العاب زمان ,,,,,,, وزمان يالعب

[النجلاء]

اهلا بالجميع

قبل يومين كنت اتابع بزارين العيله وهم يلعبون مع بعضهم وحاولت افهم شي من العابهم وللاسف ماعرفت ورجعت فيني الذاكره ريوس لايام زمان والعابنا


:11oto:


اتذكر كان معانا وحده من الشله اسمها فايزه :vampire: وكنا ندلعها فواز ,,, سميناها فواز بسبب ميولها للعب مع الاولاد اكثر من البنات وحتى ملابسها كانت ولاديه اكثر من الاولاد نفسهم ,,, كلها ترنقات رياضه نصراويه ودايم نلقاها لابسه من ثياب اخوانها ورافعه الكموم لنص الذراع ومشيتها زيهم وقصة شعرها جيرسون وللي مايعرف جيرسون يعني قصة ولد ولو ركزنا شوي نلاقي شعر خفييييف على يدينها ووجها سمعنا بعدين ان امها كانت تشيله بالحلاوه عشان لايطلع لها شنب وهي عاجبها الوضع ,,, حتى امها ماكنا نناديها الا ام فواز وتضحك علينا وكنا ننبسط من اللعب مع هالفايزه لكن بسطتنا هذي كانت تجي فوق روسنا دايم


:هاها: :هاها: :هاها:

مثال على كذا كانت تلعب لعبه مع الاولاد يجمعون علب سنتوب فاضيه فوق بعض واللي يطيحها بكوره صغيره هو الربحان وكانت الاخت تتمرن علينا حنا تصفنا على جدار وكل وحده على راسها علبة سنتوب والمشكله ماهي في انها تطيح علبة السنتوب لا المشكله انها تبي تلصق علبة السنتوب بقوه في الجدار اللي ورانا عشان كذا ترمي بكل قوتها ومن ثاني تمرين تعلمنا نوقف ووجيهنا للجدار حماية للعيون والخشم من كورها الطايشه ههههههههه وياكثر كورها الطايشه وطبعا انواع التآوهات والتمزيع في روسنا وظهورنا وبنت امها عاد اللي ترفض أو تقولها لا


:11retcher


ونجي للعبة العريس والعروسه ماكنا نحاول نلعبها وهي معانا عمرها مالعبت دور عروس دايم تبي تكون العريس وانواع التكفيخ لتعيسة الحظ اللي بتكون العروسه ,,, كل اللي تشوفه في المسلسلات الكويتيه والمصريه تطلعه على راسها ولاتنتهي اللعبه الا والعروس طالبه العفه ومنحاشه على بطنها وظهرها لبيت اهلها وتلعن الزواج وسنينه


:كلوش: :كلوش:


ولعبة الجارات ,, كنا نتخيل انفسنا كبيرات ومتزوجات وجارات ونسير على بعضنا وتتوزع بيننا الادوار الصغار مره نخليهم اولادنا وكل شيء تمام الا فايزه لا ماتبي تكون جاره كانت تسوي نفسها سواق ليموزين وندق عليها تجي توصلنا مشاويرنا ههههههههههههههههههه وتجلس على كرسي وتجلسنا على كراسي وراها زي السياره يعني وتسوي صوت فرامل قويه بفمها وياويلنا اذا ماطحنا من الكراسي وراها على الارض ,, ليش ؟ عشان تنزل وتصفقنا وتقول ليش ماربطتوا حزام الامان ياغبيه انتي وهي ,,, وفي الطريق انواع المغازل الله يرج ابليسك يافايزه كانت تغازلنا وهي تسوي نفسها تسوق السياره وعاد ليتها تعرف تغازل هي كلها كلمتين من كلام العرابجه ,, ارحم يامسلم ,,,,, او اموت في الخربز والمشمش وتغمز بعيونها وترمي مناديل علينا ترقمنا يعني وياويل اللي ماتاخذ المنديل تنزلها في نص المشوار من السياره يعني تطلع من اللعبه ههههههههههههههههههه وبس تروح ثلاث ارباع اللعبه في ليموزين فايزه نلقط مناديل ونطيح من فوق الكراسي

:mf_popean :mf_popean :mf_popean :mf_popean

ونجي للعبة البليستيشن حنا كنا نلعب العاب نعومه مثل كراش 1 وطرزان وهيركيوليس وهي اول ماتجي تقلبها كرة قدم او تيكين 4 لعبة الكونغ فو واتحدى احد يغلبها بهاللعبتين والغريب اذا بغت تريح من هاللعبتين قلبت على لعبة رعب نسيت اسمها وشف الرعب عاد والدم اللي في اللعبه وهي مبسوووووووطه وتضحك ,, طيب علمينا نلعب معاك ترد اووووه ماراح تفهمون شي يعني نصير متفرجات لين تنتهي من اللعب


:11owoff: :11owoff: :11owoff:

