(ظاهره بالمنتدى ) اود ان اسلط الضوء عليها

[سعد البراق]

السلام عليكم ورحمة الله وبركاته



خــــلـــوهــــا

وترى هالحن من الالحان القديمة



بالمنتدى شفت لي شيً غريبً ودي احكيه = كلن يعد انه براس الهرم شاعر زمانه
اليا لعب شاعرً مع صاحبه قدم تعازيه = بالشعر والشاعر الآخر بعد رد بتكانه


وتراي ما اقصد أحدن بعينه ولكنها ظاهره قديمه وموجوده بالمنتدى

وانا اقول اننا جميعا ما جينا هنا الا للاستفاده من بعضنا

[بعيد المراميس]

ياسلام ياأسامه على هذا الطرق وهذا المبدأ


متابع متابع وفي صفك

وانا ارشح حاكم الشور.. من غير قصور في بقية الشعراء

ودنا اللعب يكون منوّع بين شعراء المحاوره

عليك ابهم ياأسامه وانا في صفك


تحياتي

[ناصــــر الغيثــــاني]

وعليــــكم الســـلام ورحمـــة الله وبركــاته ,, وحيـــاك الله يااســامة وإسمــح لي ارد عليــك والشرف لي



في المنتــدى شفت لك شي ٍ وانا شفتك تســويه=والظــاهر إن العــرب ياأبو سعــد نفس الديــانة
والشعر ماهو بملك ٍ لي ولا لك كـــــيف نصخــــيه=لاشفت من هو يدنس طهـــرته وطــّـــيت شــــانه

[ابن دريميح المري]

اخوي اسامه
لاهنت على صوابك

ولاهان اخوي جساس على المجاراه

[جابر غازي]

الله الله


لعبه ممتازه وموضوع ساخن

وتراني مالي شغل بالظاهره السطحيه هذي : )

والله الله



متابعكم يا شعار

[حاكم الشور]

يامرحبا

بالاخوان جميعآ

أخوي اسامه لحن رائع

وأشكر أخوي بعيد على ثقته فيني

مع اني ضده دائمآ مهما كانت الظروف

وجساس فيه الخير

وانا متابع لكم

ولا هنتوا

[الهـــرش]

متااااااابع

إن قالها الله

[سعد البراق]

اخي الفاضل / جساس

اتشرف بالعب مع امثالك من الشعراء

استلم وانا اخوك


جساس عينه تشوف وشوفها يالله يقديه = والمشكله مع ردات الشوف ما يصدق لسانه
يالتاجر الي نزلت السوق تبغا تشتري فيه = السوق غالي ومن يملك دراهم له مكانه

[سعد البراق]

اخي الفاضل / بعيد المراميس
يشرفنا متابعتك يالغالي

اخي الفاضل / ابن دريميح المري
يسعدني مرورك وتعليقك

اخي الفاضل / جابر غازي
يشرفنا متابعتك وانا اشهد انك ما انت من اهل هذه الظاهره

اخي الفاضل / حاكم الشور
الله يحييك ونتشرف بمتابعتك والله لا يهينك

اخي الفاضل / الهرش
نتشرف بمتابعتك

[عوادالعلي]

الاخوه

اسامه وجساس

صحة السنتكم وطالت سلامتكم

عواد

[ناصــــر الغيثــــاني]

مـــرحبا ياأســامة ,, ومن زمــان وأنا أدور شــاعر بهالمستــوى من غير قصــور في الأخــوان الباقين



أبــو سعــد مع كبـر عيـنه عمى والله معميــه=وإليا بغـى درب صـدقانه مسك درب ٍ وزانه
الســوق غااالي ولكــن عملته دولار وجنيـــــه=ولاّ الـريال العمـــــاني ماقبله إلاّ عمـــــانه

[سعد البراق]

استلم وانا اخوك


جساس يعرف كلام الصدق مار ابليس مغويه = يا مسيلمه مدري الصحاف راع الهيلمانه
ما دام حمل الجمل فوق الجمل نبغا نسريه = نبا نمس الحقب يا لين تشتد البطانه

[سعد البراق]

اخي الفاضل / عواد العلي
صح بدنك والله يسلمك من كل شر

[ناصــــر الغيثــــاني]

إستــلم يابو سعــد



يعجبني الشاعر اللي نظــــرتــه تسبــق خطــاويه=والسيــل مايجرف إلا من يحــوّل في الطمـانه
قــود الجمـل لين يمشي وإن حــرن حاول تهــاديه=تــرى بعير البدو له عـــام مافــــارق مكــانه

[عاشق الطيب]

اسامه صح لسانك

صح لسانك ياجساس
والابداع لايستغرب علا شاعرين بحجمك

متااااااااااااااابع وفي صفكم جميع[/size]

[راحلة بسكـ ـ ـ ـ ـ ـات]

دمتم رائعين صحت ألسنتكم ودام فكركم

متابعه بشغف ،،

راحلة بسكااااااات

[سعد البراق]

اخي الفاضل / عاشق الطيب

صح بدنك ونتشرف بمتابعتك

======

اختي الفاضله / راحله بسكات

نتشرف بمتابعتك


اخي الفاضل / جساس استلم لا هنت


بالمحكمه من يجيب البينه تنجح دعاويه = والي هروجه تخالف ما على وضعه ضمانه
اكرب حزامك هدفنا بعيد توك في مباديه = والرجل وقت السفر يعرف وهذاه امتحانه

