اسامه سعد [الأرشيف] - منتديات غرابيل

محمد الدهمشي

20-08-2006, 05:11 AM

الاخ اسامه مساك الله بالخير ويشرفني اللعب معك
شين بقلبي ياخذ القلب ويجيب
في قلب قلبي راكزله علامه
دارت على السنه عقب طيحت الذيب
والظاهرماعندك خبرياسامه

ابن دخيل الله

20-08-2006, 05:15 AM

ابوراشد

الله يرده بالسلامه ولا اظنه يرد

الله المستعان

صح لسانك

سعد البراق

20-08-2006, 05:16 PM

استلم وانا اخوك

الاوله مني سلام وتراحيب = تنصا رجال العرف واهل الفهامه
والثانيه صاحبك ما يعلم الغيب = ولا كل رجالً يفسر كلامه

كما ارجو منك مراجعة بيتك الثاني من حيث الوزن

ابن دخيل الله

20-08-2006, 06:20 PM

اسامه

بيت ابوراشد موزون

دارت على السنه ===_( اهل السنه ) وليس السنه الوقت

لك التحيه ياشاعرنا

ذيب الخلا

21-08-2006, 12:36 AM

ابن دخيل الله
هنا الكسر طال عمرك

والظاهرماعندك خبرياسامه

والتعديل:- لا شكّ ما عندك خبر يا اسامه

وانا في صف اسامه ولا يهون ابو راشد

ابن دخيل الله

21-08-2006, 12:51 AM

ذيب الخلا
سلمك الله

لاشك ما عندك

و

والظاهر ما عندك

نفس المخرج واللحن ميه الميه

وشكرا

ذيب الخلا

21-08-2006, 03:47 AM

غلطان يا بن دخيل الله...غلطان والحكْم للشعّار

محمد الدهمشي

21-08-2006, 05:51 PM

يعطيك العافيه يابن دخيل واخونا ذيب ملاحظه بس ورى الشعاردايم يتهمهم بكسرالبيوت وغالبا يستعجل في الحكم هداه الله مع اني للم اقراله اي مشاركه ----وتفضل يابوسعد

يامرحبابك ياقليل العذاريب @@مارالبلى ذيب الخلاء به غشامه
ماودك الرجال اعيونه على العيب@@مره على الصمان ومره بتهامه

ابن دخيل الله

21-08-2006, 07:56 PM

ابوراشد

طال عمرك

المساله اجتهاديه

يمكن الخطا مننا

الله اعلم

لك خالص التحيه

ذيب الخلا

21-08-2006, 08:20 PM

أبو راشد الله يسامحْك ويجازيك عني خير

ذيب الخلا يبني حليّ التراكيب=شاعر وصل فالشعْر ذروة سنامه
من روس قومٍ ينطحون المواجيب=على العدا سمٍ بيوم الرَغامه

الشاعر/ ذيب الخلا

ابن دخيل الله

21-08-2006, 08:30 PM

ذيب الخلا

ونعم وسبعة انعام

سعد البراق

21-08-2006, 08:58 PM

استلم يا بو راشد

يا صقر يالي معتلي بالمراقيب = اعرفك لو قلدت مشيا الحمامه
ماني بجاهل بالعدى والاصاحيب = وانته صحيبي مار فيك انقسامه

محمد الدهمشي

21-08-2006, 09:40 PM

يابوسعدكثرت عليك المطاليب@@والحرمثلك مرتفع في مقامه
وذيب الخلاء حدوه ربعه على السيب@@وعجزيميز حلها من حرامه

هداج تيماء

21-08-2006, 09:49 PM

ابوراشد //////// اسااااااامه سعد

صحت السنتكم

متابع

واصلوا

حامل الرآية

21-08-2006, 09:56 PM

ابو راشد
صح لسااااااااااانكـ
محيااااااااكـ الله بين اخوانكـ الشعراء
اسامه سعد
لاهنت يابوسعد
وانا في صفكـ لين تسرون
0
0
0
تحياتي للجميع
حامل الرآية

سعد البراق

21-08-2006, 09:57 PM

استلم بارك الله فيك

لا تكتب العنوان خلف المكاتيب = خله يا بو راشد يبين بامامه
اصحابنا كرام اللحى والاشانيب = يا جعلهم دايم وهم في سلامه

محمد الدهمشي

21-08-2006, 10:05 PM

طلق المبادي والصقروالأصاحيب@@يلحقك من ترك الرفاقه ملامه
قامت تقفانا الوجيه المغاضيب@@والجاهل اللي مايحسب اثامه

ابن دخيل الله

21-08-2006, 10:14 PM

ابو راشد

اسامه سعد

تابعوا وواصلوا

ونحن متابعون بشده

يازين الالغاز السهله >>>>>>>>>>>>>>>>>>

ذيب الخلا

21-08-2006, 10:45 PM

وذيب الخلا حدوه ربعه على السيب***وعجز يميز حلها من حرامه

قدّرتك فالبداية مير ما تستاهل التقدير
ما دام هذا كلامك استلم

فالآخرة جعلك لحامِ اللواهيب=وْعساك فالدنيا دنيّ الكرامه
تشبع بك العرجا وعكْف المخاليب=ووحوش فالبيدا تبيد الهلامه

الشاعر/ ذيب الخلا

ابن دخيل الله

21-08-2006, 10:48 PM

تكفون مانبيها كذا

ارجوا ذلك ياشعارنا

ترى مابينا شي

الا المزح والوناسه والقلوب سليمه

قوموا سلموا على بعض وكبو الزعل

الهمام الله لايهينكم

سعد البراق

21-08-2006, 10:49 PM

استلم وانا اخوك

مامون اصلي باتجاه المحاريب = واعرف ترى المامون يتبع امامه
مشروبنا من صافيات المشاريب = والي يغثرب لا يدور كرامه

محمد الدهمشي

22-08-2006, 05:57 AM