الموسم الماضي : الثاني ،، الموسم الحالي : الخامس !!!!!!!!!!!

[الاهلي الراقي]

والله شيء محزن ومؤسف .. الموسم الماضي نافسنا ع الدوري لما آخر ثانية وما الله آراد .. والحمد لله قدمنا موسم إستثنائي والكل أشاد بالفريق وكل الجمهور رغم ضياع الدوري لكن كان في رضا تام على الفريق ..

وكنا نمني النفس إنو يتواصل هذا النجاح ولكن ....!!!!

احنا الفريق الأكثر استقرار في الدوري .. وكل الأندية تنظر للأهلي على إنو مستقر من الناحية المادية .. لا مشاكل لا ديون لا تأخير رواتب ولا شيء ..

طيب فين المشكلة .؟؟ هل هي في اللاعبين ولا في الإدارة وقرار التسرع بإقالة جاروليم ولا في ضعف الجهاز الفني البديل لجاروليم .. ؟؟

والله احترنا مع الأهلي ..

الموسم الماضي المركز الثاني والأفضل في الموسم بصفة عاااااامة بشهادة الجميع ..

الموسم الحالي المركز الخامس ..

مهما كانت المبررات .. فيه أخطااااااااااااااااا اااااء ..

أتمنى عدم الإبقاء على أليكس .. صراحة المدرب إمكاناته محدودة وضعيفة جدا .. وأتمنى التحضير والتجهيز من الآن للموسم المقبل ..والاستفادة من الأخطاء المتكررة سنويا ..

للأسف كل سنة .. الأهلي آخر فريق يعسكر .. وأقل فريق يلعب مباريات ودية في معسكره ومع أندية ضعيفة ومغموووووورة .. والتأخير في التعاقد مع المدرب .. وكل سنة المعسكر بدون المدرب والمحترفين ..

لازم الإدارة تستفيد من كل هذي الأخطاء ... الموسم القادم مافي أي عذر لضياع الدوري أو على الأقل المنافسة الشرسة والقوية ..

وبإذن الله في حال تأهلنا لدول ال8 في الآسيوية .. يصير بين وبين العالمية 6 مباريات فقط .. والله ماهي صعبة لكن عندنا إدارة ما تحترم فريقها ولا جمهورها بأخطاءها وقراراتها الإرتجالية ..

بطولة الدوري والآسيوية .. تحتاج لعوامل كثيرة ومن وجهة نظري المتواضعة هي : ..

1- مدرب كبييييييييير وتكتيكي ..

2- أجانب على مستوى عالي .. وهذي متوفرة للأهلي ..

3- حارس مرمى .. وهذيمن أهم نقاط ضعف الأهلي .. لابد من جلب حارس آخر .. المعيوف مباراة كويس ومبارتين يألف ويخبص .. وفيه حارس ممتاز ومتوفر ونقدر نشتري عقده .. حارس الرائد أحمد الكساااااار من أفضل الحراس الموجودين ..

4- دكة بدلاء قوية .. لابد من إعادة النظر في دكة البدلاء .. صراحة في أسماء ما تستحق ابدا تمثل فريق مثل الأهلي ( محمد أمان ،، حيدر العامر ،، جفين البيشي ،، عيسى المحياني ،، يحيى عتين ،، ) وعندنا في الأولمبي أفضل من هذي الأسماء بمرااااااااااااااحل ..

5- الروووووووووح .. والله يا جماعة أحس لاعبية الأهلي يفتقدوا للروح والإصرار والعزيمة والطمووووح .. أو إنهم إنهزاميين أو أو أو

شوف الفتح كيف .. رغم إنه أبدا ما يتفوق على ألاهلي والهلال والشباب كأسماء وعناصر .. لكن عوضوا هذي كلها بالرووووووح والعزيمة والإصرار والقتالية من أجل الشعار ..