تجربتي شفط و شد البطن و الزند...الدكتور اسماعيل ندا

[حواء غرابيل]

السلام عليكم
حبيت انقل لكم تجربتي مع الدكتور اسماعيل ندا بدار الشفا

اول شي راجعته شاف الترهلات و قال راح تصيرين وحدة ثانية و بيسوي عمليتي على مرحلتين اول بطن و زند و عقب الفخوذ و الصدر

و حدد لي موعد سريع و الحمدلله تمت عمليتي و عدت على خير

و كم مرة اراجع بالغصب يمر علي يشوف جروحي كله يطرش لي دكاترته الممثلين الي نفسه و ياخذونا بالحجي و الضحك و يطمنونا و نطلع
والحين كملت الثلاث شهور و الجروح شكلها جدا مرعب و يابسه و طالعه بره متجمعه ع شكل كتل و صفطات و فاقدة الاحساس فيهم
و كل ما ادق ابي اكلمه بصرفوني و حتى المواعيد قبل بس اجي اطلب ملفي و اخل الحين مانعيني ولاطلبت موعد قالوا انطري شهر شهرين!!!
حسبي الله و نعم الوكيل فيه

راجعت كذا دكتور تجميل انصدم من جروحي و طريقة العمليه لا و بعد طلع مو شافط الشحوم عدل و حاط لي سرة جديدة من كيفه و شكلها غريب و الكل يقول لي لازم عملية ثانية عشان استئصال جروحي


اهذا الي صار معاي و مادري اذا في غيري انتفعوا من شغله

بس كل الي اقدر اقوله حسبي الله ونعم الوكيل شوهني قبل عرسي

لا تتعاملون مع دكتور الا و انتوا شايفين شغله بعينكم و دارسين سيرته الذاتيه دراسه



اتمنى اني عطيتكم فكرة قبل لا احد يستعجل و يغامر عنده

مابي منكم الا دعوة ان ربي يشفي جروحي و يجملني بعين زوجي


عساكم ماتحتاجون هالعمليات الله يبعدكم عن اسماعيل و الجزارين امثاله