هداج تيما .. راع العلوم !

[برج المملكه]

السلام عليكم

اعتذر عن غيابي في الفتره السابقه بسبب الظروف

وهداج يشرفني اللعب معه لاستقطاب الفائده من ذويها .. :)

هداج مسيك بالخير واستلم لاعدمتك :)


تعال يا هداج ياراع العلوم=والله يبارك في علومك كلّها
اثرك طول الليل عينك في النجوم=نظرتك تاصلها و لا تاصلّها

[هداج تيماء]

الله الله الله

يا سلام

البرج يشرفني اللعب معك والفائدة نستقطبها منك ومن امثالك


استلم لاهنت




اعلومنا حسب الشريعه والسلوم = مثل البرد فوق الحزوم نهلها
والنجم يسبح فالفلك ماله عزوم= مسلوب اراده والفلك محتلها

[هداج تيماء]

البرج عن اذنك



زرقه وراجع ان شاء الله

[اسامي]

الله الله

برج المملكه ياخي وينك انت


اشتقنا لطواريقك



تعال يا هـداج يـاراع العلـوم والله يبارك في علومـك كلّهـا
اثرك طول الليل عينك في النجوم نظرتك تاصلهـا و لا تاصلّهـا


مبدا ولا زيه .. ماركة برج المملكه


صح لسانك ولاهنت



========


اعلومنا حسب الشريعه والسلوم
مثل البرد فوق الحزوم نهلهـا
والنجم يسبح فالفلك ماله عزوم
مسلوب اراده والفلك محتلهـا


الله الله ياهداج

رد وافي وتحجيري


صح لسانك هدااااج



متابعين لكم .. وانا متأكد انها بتكون محاوره لا يعلى عليهااااا ..


في صفكم يالاثنين ...



دمتم بخير

[برج المملكه]

الله الله الله


اللي يغنّي كل ليل و كل يوم=تملّه عيون العرب و يملّها
مادايم الا الله و غيره مايدوم=البيت حجّه و الفريضه صلّها

[العسجديه]

برج المملكه وهداج تيماء

هنا تلتقى قمم الابداع والجزاله

اجزم باننا سنشبع الذائقه من الشعر على اصوله


صحت قلوبكم

متابعه

لكم احترامي

[برج المملكه]

خذ راحتك ياهداج وجب لي بكت معك وانت جاي :)

اسامي عاد انت يبالك جلسه خاصه واعطيك رايي فيك زين مازين :)

ارحب ارحب

[هداج تيماء]

الله الله يالبرج استلم لاهنت




الشمس تبدي كل يوم الها لزوم= والسيل بلدان الفقارى بلها
لا سال عدوا عنه في عال الرجوم = قبل الخيام بقشها يشتلها

[هداج تيماء]

اسامي


مراااااااااااااااااحب هلا والله


انت راعي الجزاله

صح بدنك واعتلى شانك

لاهنت على التواجد

وشرفتنا

[هداج تيماء]

العسجديه

زعيمة الشاعرات


هلا وغلا


يالله حيها


شرفتينا


وصح بدنتس


شرفنا مرورك


ولا هنتي

[باتريوت]

بصراحة انتم روح المنتدى وجزالة الشعر وطيب المعنى
لاجلكم نتابع ولاجلكم نكتب ومعكم نصفق
تحياتي لأهل المعاني والمعالي

[هداج تيماء]

باتريوت


يا مال الغنيمه يالقرم


والمعاني انت ابوها وعمها

والمنتدى منور بكم قبل قدومنا


ووجودك في الساحه له ثقل لا تشعر


به انت نحن فقط نشعر به


الله لايهينك

وتصفيقك ومتابعتك تشرفنا

وتقبل خالص الموده والاحترام

اخوك هداج تيماء

[عاشق الطيب]

صح لسانك يابرج
مبدأ طيب ومعنى اطيب
هداج صح لسانك
علا الرد والنقض
وابشر بالعوض هذاك اليوم
كنت فالخبر وكان الارسال ضعيف
ومتأ مابغيت انا حاضر ويشرفني مجاراتك
وتراني في صفك ولايهون اخوي برج

[بعيد المراميس]

<--------------- توه جاي من مشوار


ضد برج المملكه وودي اطعنه بالخوصه في خشمه :)


واصل ياهداج والصف عامر مايحتاج


ومتابع لاخر رمق


اخوكم

[برج المملكه]

الله الله

جاك

:)


لابد ما تكسف و تلبسها الغيوم=والبدو ماتسرح وتضوي بلها
على العموم انت امسك الخط العموم=وان كان قزّزت الدرايش تلّها

[هداج تيماء]

استلم لا هنت



السحب تطردها الهبايب والسموم = والشمس تبقى ساطعه في حلها
لو جيتك اعزل من سلاحي ما تقوم = وشلون لو حدب السيوف نسلها

[هداج تيماء]

عاشق الطيب


مرااااااااااحب


وهلا وغلا


علومك كلها غانمه


الله يعطيك العافيه

وصح بدنك طال عمرك

ووجودك بصفي شرف لي


ويشرفني اللعب معك

والجايات اكثر ان شاءالله


شاكر تواجدك



بعيد المراميس


ههههههههههههه


يالله حيه

وهلا اااااااا والله


حضورك يشرفنا


والصف منور بقدومك


الله لا يهينك


ووش هالعداوه اللي بينك وبين البرج

[الهـــرش]

متاااااااااااابع


>>>>> ومتحيزم بالذريع يحتري بعيد يمدّ خوصته يبا يطمر >>>> نفسه مافيه أقشر منها الا قابوس


إنهجوووو

[برج المملكه]

الله الله

عندك

:)


وراك ياهداج شنّيت الهجوم=(حلّ المراره بالحلاوه حلّها)
حنّا ليا قمنا على كبار الجروم=نخمّ منها العافيه وانسلّها

[ملحق المخلين]

برج المملكة


هداج تيماء



متابعين


المفروض إنا نتفرج ولا نلعب مدام أنتم موجودين في قسم المحاوره.


