااانك

ردود متقنه ومدرووووووووووسه ولا غرابه




الله الله عليكم ما شاء الله


متابع للجزاله وفي صف اسامي ولا يهون اخوي الرويحي



وسجلوا اعجابي

[اسامي]

الله الله


الله يحييك ويبقيك يالذيب ... استلم لاهنت



يالرويحي قدمك التاجر يعد فلوسه = مار مايبغى بضاعه سامها سوامي
الله انه يحفظك ياحارة المحروسه = ما يحرسك غير واحد ينتج الافلامي

[اسامي]

خالد الشيخي

صح بدنك ولاهنت

متابعتك تشرفني وتسعدني يالذيب

شكراً على حضورك



العنود

هلا حياااك الله ولاهنتي على التواجد المشرّف

دمتي بخير



النوري

مرحبتين ولاهنتي على التواجد

والرويحي ابداعه بلا حدود



برج المملكه

هلا وحيّاك الله

شرفتنا بتواجدك

ومتابعتك تسعدناا ياشاعرنا

لاهنت

هداج

ارحب ياشاعرنا ابو طاقيه

حيه وحي صفه

لاهنت يالمبدع يشرفني تواجدك هنا

ويعطيك الله العافيه

[العسجديه]

الرويحي

صح لسانك يالجزل

اسامي

لله درك ابداع بلا حدود كما عهدتك

صح لسانك

متابعه

لكم احترامي

[الرويحـــي]

برج المملكه

ياربي حيه

الله يعطيك العافيه على هالتشريف ومتابعتك لنا




هداج تيماء
يامرحبا ومسهلا
صح بدنك يالغالي

ابد تواجدك يكفي سواء في صفي او في صف اخوي اسامي


العسجديه

صح بدنك وأشكرك على هالمتابعه
والله يحفظك

[الرويحـــي]

اسامي معليش على التأخير

لكن استلم





قالو ان عمان ثابت في حكم قابوسه=وانت قلبك في عمان ومنتدب للشامي

لاتجي قدم الرصاص اليا احترك نادوسه=خص انا لاصرت قدمك محتزم بحزامي

[00العنود00]

يالرويحي قدمك التاجر يعد فلوسه
مار مايبغى بضاعه سامها سوامي
الله انه يحفظك ياحارة المحروسـه
ما يحرسك غير واحد ينتج الافلامي


الله الله

يا اسامي
صح الله الساااااااااااااااانك
الله انه يحفظك ياحارة المحروسـه
ما يحرسك غير واحد ينتج الافلامي

عجبني ذا البيت

لاهنت واللللللللله



قالو ان عمان ثابت في حكـم قابوسـه
وانت قلبك في عمان ومنتدب للشامـي
لاتجي قدم الرصاص اليا احترك نادوسه
خص انا لاصرت قدمك محتزم بحزامي


الله الله

يا الرويحي

واللله انك مبـــــــــــــــــــدعود ون مجاااااااااااااااااااامله

صح الله الساااانكم

سجلوووووووووواااااااااااا ا متاااااااااااااااااابعتي

العنود

[اسامي]

العسجديه


هلا وغلا وحياااك الله منوره الصفحه

وصح بدنك

وحضورك يسعدني ويشرفني


لاهنتي يالجزله



=============


العنود


يامرحبتين وحياك الله

وصح بدنك

واعجابك فخر واعتزاز لي


اسعدتيني بعودتك ولاهنتي






.

[اسامي]

هههههههههههههههههه الله الله


خذ راحتك يالرويحي يابعدي .. كلنا نتأخر ...


واستلم لاهنت ..



اليماني وسط دكانه يبيع الكوسه = وان نشدته ويش هذي قال خلّ ايدامي
الجمل كسرت نابه ثم خلعت ضروسه = باقي المفرود ابشري له عصا وخطامي

:biggrin:




.

[ملحق المخلين]

الرويحي


أسامي



محاوره كايفه



متابع من قبل أمس وواصلو

[الرويحـــي]

العنود

ياهلابك

وصح بدنك وشاكر لك هالتشريف والحظور
الله يحفظك



حياك الله ياملحق المخلين
شاكر لك المتابعه الله لايهينك

[الرويحـــي]

طيب طيب





انت خلّعت الظروس الي كلتها السوسه=ماقربت من الظروس الي فعلها دامي

بيننا ياصاحبي مسافة ٍ مقيوسه=عدها ماودي احصد عود توه نامي

[اسامي]

ملحق المخلين
يامرحبتين وحياااك الله
متابعتك تشرفنا يامبدع
دمت بخير

[اسامي]

الله الله

استلم



الدعيع لا انهزم حط البلا فدسوسه = والجماهير الغفيره مانفعها سامي
يالرويحي يالرويحي حجتك منكوسه = مار دور غيرها ياطيّب الهندامي

.

[الهـــرش]

متااااااااابع


ونفسي فــ السمبوسه



لاهنتو

[الرويحـــي]

طيب طيب





روحت ياصحابنا وعيونكم مطموسه=لاتردون الكلام الي مضاله عامي


بارك الله فالسحاب وفالمطر وعسوسه=وبارك الله في رجال ٍ تعتق الاقلامي

[بعيد المراميس]

هالله الله


الرويحي في صفك مدامنك لجنة دفاع :)


اسامي بيني وبينك لجنة التمييز :(


واصلوا



متابع متابع لكم

[اسامي]

الله الله هههههههههه


استلم


غير الموضوع خله حجة ٍ معكوسه = وانته اسباب الخطا غيبَتك بالايامي

عِمة الاخوان وحده بينهم ملبوسه = لا نخا يفزع شقيقه لو يشوف الرامي

[اسامي]

ابو جسار ههههههههههههههه



يالله حيه .....



اول مره تخونني وتصير ضدي في الصف



ربنا ينتأم منك على قولتك :)



ابو جسار

حياااك الله .. وشرفتني بتوااااجد


دمت بخير


.

[عاشق الطيب]

الرويحي صح لسانك

اسامي صح لسانك
مره وثنتين ثلاث واربع وعشر
وميه والفين ومليون ومليار

هنا النقض اللي يعجبني لاهنت ياسامي
وانا في صفك
تحياتي

[باتريوت]

تحياتي لكما يا مبدعين
وبيض الله وجيهكم
ويعطيكم العافية

[الرويحـــي]

بعيد

عاشق الطيب

باتريوت

حياكم الله واشكركم على الحظور
الله لايهينكم





اسامي

صح الســــــــــــــــانك مليوووون

تشرفت باللعب معك
والله يعطيك العافيه

ولنا لقاء انشالله معك في محاورات ثانيه للأستفاده


تحياااااااتي

[اسامي]

عاشق الطيب

صح بدنك مليون ولايكفون


شرفتني بحضورك هنا وتوجدك

ويتشرف الصف وراعيه بوجودك

ولاهنت ياغالي


========

باتريوت

حياك الله ووجهك ابيض

لاهنت على تواجدك وحضورك


========


الرويحي صح بدنك ولسانك وكلك

شرفتني واسعدتني بهالطاروق

والفايده لي وانا اخوك

لاهنت وان شاء الله بيننا كل خير


دمت بخير