ويصادف مرات نكون متجمعات وتجي مباراه منقوله للنصر وتصفنا حنا واخوانها بقرنه وتقول ماابي اسمع ولا نفس لين تنتهي المباراه وتبدا تزاعق من اول المباره لين اخرها وكل صياحها على الحكم ياحكمممممممممممم ياغبببببببببببي بلنتي يا اعمى وكل شي عندها بلنتي حتى لو الكوره بنص الملعب واول مره نشوف بنت تشجع النصر كل البنات هلاليات العاده الا هذي نصراويه وياويل وحده او واحد تسب النصر يوم اهلها مالوش ملامح على قولة المصاروه وسواء فاز النصر او تعادل او انهزم تقلب البيت مناحه وصياح وكانت ملصقه على دفاترها صور ماجد عبدالله ومحيسن الجمعان ايامها كانوا هم اللي ماكلين الجو

:11ccer: :11ccer: :11ccer:

مره اشترت قطار لعبه وكانت تصفنا حنا وتبني سكة القطار وتخليها تمشي من بين رجولنا وتقول انتم كباري وحده اسمها كبري الوشم والثانيه كوبري الخليج ووحده خلتها توقف على يدينها ورجولها ومسميتها جسر البحرين ,,,,,, ماصدقنا على الله ينكسر قطارها ذاك ونفتك من الوقفه اللي بالساعات اما البنت اللي اسمها جسر البحرين ماعاد شفناها عقبها الا بعد 3 شهور قلنا اكيد تحرولت من وقفتها الغلط كل يوم


:11retcher :11retcher :11retcher

الله يذكرك بالخير يافواز ,,, بديناها بالالعاب ولفت السالفه على فايزه سألت اختي يوم كبرنا عنها قالت سمعت انها تبي تتزوج قلت غريبه تتزوج هذي قالت لا هي تقول انها بتتزوج عشان تتطلق وتتفرغ لنصف دينها الثاني هههههههههههههه يعني تبي تضمن النصف الاول وتخلص منه سريع سريع وبتفتح عقبها مكتب عقار ههههههههههههههههههههههه


:harp: :harp:


ياليت كل اخت واخ هنا يمر يعطينا سالفه من سوالف العاب زمان ومفارقاتها الطريفه لابد كل واحد مرت عليه مواقف تستحق التدوين ومشكورين عالمرور مقدما





اختكم /// النجلاء

[أمل عبدالعزيز]

ههههههههههههههههههههههههه ههههه

والله يانجلاء أنه موضوع مميز بكل مافي هالكلمة من معنى

ثانياً أنا فاتحة سوق الأسهم كان سمعتي بي وأني نسيته مع قصصك الحلوة وفوزا أو فواز على قولتك:هاها:

حشى هذي مهيب بنت ولاتمت للبنوتة بصلة بتاتن

وش جسر بحرين وهي العريس دايم!! ماشاء الله تبارك الله

المهم أنا بشمر لك عن كمومي وأعلمك عن مقتطفات من طفولتي الله لايحرمكم من بركتها يارب


أنا وأنا صغنونة كنت ناعمة مررررررررررررررة لدرجة أن أمي لصرت بلعب مع عيال الحارة تلفني في مناديل وتطلعني ههههههههههههههههههههههههه ههههههه:7:

وش أقول بس عن ذيك الرقة والدلال والدلع

تخيلي بس لكحيت يطيح الطير من السما ههههههههههههههه وكان عندنا واحد بالمنتدى هنا اسمه الطير يطيح كل ماشافاني

المهم نرجع لطفولتي


بصراحة أنا كنت أحب الزعامة يعني دايمن أقود دفة المشاكل والحوار والخوار

بل كنت بعض الأحايين ديموغراطية يعني اترك الخصم يبدي رأيه ثمن يتلو ذلك تكفيخ لين ينسى قضيته مثل ماتشوفين سواة اسرائيل

فالضعوف الله يرحم حالهم


تصدقني عاد ياوخيتي أني كنت ألعب لعبة الخيل وكنت أخلى البنات خيل وأنا الراكب ههههههههههههههههههههههههه هههههههههههههههه ودربق دربق ألين ينكسر ظهر ورى ظهر

وأحيان يخطر على بالي أخذ سيف ويكون ملاس من المطبخ شكبره وهاتك على ظهر الخيل

ههههههههههههههههههههههههه ههههههههههه عشان يمشي بسرعة

بس ماعمري وصلت لأخر الساحة الحربية لأن الخيول تموت

وعلى فكرة ترى كل جبهتي صعارير وفتحتات وكباري من كثر الطيحات

ههههههههههههههههههههههههه هههههههههههههههههههههه

بل أن خشمي ياوخيتي صار بفتحه ونص ولاتسأليني ليه


عارفة يانجلا

ذكرياتي تحتاج لكتاب مليون صفحة أو ذاكرة كمبيوتر مساحتها خمسين قيقا

ههههههههههههههههههههههههه ههههههههههههههههههههههههه ههههههههههههه

كنت أحب ألعب مع بنت خالي وكنت دايم أجيبها عندي بغرفتي واجمع العابي وأحرمها منها وأطقها ألين تعض الأرض وترسل أمها الشغالة تجيبها ولايمديها توصل باب البيت إلا وأنا أدمع واذرف من ماء عيني وأقول لها السموحة عشان اضمن رجعتها بكرة لأجل الطق ههههههههههههههههههههههههه ههههههه:7:


