تعال ياللي تقول ما نحتاج الأسد أسامة المولد ؟؟

[الاهلي الراقي]

أستغرب بعض الجماهير تقول الأهلي ما يحتاج أسامة المولد .. لا والله نحتاجه وبقوة ..
خلوكم من الأمور العاطفية .. والمشاكل اللي حصلت بينه وبين طارق كيال ودخوله العنيف على عماد الموسم الماضي ..

أنا أتكلم عن فائدة فنية للأهلي ..

الحين قلوب الدفاع في الأهلي هم : أسامة هوساوي ،، كامل الموسى ،، جفين البيشي,, محمد أمان .. عقيل بلغيث ..

عقيل بلغيث في الفترة الأخيرة المدرب يعتمد عليه كظهير أيمن .. وما شاء الله عقيل أثبت وجوده وجالس يقدم مستويات ممتازة في هذي الخانة ..

وإذا أخذنا عقيل يصير معاك قلوب الدفاع .. هوساوي ,كامل وجفين محمد أمان .. وطبعا الأساسين هم هوساوي وكامل .. البدلاء هم جفين ومحمد أمان ..

بالله عليكم هل جفين محمد أمان خير من يعوض هوساوي وكامل لاسمح الله في حال الإصابات والإيقافات ..؟؟ ولا تسنى بطولة الدوري بطولة طويلة والفريق معرض للإصابات والبطاقات في أي مبارارة ..

صفقة أسامة المولد راح تحل مشاكل كبيييييييرة جدا .. وتعطي الفريق حلول أكبر .. خاصة في حال إيقاف منصور الحربي أو إصابته لاقدر الله يكون المولد بجانب هوساوي وكامل ينتقل للظهير الأيسر ..
وشفنا كيف نهائي آسيا كيف كان حيدر العامر ضااااااااااايع ..

وإذا جاء المولد يصيير ما تحتاج جفين ومحمد أمان أبدا .. وتستفيد من بيعهم أو تنسيقهم .. وتصعد الثنائي محمد آل فتيل ومعتز هوساوي .. ويكتسبوا خبرة من المولد وأسامة هوساوي وكامل ويشاركوا تدريجيا مع الفريق الأول ..

بطولة آسيا والدوري ما تتحقق لا بالبديل الناجح والبديل اللي في مستوى الأساسي ..

وآسف ع الإطالة وفالكم افرااااااااااح بإذن الله كاس الملك وتأهل لدور ال8 من الآسيوية بحول الله وقوته .. دعواتكم بس ..