تريد زيادة انتاج حلالك والتميز ادخل

[تاجر مواشي]

اغنام - ابل - دواجن - طيور


تريد زيادة انتاج حلالك والتميز ادخل (http://www.aghnam.com.sa/vb/showthread.php?t=227084)


السلام عليكم ورحمة الله وبركاته
اخوتي بالله ماراح اطيل عليكم ان شاء الله وانا بعطيكم امور مجربه كانت سبب لزيادة انتاج (http://www.aghnam.com.sa/vb/tags.php?tag=%C7%E4%CA%C7%CC) الحلال عندي ولله الحمد
اخرج منها كل شهرين والا ثلاثه راس والا راسين واذبحها ووزعها للمحتاجين صدقه لله
واكرم عاملك لوجه الله حتى لو مقصر لا تغلط حاسبه وادعيله بالتوفيق وخليه يروح وبيرزقك الله بالعامل الطيب ان شاء الله
والله ياخوه القصور موجود وحاصل منا كلنا لكن والله يااحبتي في الله ماشين على هالنظام ولله الحمد والمنه والغنم حوالي 220 راس اكثرها ضان والله اني مااذكر يااحبتي في الله ان انتاجها من البهم عندنا اقل من ميه راس مابين اللي يرضع واللي معزول وكلها ماتتاخر بيع ماشي ماعدى الرخال تتاخر ممكن الى 5 او 6 شهور وتلحق مع امهاتها اما الطليان اتوقع نادر اللي يوصل 5 شهور الا لشغلة نبيها اما ضحيه لنا اما غيره جلب وقرش للسوق وماشي الانتاج ولله الحمد 100% والقصور حاصل على ذلك منا ونسال الله ان يتجاوز عنا جميعاً اللهم امين لكن اخلص النيه لوجه الله سبحانه وتعالا وراح تشوف الخير باذن الله
والتطعيمات ماشين عليها لكن فيه اسباب قويه للتوفيق والسعه في الرزق حبيت اقولها لكم
مع انا هالفتره زايد نسبة الغنم اللي تصعد اعزكم الله لكن والله ماهزتنا ولا نقص بهمنا عن الانتاج المذكور
وقال الحبيب اللهم صل وسلم عليه ( مانقص مال من صدقه ) في مامعناه او كما قال الحبيب وهو سبب للبركه في المال والرزق ووالله انها اقوى تطعيمه عرفناها من تطعيمات البيطريين
ونصيحه اخرى البهم اذا وصل شهرين وتمها اعزله عن امهاته عشان يزين لك ويفرد ويقوم جرمه بعض الاخوه يعتقد انه كل ماتاخر افضل ويفضل عزله على 3 شهور لكن اذا ولا بد اعزل اثنين والا ثلاثه من بهمك بعمر شهرين واكرمها وخليها شهر وقارن بينه وبين اخوانه بالعمر اللي تحت امهاتها وشوف الفرق

وتمتع بالانتاج الطيب باذن الله وهذي مجربه ولله الحمد

مع تحياتي

المصدر: منـتـدى أغـــنـام (http://www.aghnam.com.sa/vb) - من قسم: المنتـدى الـعــام (http://www.aghnam.com.sa/vb/forumdisplay.php?f=23)


jvd] .dh]m hkjh[ pghg; ,hgjld. h]og