بالله شرايك فيني!! أجنن صح

ولو السوق اليوم ضبط يمكن يكون لي عودة

[النجلاء]

ههههههههههههههههههههههههه هههههههههههههههه

تطرحين الطير من السما بكحه ههههههههههههههههههه لا واضحه النعومه بقوه

الله لطف فينا اجل وماطلعتي من الشله حقتنا كان كملت وظهورنا عاد ناقصه ملاليس وطق

,,,,, الا صدق ماقد درس معك وحده اسمها فايزه ؟؟؟

من شغلاتك اللي كاتبتها فيه وجه شبه ماهوب بسيط

تصدقين مره اخترعت لنا فايزه لعبه اسمها المستفشى هو المستشفى بس هي تسميه المستفشى ,,, كانت شاريه لعبه من السوق ادوات طبيه البنيات يشترون عرايس وقدور طبخ ومواعين وهي شاريه ادوات دكتور وطبعا حنا كلنا مرضى عندها ماعدا وحده تصير الممرضه وهات ياكشف على اسناننا وبطوننا وماتخلي مفصل ماتطقه بالمطرقه حقتها عاجبتها حركة الركبه والمطرقه وطبقتها على كل الجسم ,,, وتالية الكشف لازم من الابره غصب طيب لازم ناخذ ابره حتى الممرضه حقتها تاخذ ابره ,,, بيني وبينك حمدنا الله اللي ماشرت ادوات نجاره ولا كان مصيبه

ههههههههههههههههههههههههه ههههههههههههههههههههههه

اختي امل الله يسعدك ونورتي الموضوع وبهرتيه وبانتظار عودتك سالمه غانمه من الاسهم

يعافيك ربي

[أمل عبدالعزيز]

ههههههههههههههههههههههههه هههههه الله يرجك يانجلا وربي أنك منتيب صاحية ودمك شربات وياحبي لنوعيتك أحس أنك مجنونة هههههههههههههههههههههه :هاها:


عارفة

يوم كنت صغيرة كنت أحب البزارين الصغار بس موب أي بزر يخش مخي!! لا

فيه نوعية معينة أحبها

ونوعية أخرى الله لايوريتس لشفتها خلاص سنوني تحكني وأنيابي تطقطق

ههههههههههههههههههههههههه هههههههههههههههههههههههه

وربي يامرة كنَّا بعرس وفيه بزر غثيث يم أمه دابلن تسبيدتي ومغير يصيح

بس أمه عطتنيه يومها تشوفني أناظر فيه علبالها حبيته وراحت مادري شتسوي

ولا ورعها يطق ذيك الصيحة ألي ظهرتها من دورة المياة وأنتِ بكرامة

طبعاً العضة كنت حريصة أنها تكون على شكل بوسة كيف ماني معلمتك

المهم

للحين الولد عنده مرض يسمى الهزاز وصرعات متفاوته بين كل فترة وفترة والسبب بوستي الحلوة

أخ بس لو أنها على خدك كان أمداكِ الحين بخد وربع

ههههههههههههههههههههههههه ههههههههههههههههههههههه

<==== الأدمية ذي تقول طلعوها قبل تجيب العيد

[النجلاء]

ههههههههههههههههههههههههه ههههههههههههههههههههههههه هههههههههه

الله يكفينا شر اسنانك وطقطقتها هههههههههههههههههههههههه

والى الحين البزر تجيه نوبات اجل ,,,, الله يلوم لايمه ههههههههههههههههههههههههه هههههههههه

ذكرتيني بواحد اكل له طراق متعوب عليه من واحد هرش بالحيل ويسألون اخوه وش اخباره قال ماعليه تمام الحين بس اذا مشى يحذف يسار شوي ههههههههههههههههههههههههه هه جاه ارتجاج

ومادام جبتي سالفة العروس والبزارين بقول لك على شغله كنت استغرب منها حيل ,,, اذا رحنا لعرس العالم كلها تطالع بالرقص والكوشه والمعاريس وانا بس مركزه على بزارين الطقاقات الصغار وكل واحد بحجر امه نايم ولاكن فيه لاطق ولاطيران وبس يقوم يرضع من ديد امه ويرجع ينام بامان الله ,,, ههههههههههههههههههههههههه اموت واعرف كيف ينامون ووش وضعهم الحين ههههههههههههههههههههههههه ههه

شكرا على مداخلاتك الروعه يا امل وربي يعطيك العافيه

[الدندووووونه]