روعتونا.

[برج المملكه]

العسجديه

هلا و غلا حضورك محل فخر و اعتزاز

سلمتي ولاهنتي

باتريوت

هلا و مرحبا حضورك غالي و لاعليك زود فيما ذكرت

سلمت ولاهنت يالقرم

عاشق الطيب

مرحبا و مسهلا حضورك غالي وتشرفنا بمتابعتك لاعدمتك

سلمت ولاعدمتك

بعيد المراميس

هههههههههه في الخشم عاد قل في كتفه في اصبعه الصغيّر اي شي الا الخشم لا تجي سالفة (اثرها وصلت لـ لمس الكشوم) :)

هلا و مرحبا يابعيدوه و شل صورة البس و الفار لو سمحت :)

الهرش

مرحبا مرحبا مار الله فوقكم انت وبعيد :)

سلمتوا جميعا ً ولاهنتوا

برج

[هداج تيماء]

الله الله

استلم يا ذيبان لاهنت


شفتك يابن شداد عصبت الكموم = تبغى على كيفك تجي وتفلها
اترك طويق ورح بذودك للجموم= وهناك يالنشمي نياقك فلها

[برج المملكه]

ملحق المخلين

ياهلا و مرحبتين شرفتنا طال عمرك و بالعكس انا ياواحد ماش احد ماغير اكبّر حصاتي و من ذلّ كبر حصاته :)

لكن اللي اسمه هداج عقوبه ووالله انك صادق فيما ذكرت فيه

مرحبا ياملحق المخلين

تحياتي

[هداج تيماء]

الهرش

هلا ومرحبااااااااا


حياك ومتابعتك تشرفنا



وخلك متحيزم لا هنت


ملحق المخلين

مرحبااااااااااااااااااااا ا مليار


يا هلا والله

ومن تواضع لله رفعه

تواضعك يدل على كريم خلقك

ومهما تواضعت انت

شاعر جزل ومن اركان قسم المحاورة

ولا يزيدك التواضع الا رفعه

مرورك مكسب

تقبل تحياتي

والله يخارجنا من البرج الليله على خير

نشبنا معه والله يستر

[برج المملكه]

عندك عندك :)


الظاهر انك يابيض الوجه محموم=والا ان نفسك صابها ما علّها
لكن تريّح يالسنافي و مخدوم=من لا ورد جمّة سجا ما علّها

[هداج تيماء]

استلم لاهنت




ان كان ما صليت وشهو له تصوم = بنت الملوح روحت مع خلها
اشترّ وعد النقد والا لا تسوم =و الغاليه لاهل الدراهم خلها

[اسامي]

هههههههههههههههههه


الله الله


ايه عانوهم تلازموا بالحلوق




برج وهداج


واصلوا يامبدعين .. متابعين لكم



دمتم بخير

[برج المملكه]

عندك لاهنت و مسك الختام معك :)


ياصاحبي هدّاج تفداك الرخوم=بنت الملوّح في طريقك دلّها
والسوق ماني فيه معطى و محروم=اعامل التجّار و اعرف دلّها

[هداج تيماء]

استلم لاهنت


الذيب بيّن ماعلى جنبه وسوم=يعرف دقاقات العلوم وجلها
يا صقر ياللي فالسماء العالي تحوم= ان كان جا زلات منا جلها



البرج العالي

كان شرف وفائده لي ان العب معك لاهنت طال عمرك

صح لسانك اولا واخيرا

وعساك سالم وغانم



اسامي


هلا وغلا



والحمد لله تخارجنا من البرج قبل لزم الحلوق


وافتكينا من الخوص اللي مع الصفوف ومشاكلها


عميق شكري لشاعرنا ومشرفنا البرج

ولكل من تابعنا عبر الاثير

او حضر هنا للملعبه بنفسه

او من خلال الصحافه

والسلام


ومتابعتك تشرفنا

[برج المملكه]

اسامي ضحكه دايمه :)

وانا وهداج لو تلازمنا بالحلوق القلوب صافيه انت اللي يبالك لزمة حلق وضربة مشعاب بس اصبر علي :)

هلا و غلا

[برج المملكه]

هداج تيماء

اسم من الاسماء اللي افخر بها يعلم الله واستمتع بمجاراتها

شاعر كبير و نجم من النجوم الكبار في ذمتي

لك كل الشكر و التقدير على اعطائي شيّئا ً من وقتك

سلمت و دمت واسمح لي على القصور لاهنت

صح لسانك و سلم راسك

اخوك برج

[تركيه]

برج المملكه صح كلك هالطاروق 000




هداج تيماء صح السانك 000



لاهنتوووو يالقروووم 000




تحياتي 000