سلامي على شعار موقع غرابيل

[هداج تيماء]

سلامي على شعار موقع غرابيل = سلام(ن) عمومي دون ذكر الاسامي
تعدي كرا والا تجنب مع السيل= ياراع الذلول اللي بيدك الخطامي

[سعد البراق]

استلم ياهداج تيماء


هلا مرحبا ترحيبتن توفي الكيل = عدد ما يلوح البرق وسط الغمامي
دروب الرجال اهل المعرفه تساهيل = وهداج تيما يارده كل ضامي

[ربح السبيعي]

ياسلام على الابداع


بدايه طيبه ورد وافي


سلمتو ياشعارنا


واصلو وانا متابعين

[هداج تيماء]

هلا ومرحبتين يا اسامه سعد


واستلم لا هنت


نبلّ الكبود اليابسه والصماميل = ومن بلّ كبده ما يريد الطعامي
نجوم السماء من حولها الجدي وسهيل = وغطا عليها نور بدر التمامي


ربح السبيعي


يالله حيه

شرفت ومتابعتك تسعدنا

لا هنت

[سعد البراق]

استلم وانا اخوك


انا خابرك يا بنك كلك محاصيل = وانا اعرف نظامك وانته اعرف نظامي
نجوم السماء مطلاعها لاظلم الليل = ولكن نور الشمس يجلى الظلامي

[ابن نميش]

في صفك يا اسامه

العب

انا خابرك يا بنـك كلـك محاصيـل
وانا اعرف نظامك وانته اعرف نظامي

ولا يهون هداج واشهد انه شاعر


انا خابرك يا بنـك كلـك محاصيـل
وانا اعرف نظامك وانته اعرف نظامي


برج لد عينك يمي

[برج المملكه]

هداج و اسامه

سلامي عليكم و على اللعب النظيف واللي له طراه

سلمتوا و الله لايهينكم على هاللعب الاكثر من راااااائع

واصلوا وتراني في صفكم يالثنين :)

اجلّ التقدير و المحبه

برج

[سعد البراق]

تسلم والله بابن نميش

[ابن نميش]

يابرج الطاروق برد اللي براء

الليل تراء لعبن معك يشرا

[هداج تيماء]

استلم لاهنت


تقوله بعد جوك النشاما على الخيل = وانا خابرك من محتمين الجهامي
ترى الشمس تكسف يابن الاجواد وتميل = يدور الفلك ويلفها كل عامي



ابن نميش

مرحبا

شهاده غاليه من غالي


الله لا يهينك ووجودك في اي صف يشرفنا



برج المملكه


اسفرت وانورت هلا وغلا


وحياك وبياك

بعض مالديكم يا صاحب اللعب العنيف


والنظيف في وقت واحد

[ملحق المخلين]

فتل ونقض


سلمتو


متابع

وفي صف هداج

[سعد البراق]

استلم وانا اخوك


انا من رياجيلً تضد الرياجيل = ولاني موكل دون حقي محامي
ترى للكواكب بالمجره منازيل = وانا اعرف مقامك وانت تعرف مقامي

[هداج تيماء]

تعيشون ياللي تنطحون المقابيل = وانا وانت واهل الجود فوق السنامي
دفاعك قوي لكن هجوم البرازيل = محاصرك عند الباب واللعب حامي


ملحق المخلين


مرحبا وهلا وغلا

بالجزل


شرفتنا بتواجدك

وانضمامك لصفي يسعدني

[برج المملكه]

هههههههههههههه


سلام الله عليكم وعلى هالابداع اي والله


ترانا في المدرجات وانتفرج و انشجع اللعب الحامي النظيف العنيف :)


واصلوا لا عدمناكم يالثنين

[سعد البراق]

استلم وانا اخوك


يا هداج اثر معكم تتطيب المراسيل = وانا شاعرً واطرب لجزل الكلامي
سحبنا هجومك خطتلي وتمثيل = يالين انكشف بابك وعانه امامي

[ابن دريميح المري]

الله الله

صح السنت الجميع

واليل

اليل





واصلو ومتابعين

[هداج تيماء]

استلم لا هنت



تسلل عليك ارجع وسوّ الك تبديل = وبابي لا عاد تحط عنده حرامي
وانا اظن ما ينفعك جر المواويل = لو انك تجيب بعيد وتجيب اسامي


برج المملكه تعيش يا جمهورنا الغالي


وجاكم الاعصار ما شياً يعيقه

منتخبنا اليوم وخر عن طريقه

[هداج تيماء]