مره اشترت قطار لعبه وكانت تصفنا حنا وتبني سكة القطار وتخليها تمشي من بين رجولنا وتقول انتم كباري وحده اسمها كبري الوشم والثانيه كوبري الخليج ووحده خلتها توقف على يدينها ورجولها ومسميتها جسر البحرين ,,,,,, ماصدقنا على الله ينكسر قطارها ذاك ونفتك من الوقفه اللي بالساعات اما البنت اللي اسمها جسر البحرين ماعاد شفناها عقبها الا بعد 3 شهور قلنا اكيد تحرولت من وقفتها الغلط كل يوم
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,
ههههههههههههههههههههههههه هه ههههههههههههههههههههه

يسلمووووووووووووووووووووو ووو,,,النجلاء

يالبّا زماااااااااااااااااااان والعااااااااااااابه,,

حبيبتي مايحضرني الأن شي

لــــي عووووووووووووده بإذن الله


ودمـــــــــــــتي


الدندووووووووونه

[فوووووشي]

http://images.google.com.sa/images?q=tbn:QiOCb-fM8HPU8M:http://www.eyelash.ps/up/uploads/59ec51959f.jpg

ياااااااااااي من العاب زماااااااااااااااااااان


انا كنت ألعب لعبة الغميمه

وبس انا العبها غير ..... في كل مراحل اللعبة اصير انا اللي يغمون عيوني

يتخبون الاطفال ويخلوني انا اللي ادور عليهم.... ويوم عرفت بنواياهم اني دووووبه وما اعرف اسرع كل يصيدوني

أنا انقهرت وقمت لما العب معهم اغم عيوني واذا تخبوا الاطفال انا اروح لبيتنا ويصير محد يدور عليهم

ويضلون في مخابأهم تحت الشمس الى ان يأذن المغرب

وانا في البيت مستونسه جالسه العب في البراد

وبكذا حرموا يحطوني في هذا الدوور .. هع هع هع هع هع

والله ما ني بهينه

ومشكووره أختي نجلاء على فكرة الموضوع المميز

أختك فش فاشه

[النجلاء]

هلا بالدندونه ,,, وتسلمين على الطله الحلوه


وبانتظار عودتك


يعطيك العافيه

[نور بني تميم]

كلها ترنقات رياضه نصراويه <<<<<<<<<<<<ههههههههههههههههههههههههه ههههههههههههههههههههههههه ههههههه
تعجبني
ههههههههههههههههههههههههه هه
ياااااااااااااااااي على العاب زمان مو الان سوني ولا قيم بوي ولا العاب الموبايل
اناااااااااا لي اخت اكبر مني بسنه وكأننا توأم كنا نتشااااااابه بكل شي حتى ملابسنا زي بعض بس الاختلاف باللون
المهم اذا جينا نلعب مع اي بنت تزورنا <<<<<تتفق البنت مع اختي اني اعيرها ملابسي عشان تطقم مع اختي ويطلعون اصحاب وانا اصير الخدامه او اي دور هامشي<<<<<<منقهرة منهم مرررررة<<<<بس انا مغفله وعلى نيااااتي
ههههههههههههههههههههههههه ههههههههههههههههههههههههه هههههههههههههههههه
والبنات يعطوني ملابسهم مرة كانت شينه بالنسبه لملابسنا انا واختي اللي كانت مرررة حلوة
<<<<<<مو غرور بس كل الناس تقول كذااااااااااااا
واناااااااا دايما مالي اي دور بس انتظر اذا احد زارناااااااا فتحت الدولاب عشان البنت تنقي هي واختي وش يلبسووووووون عشان يصيرون وااااااااااااااااو اصدقااااااااااااااء

.................................................. .................................................. .................
يسلمووووووووووووووو بنااااااااااااااااات

[النجلاء]

هلا بالمنحاشه هههههههههههه بجد اسمك روعه

وانتي ليش اخذتي الشغله بسوء ظن يمكن قصدهم انك على كثر المطارد وراهم بتنحفين هههههههههههههههههه يعني ريجيم بالغميمه بس شكل مجهودهم ضاع معاك

ههههههههههههههههههههههههه ههههه

الغميمه على ايام فايزه غير اول شيء اللي تروح تدور باقي البنات لايمكن تلقى فايزه وحتى لو لقتها تسوي روحها ماشافتها وتدور غيرها واليوم اللي تتصدق هي علينا فيه وتتبرع من نفسها ماتعد لعشره زينا ,,, لا هي واحد اثنين عشره ولايمدينا نتحرك وتمسك اقرب وحده لها ههههههههههههههههههههههههه ههه


يعطيك العافيه على مرورك ومداخلتك الحلوه يادبه هههههههههههههه


ممكن سؤال ,,, وش منحاشه منه انتي ؟؟؟؟ ههههههههههه

[الدندووووونه]

