تعالو بقولكم سالفتي مع زوجي الغريبه

[حواء غرابيل]

بدخل علي الموضوع علي طول
انا والله يابنات مافيني شي حلوة انا ادري انه الناس اذواق بس انا الي يشوفني يايقول عاديه او يقول حلوه بس
مستحيل اوصل اني اكون جيكره انا زوجي يحبني ويموت فيني بس خلاني افقد ثقتي بنفسي انا مو عاجبه زوجي يعني زوجي يشوفني بالعربي سحت بس وربي يابنات وربي اني حلوة ماابي امدح نفسي انا ادري بتقولون الناس اذواق بس الي يشوفني يقول يا حلوة والذوق الثاني يقول عادي والذوق الثالث راح يقول مزيونه بس ماوصل اني اكون سحت وجيكره انا مو الجمال الي يبي زوجي مره صارحنه بعض وكل واحد قال الي عنده بصراحه قال انا احبج واموت فيج بس كا جمال مو عاجبتني كا جمال انا بصراحه اعجبتني صراحته انا الي زنيت عليه لما صارحني بشكلي بنات والله لو تشوفوني بتقولون من صجه هذا شايفج جيكره صج ماعنده ذوق تمنيت اني مااخذته ولاتزوجته ولا وافقت علي تمنيت اخذ واحد اكون عاجبته وحلوة ومزيونه بعيونه هو مو مقصر معاي بشي بس كل يقول يالجيكره انا طبعا اسوي نفسي عادي بس من داخلي
احتر واتضايق والله يابنات كل ماروح عرس انخطب مع اني ماحط مكياج وافر حتى قبل الزواج شكثر انخطب بس الله رزقني بواحد شايفتي جيكره
بنات اكيد الكل عقب مايقرا موضوعي بتخيلني جيكره بس والله اني حلوة وناعمه وشكلي اصغر من عمري حتى يوم سافرت الامارات رحت عند جويل وشفتها وشافتني قالتلي انتي مغربيه قلت لا كويتيه وقالتلي انتي مافيج شي كل شي فيج حلو ماتحتاجين تغير بس زوجي كسر فيني وعقدني صرت كل شوي اطالع المنظره تعقدت