[ناصــــر الغيثــــاني]

يدوم فضلك ياأبو سعـد وإستلم لاهنــت



المشكلة قاضي الجلســة يبي من هو يزكيه=وحنا حـــرار ٍ ولا نرضى المــذلة والإهانة
واللي يخـون بحجيج البيت مانضمن نخاويه=هـذا بـدال الرفـادة والسقـاية والســـدانة

[سعد البراق]

استلم لا هنت


اليا زعل صاحبي يزعل شويه ثم نرضيه = لاكن قدام لا نرضيه نكسرله ثمانه
يبقا العتيبي رفيع الراس هرجك ما يرديه = ماني بمتشفقً خوتك ياراع الخيانه

[ناصــــر الغيثــــاني]

إستــلم ياأبو سعــد ولاتهــون



لا صرت راضي فانا مبسوط والشيطان مخـــــزيه=ياصـــاحبي ماتليــــق إبك الخبــــاثة واللعـــانة
حنا على عهـــــدنا الأول وعهـــد الله نــــــوفيه=ماني من اللي نقض عهـــد ٍ عليــه الله وأمـــانه

[ناصــــر الغيثــــاني]

أخي العــزيز إبن دريميح حياك الله ولاشنت يالقــرم ومنــــوّر الصفحــة

[ناصــــر الغيثــــاني]

أرحــب يابو غــازي ومتابعتك شــرف طــال عمرك

[ناصــــر الغيثــــاني]

أرحــب ياحــاكم الشــور ولا عليك زود يالقــرم

[ناصــــر الغيثــــاني]

متــابعتك شــرف يالهــرش وحيــاك الله

[ناصــــر الغيثــــاني]

حيــاك الله ياعــواد وصــح بــدنك

[ناصــــر الغيثــــاني]

هــلا بك ياعــاشق الطيــب وحيــاك الله وصح الله بدنك

والشــرف لي بمتابعة شاعر بحجمــك لمحاورتي

ولاهنــت يالقــرم

[ناصــــر الغيثــــاني]

راحــــلة بسكـــات ,, صــح بــدنك ومتــابعتك شــرف


ولاهنتي

[سعد البراق]

استلم لا هنت


انته اشوفك تدل الدرب نوب ونوب تخطيه = يالموتر الي يبالك فحص عند اهل الصيانه
انته سوات البعير الذاهب الي حار راعيه = غفال ما وسمه راعيه واطلق له عنانه

[برج المملكه]

بالمنتدى شفت لي شيً غريبً ودي احكيه
كلن يعد انه براس الهرم شاعـر زمانـه
اليا لعب شاعرً مع صاحبه قدم تعازيـه
بالشعر والشاعر الآخر بعـد رد بتكانـه


الله الله يا اسامه الله الله

مبدا خطير و شطحه عالميّه :)

في المنتدى شفت لك شي ٍ وانا شفتك تسويه
والظاهر إن العرب ياأبو سعد نفس الديانـة
والشعر ماهو بملك ٍ لي ولا لك كيف نصخيه
لاشفت من هو يدنس طهرته وطّيت شانـه

الله الله ياجساس الله الله

دخلة حرّيف و رد كايف و ياسلام سلم

لا كتمكم سرّ اعجابي بكما

لله دركم و الله لايضركم

برج المملكه

[ناصــــر الغيثــــاني]

أرحــب وإستــلم


مادمــت تــدري بضيعــة صــاحبك حــاول تــوريـه=ياطيب قلبك ولكن ينقصــك بعض الــذهــــــانة
وأنــته كــما الفــارس اللي غازي ٍ يبغي المــداليه=والله رمــابه على قــوم ٍ خــذوا منـّـه حصــانه

[ناصــــر الغيثــــاني]

مــرحبا يابــرج المملـكة ,, والله لا يهيــنك على المــرور وعلى الكــلام الطيب

مع إن مجــرد متــابعتك شــرف كبيــر



أخـــــوك ,,,, جسّـــــــــاس

[سعد البراق]

اخي الفاضل / برج المملكه

نتشرف بمتابعتك

======

اخي الفاضل / جساس

طيب طيب

استلم لا هنت



يالي تخيل البروق وقلت يا مقرب حراويه = البرق وسط السحاب بعيد وين انته ووانه
جساس هو صاحبي لكن يا مكثر لغاويه = واما عقل والله اني لجلده بالخيزرانه

[ناصــــر الغيثــــاني]

إستــلم يابو سعــد طال عمــرك على طاعة الله



البــرق قد له سنــة ماشيــف والعــربان تـرجيه=بعض المعــاني لها حــدين ياراعي اللقــانة
ياللي تجيب الخبــــر من شيخـــنا بالله تــوديه=قل له تـرى طالت المــدة ولا للعــــذر خــانة

[سعد البراق]

وفي الختام

اخي الشاعر / جساس

لك مني جزيل الشكر و الحقيقة ان اللعب مع شاعرً مثلك ما يمل .

لنا لقى آخر باذن الله ،،،