أختي//النجلاء

طفوووولتي كانت غييييير,,

أمي إلى الأن إذا شافت لها أحد ملقووووووف,,,تتذكرني على طووووووووووول,,

أنا كنت في طفولتي ألعب لعبتي المفضله في الشاااااااارع,,أخذ ترااااب دائماً وأحطه فوق شعري(( حاله نفسيه)) وتجي أمي تضربني وتغسل شعري وتمنعني من الطلعه,,,بس تجي فرصه ع الشاااارع على طووووول على حبيبي الترااااب,,,وامي تعبت كل يوم تغسل شعري وفي يوم أضربتني ضرب وطلعت في الشااارع وأبكي ,,ومر جارنا((الله يذكره بالخير)) وسألني وش فيك تبكين؟؟ وقلت له الساااالفه كلهاااااا,,قال تبينها إذا لعبتي بالترااااب ماتضربك قلت أيه,,,قال لي حطي على شعرك مويه بعدين حطي الترااااب,,,ولا تضربك,,,<<<تخيلووووو الشكل بس!!

المهم سويت ماقاااال جارنا ((طبقت الخلطه السريّه بحذافيرها))و امي شافتني وأنجنّت ونظراتها قهر وإستغرااااب (( تحسبني ياذاااااااااك أعاااند))وتهاوشني وتضربني وتغسل شعري وعلمتها من عطاني هالنصيحه,,الله يسامحه ماسوّا خير فيني’’’’
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,

وعلى طاري البزارين,,,

كنّا قبل سنتين بحديقه,,,المهم أنا وثنتين من أخواتي كنّا نمشي بطريق المشاااااه اللي بالحديقه,,,وأحنا في امان الله مهنا للشر طااااري بجنبنا سور,,,وإحنا مندمجين في السوالف ويطامر قدّامنا ثلاثة بزاااارين مدري من وين جاااييييين اللي معه عصا ولابس نظاااره وشكله غريب,,والثاني رابط ثوبه على خصره,,والثالث,,يجمع حيود للعاااااازه,,وأبو نظاااره يسألنا من وين أنتم وأنا ووحده من خوااااااااتي ميتيييييييييين ضحك<<أسلووووووووبهم في الكلاااااام غريب!!
المهم أختي اللي ماضحكت سألتهم وش تبون مضيعين أهلكم,,<<رحمتهم تقول والله إني أحسبهم تايهين

قال أبو نظااااره,,لااااااا,,,بس عطينا فلوس يطلب من أختي اللي سألتهم,,لأني أنا وأختي الثانيه في دوااااامه من الضحك من سواليفهم مع أختي,,

قالت لهم,,والله ماعندي ولا ريال<<<بريئه!!

قام يمسكها أبو نظاره ويهددها بعصاااه والثاني أبو ثوب يتفرج والصغيّر يحذفها,,
المهم أختي,,حطّت رجلها رايحه لهلي,,
قاموا لحقوها,,أبونظاااااره يصيح ويقول والله لوتروحين سوريا ورااااااك وراااااك,,

ويوصي أخويااااااااه حدوهااااا إمسكوهااااا,,,

ماوصلت لهلي وهي باقي تشووووف,,

ويعتبر أحسن موقف مر عليّ أنا وأخواتي,,

ودمـــــــــــــــتم

الدندوووووووووووونه

[إيلاف]

............ألا ليت الطفولة تععود يوما ...........فأعلمها بما فعل الشباب

حبيبتي نجلاء .........ليتك كنتي معنا كان أرحملك من فايزه وتسلطها ........حبيبتي أذكرلك بعض مواقف دجتنا في الحاره و كنا مجموعة أنا وخواتي ثلاث وبنات أختي ثلاث وولد أختي وهو في عمري وكان الوحيد من بين ولد أنا يالسبعة كنا فريق وفي أعمار متقاربة ............المهم تجيك القصص اللي تقطع مصارينك من الضحك


كان ولد أختي إذا راح يلعب مع أعيال الحاره ما يخلونه يرجع إلا وضاربينه ولأنه كان الوحيد على أختي في زمانه كان يجي يبكي والأهل ما يقدرون يقولون شي علشان الجيران ما يزعلون ......وكانت أكبر وحده في المجموعة وحده من خواتي وكانت في ثالث متوسط وفي اليوم الثاني وهي راجعه من المدرسه وكانت لأبسه العباية شافت أثنين من أعيال الحارة يقطعون لوز من شجرتنا وهم كبار في عمرها بس يخافون منها المهم جات داخله للبيت تصيح فينا يالله كل وحده تأخذ سلاح حبل ولا جريد النخل اليابس ولا عصا مكنسه لأن في البيت أشجار وقالت لنا نجي من تحت الأشجار وهي تروح من وراء البيت من جهة حوش الغنم وكان يم بيوتهم تبغى تحدهم وقالت لا نطلع حتى نسمع صياحهم وفعلا جت من وراهم وهم منهمكين واحد يقطه اللوز بالمصلاب والثاني معه كيس يجمع وتضرب الأول الي يقطع وتضرب الثاني ونجي نفزع ونوريك فيهم كان واحد منهم يترجى اختي أنه معاد يعودها ......