ابن دريميح


حياك الله


نورت وشرفت


وصح بدنك

[سعد البراق]

استلم وانا اخوك


تقوله بعد جبنا بك اهداف تدبيل = تفننت بالاهداف والحظ قامي
اشوف الصواعق فوق راسك نوازيل = وراحت بيوتك كلبوها هدامي

[هداج تيماء]

استلم لا هنت



بعيد (ن) عليك الباب دونه حلاحيل= دفاعه شديد ومحتزم بالحزامي
بيوت الخشب والطين يشتالها السيل= ويبقى الحديد ولو رمته الروامي

[سعد البراق]

استلم وانا اخوك


يا هداج تيما خل عنك الاباطيل = ولو تعترف بالحق مانته ملامي
الابراج بامريكا رموها النوابيل = وراح الحديد امع اللحم والعظامي

[هداج تيماء]

الله الله


استلم لاهنت




رموها بطير (ن) مثل طير الابابيل = وابو نبل ما يقدر يفك اللحامي
يبا يبرك الاشرم مثل مبرك الفيل= اذا كان ما يرسي نهار الزحامي

[عاشق الطيب]

هداج واسامه سلمتو
وبيض الله وجيهكم
متابع وفي صف الجميع

[حامل الرآية]

هدااااااااااااج تيما
اسامه سعد

صحت السنتكم
وسجلوني متابع
تحياتي للجميع
حامل الرآية

[اسامي]

الله اكبر


ياسلام على اللعب اللي زي كذا


امتااااع


هداج لاهنت يالجزل هجمات وضغط متواصل :)


اسامه لاهنت يالجزل هجمات مرتده ولعب على الاطراف :)



لاتتركون الطاروق الا لين يشيب




صحت السنتكم ولاهنتوا


متابعين لاخر قاف


دمتم بخير

[سعد البراق]

استلم وانا اخوك


تراني ما احب اقرى علوم الاناجيل = قرينا من المصحف كلامً تمامي
بعد حاصرتك اجيوشنا والاساطيل = ابقرى عليك الفاتحه والسلامي

وفي ختام هذه المحاورة اشكر اخي هداج تيماء على هذا العب الجزل والنظيف وكان بودي ان نواصل هذه المحاورة ولكني غدا بأذن الله مسافر

هذا ما احببت ان اقول .. والسلام عليكم ورحمة الله وبركاته ....

[هداج تيماء]

استلم لا هنت




بعد ما انتهى الشوطين والحط والشيل= طلعت المنصه واستلمت الوسامي
واقدم لك الفنجال بالبن والهيل = وذكر الله المعبود مسك الختامي



الشاعر المتآلق الرائع اسامه اشكرك على المستوى الراقي الذي قدمته

وكان لي الشرف باللعب مع شاعر رائع و متمكن يعانق السحاب مثلك

وتروح وترجع بالسلامه ان شاء الله

وعليكم السلام ورحمة الله وبركاته




عاشق الطيب

هلا حياك

تعيش

ووجهك ابيض شاكرين تواجدك ومتابعتك


حامل الرايه

مرحبا يالله حيه

صح بدنك يالغالي

ومرورك يشرفنا



اسامي

هلا وغلا .... مرااااااااااااااااحب

وهذا بعض ما لديكم

لك جزيل الشكر على مرورك وتحليلك الرياضي

الرائع

وكان ودي ناخذ برايك بس الرجال مسافر

الله لا يهينكم

وعساكم سالمين جميعاً

[برج المملكه]

لازلت في المدرجات اصفّق بحراره .. لهذا المستوى العالي و الرفيع


هداج تيما و اسامه سعد


لله دركم على هاذا المستوى اللي قدمتوه فعلاً محاوره لاتقل متعتها عن متعة كرة القدم .. :)


صحت السنتكم و لله دركم و الله لا يضركم ..


تقبلوا احد مشجعيكم و متابعيكم .. ولازلت اتابع اللقطات في شاشة الملعب :)


سلامي عليكم

[هداج تيماء]

القدير /// برج المملكه



ياربي حيه هلا هلا



كم تشرف اللاعبين


والحكام والجمهور


بوجودك بينهم


لك من الشكر اجزله على


ثناؤك وتعليقك الاخوي الراائع وصح بدنك


واسف على التاخير في الرد فلم اكن متواجد


الفترة الماضية