وكنا بعد نلعب بالمزرعة جنب البيت بعد الغداء نروح لعجوز في حارتنا تبيع ملابس وكنا نكذب عليها ونقول الوالدة موصيتنا عليك ويااللهمن الأكيس الي نشل ونوديها للمزرعة ونعلها في شجرة البمبر ويا الله ونسوي سوق ونبيع على بعضنا ..........وإذا خلصنا قبل صلاة العصر وتجي الوالدة نجمع الملابس ونردها للعجوز ونقول الوالدة تقول ما لقت شي يعجبها .........ههههههههه


بعد حبيبتي كنا نطلع على النخل ونتزحلق من عند الجريدة والأقوى الي يطلع على النخلة الطويلة وكنت أجبنهم أطلع على الصغار .............


وعلى طاري الكورة .............كنا إذا فاز المنتخب أو أي فريق وسمعنا التفحيطات حتى لو أخر الليل وبيتنا على الشارع العام في الحارة .......كنا مولمين خشبة السدر ميته نجي ونسد بها الطريق ونكون فوق السطح مولمين أطباق بيض ويا الله على السيارات حتى تابوا معاد مروا من شارعنا ......ههههههههههه

حتى مدرستنا مسلموا منا كنا نرجع للبيت بدري وأي وحده من المدرسات مهزئة وحده ولا ضربتها كنا نجمع الحصى و يالله من فوق السطح حتى تابوا معاد يمرون من الشارع ولا يقولون لأي وحده منا شي هههههههههه


والله يا كثر اللي عندي من هبالنا........إذا بغيتي كملتها لك

لكن سبحان الله الدنيا تفرق .........صرت اللحين في بيت أهلي لحالي ......

دمتم برعاية الله

[فوووووشي]

نجـــــــــــــــــــــــ ـلاء

هلا وغلا بك حبووووووووووبه

ومشكووره على طرح هذا الموضوع بطريقة مميزة والله انه مجهوووود تشكرين عليه

والله يا طويلة العمر معنى منحاشه ؟؟؟

هذا معنى قد يطول شرحه .... وراح اختصره في كلمتين .......

المنحاشه

مأخووووذه من الفعل انحاش ... اي هرب وبعد

وفي المعنى الاصطلاحي لهذه الكلمة ماخوذه من انحاش الطفل من والدته اي هرب وصعب مسكه

وبعض العلماء فسر هذه الكلمة على انها فعل مشتق من المفعول به المؤول بالصريح

هذا المعنى المجاز لهذه الكلمة

اما منحاشه بالمجاز العلمي :

هي عبارة عن خلط غاز الأكسجين اللذي يساعد على الهروب مع غاز النيتروجين اللذي يساعد على الحرق

مما ينتج عنه غاز المنحاش

وغيره من الدلالات الكثيرة لهذه الكلمة ...... ها هل فهمتى معناها ؟؟؟؟

أختك فش فاشه

[بـنـت الـشـيـوخ]

ونجي للعبة العريس والعروسه ماكنا نحاول نلعبها وهي معانا عمرها مالعبت دور عروس دايم تبي تكون العريس وانواع التكفيخ لتعيسة الحظ اللي بتكون العروسه ,,, كل اللي تشوفه في المسلسلات الكويتيه والمصريه تطلعه على راسها ولاتنتهي اللعبه الا والعروس طالبه العفه ومنحاشه على بطنها وظهرها لبيت اهلها وتلعن الزواج وسنينه

هذي...الله يعين رجلهاااااااااااااااا عليها بس...

وصرااااااااااااحه..مواقف الطفوله كثير00واذا حضرني شي رجعت لكم..

ويسلموووووووووووووووووووو وووووووووووو

نجلاء.

[سعود]

ههههههههههههههه


فواز هذا خطيررررررررررررر


بصراحة موضوع فللللللله


بالنسبة لي انا


من وانا صغير امي ماتخليني اللعب مع البنات


ولا عمري لعبت في حياتي مع احد حتى الشباب



<<== لا تصدقونه تراااه مجرم يوم كان صغير



مشكوره اختي على هيك مووضوع ولا اروع



تحية عطرة

[نور الإيمان]

كان معانا وحده من الشله اسمها فايزه وكنا ندلعها فواز ,,, سميناها فواز بسبب ميولها للعب مع الاولاد اكثر من البنات وحتى ملابسها كانت ولاديه اكثر من الاولاد نفسهم ,,, كلها ترنقات رياضه نصراويه ودايم نلقاها لابسه من ثياب اخوانها ورافعه الكموم لنص الذراع ومشيتها زيهم وقصة شعرها جيرسون وللي مايعرف جيرسون يعني قصة ولد ولو ركزنا شوي نلاقي شعر خفييييف على يدينها ووجها سمعنا بعدين ان امها كانت تشيله بالحلاوه عشان لايطلع لها شنب وهي عاجبها
للاسف الشديد
بعض الاسر تطلق على البنت اسم ولد
وكذلك الولد اسم بنت
وهذا يجعل البنت تقلد الاولاد وتخرج عن طبيعتها مثل فواز
وكذلك الولد يخرج عن طبيعته كذكر
غاليتى
ماذكرتيه جميل جدا
ومضحك للغايه اسعد الله اوقاتك
ننتظر جديدك
اختك نور الايمان

[النجلاء]

ههههههههههههههههههههههههه ه نور الكون باين عليك نصراويه من شلة فايزه


بعدين اللي فهمته من كلامك انك فاتحه محل ملابس للتاجير والاعاره ههههههههههههههههه ومحشومه منتي خدامه بس هذا دليل طيبتك ويمكن لهم هدف ثاني يعني عشان مايلخبطون بينك وبين اختك مدام تشبهون بعض ,,,

تدرين عاد انا حاولت ارقعها قدر استطاعتي وشوفي وش اللي يناسبك ههههههههههههههههههههههههه


تسلمين على مداخلتك الحلوه يانور ويعطيك العافيه

[النجلاء]

هلا مره ثانيه بالدندونه ههههههههههههههههههههههههه ه


اللعب بالتراب هوايه مارسناها على فترات متقطعه بس انتي الله يخليك طينتيها وخليتيها خل هههههههههههههههههههه وش تتحنين بتراب لاعادت من نصيحه ههههههههههههههههههههههههه ه على كذا شكلك مهندسه معماريه قد الدنيا ههههههههههه


والبزارين اللي طاردوا اختك هذولي متاثرين بسابق ولاحق والكراتين وللاحتياط خذي معك انتي وخواتك لاطلعتوا فكه ريالات ترى اي شي يرضيهم ههههههههههههههههههههههه ومادامنا بسيرة البزارين بقولك على سالفه

قبل سنتين كان عندنا جاره وكانت حامل بشهرها الثاني وقدر الله عليها وتعبت وراحت للمستشفي وطرحت الجنين وماكان عندها الا بنت اسمها حنان عمرها 5 سنين ولاعمري شفت بحياتي بنت ملسونه مثلها تعطيك 1000 سالفه بدقيقه وهواله وتسوي من الحبه قبه ,,, المهم سمعت ان امها كانت بتجيب اخو لها بعد 7 شهور بس ماقدر الله ههههههههههه تعالي شوفي المناحه اللي سوتها والبكا والضرب واللطم 3 ايام والشارع واقف على رجل من صياحها ثالث يوم كنت اطل عليهم من البلكونه وهي وخوياتها البنيات متجمعات في حديقه قدام البيت وهي جالسه وماده رجليها وتصيح باعلى صوت ,, اخوياه اخوياه اخوياه وتبكي والبنات مسوين دايره عليها ومشبكات يديهن ويدورون ويغنون اغنية نانسي ,, ياسلام ياسلام اد ايه حلو الغرام ههههههههههههههههههههههههه ههههههههههههه


تسلمين يادندونه على حضورك ومداخلاتك الروعه ويعطيك العافيه

[sha3noona almajnoona]

يوووووووووووووووووووووووو وووو

العاب الزمان كثيرة وما كنت احب غير لعبة الجيران او زي ما نسميها حنا
(ناس وناس)

[النجلاء]

ههههههههههههههههههههههههه ه ايلاف ياهلا بهالطله


اول شيء وين ساكنه انتي ,,, على شغل العصابات اللي كتبتيه بتكساس او بشيكاغو ههههههههههههههههههههه وين ياوخيتي عصابه ,,, وتخطيط ,,, ونط من فوق الاسوار ,,, وطق وتكفيخ ,,, وتاليتها شلحتوا العجوز الضعيفه بسطتها هههههههههههه

وتحذيف بيض وحصى من فوق السطوح وتزحلقون من نخل هههههههههههههههههههههههه لالالا انتي تعديتينا بمراحل حنا كنا ضعيفونات حدنا البيت وبس واذا طلعنا للمزرعه بيوم نلبس ابوات للركبه عشان العقارب هههههههههههههه ,,,

وانا اقرا ردك اقول بخاطري ياما انت كريم يارب قضا اخف من قضا ,,, الحين لو انا من شلة ايلاف كان امداها ناطلتني من راس نخله ولا من سطحهم او لو زعلت علينا بتعلقنا بالنخل لين نستوي قبل الرطب ههههههههههههههههههههههههه هه او تلينين ظهورنا بجريد النخل ,, لا ويابس بعد هههههههههههههههههه الله يرج ابليسك شكلك مقلعه انتي وعصابة السبعه

ومادامك جبتي سيرة التسلط بقول لك على سالفه لفايزه توريك الى اي حد كانت متسلطه ,,,

سوت مره عملية الزايده وتنومت يومين بالمستشفى ويوم طلعت سوت امها حفله لصاحباتها اللي هم حنا ,,, وقبل الحفله بيوم تتصل علينا فايزه ببيوتنا وحده وحده وقالت ,,, هاه مو تجون كل وحده فيكم يد ورا ويد قدام هههههههههههههه تقصد الهدايا وحددت لكل وحده وش تجيب بعد عشان ماتتكرر الهديه مرتين ههههههههههههههههههههههههه وبيني وبينك لو انها ماقالت لنا كان كلنا جبنا لها ترنقات نصراويه ههههههههههههههههههههههههه هه

طيب عمرك شفتي باصره فيها سته اولاد هههههههههههههههه صارت هذي مع فايزه ولاوحده فينا اعترضت لو تبي الباصره كلها اولاد

بس ولو كل هذا اهون منك انتي وعصابتك هههههههههههههههههههههه


تسلمين ياايلاف على ردك الروعه واذا فيه زود مانستغني ويعطيك العافيه

[النجلاء]

هلا بفوشي المنحاشه ههههههههههههههههههه


والله ياوخيتي اني متفشله منك حيل حيل ,,, حاسه اني غلبتك معاي وتعبتك ومدري وين اودي وجهي منك ههههههه انتي صدق جاوبتي يامال العافيه على سؤالي ودخلتيني بالكيمياء وطلعتيني بالنحو والصرف وهذي عاد اكره مادتين على قلبي كل هذا عشان توضحين معنى منحاشه وهذا مجهود تشكرين عليه

لكن الله يخليك انتي فهمتي السؤال غلط ههههههههههههه انا ماقلت وش معنى منحاشه ,,, لالالا يادبه ههههه انا قلت ليش منحاشه ؟؟؟ منحاشه من ايه ؟؟؟ وارتس منحاشه ,,,, اغنيها يعني ههههههههههه يعني تعبك كله راح على فاشوش يافشفاشه هههههههههههههههههههه


وتسلمين يافوشي على كلامك الحلو بردك وهذا بعض من اللي عندك ياذوق انتي


وربي يعطيك العافيه

[النجلاء]

محتاجه لك ,,,,,,


هلا فيك ,,, وزوجها ماراح يطول هي حاطه له حد اقصى سته شهور او 20000 كم ايهما يسبق وينتهي ضمانه ههههههههههههههههههههه يعني رايح فيها رايح فيها الله يبطي بساعة الشر هههههههه


تسلمين على حضورك وبانتظار عودتك


يعطيك العافيه

[فوووووشي]

ههههههههههههههههههههههههه هههههه

ههههههههههههههههههههههههه هههههه

ههههههههههههههههههههههههه هههههه

ههههههههههههههههههههههههه ههههه


(نجلاء ربت البيت ** تصب الخل في الزيت ** لها عشر دجاجات ** وديك أقبح الوجه)
8

8

أهداء لك لأنك تعبتيني لي ساعه اشرح وفي النهاية طلع غير مطلوب

الحين انا وش اسوي فيك ؟؟؟؟؟ هاااااااااااااا
ههههههههههههههههههههههههه ههههاااااااي

منحاشه .........

امممممممممممممممممممممممم







امممممممممممممم






لحظه افكر ... امممممممممممم




منحاشه من ............






منحاشه من ..... اممممممممممممم







منحاشه من كل شي .....

صراحه سعوووعال خطيرررر انا ما فكرت فيه ؟؟؟

بصراحه انا ما أعرف حله

ويسلمووو نجووووله على السؤال الحلوووو الله يسلمك


أختك فش فاشه

[نور بني تميم]

تسلمين ياااااااقلبي هذا من ذووووووقك

[نور بني تميم]

هذا من ذووووووووقك يانجلا ياقلبي
تسلمييييييييييييييييييين

[النجلاء]

سعود حياك نورت الموضوع


يمكن امك خايفه عليك من البنيات هههههههههههههههههه لكن ما اظن ,,,, اصلا من شاف لطمتك بالصوره غسل يديه منك ,,,, اكيد وجهك كله مخوش وعض هههههههههههههههه


يعطيك العافيه

[النجلاء]

اختي نور الايمان ,,,,,,



اسعد الله اوقاتك بكل خير ,,,, البنت اهلها ماقصروا سموها فايزه ههههههههههههههههه بس حنا اللي سميناها فواز من كثر ماعبرت فينا ههههههههه وتسلمين على مداخلتك الحلوه



يعطيك العافيه

[النجلاء]

شعنووووووونه


تسلمين على طلتك الحلوه ولعبة ناس وناس هي لعبة جارات مع اختلاف فارق التوقيت هههههههههههه


يعطيك العافيه

[النجلاء]

فووووووشي


اعتذر للتاخير وبرضه مافهمت منحاشه من وش هههههههههههههه


تدرين عاد خلاص ماابغا اعرف


تسلمين ياقمر على العوده


يعطيك العافيه

[النجلاء]

نور الكون


هلا بطلتك ياقمر والذوق ذوقك الحلو


يعطيك العافيه


ومني باقة ورد وود لك ولكل اللي شاركوا بالموضوع