الخروج الاسيوي بدأ بعد لقاء بن مساعد مع تركي العجمة نهاية الموسم الماضي @@

[االزعيم الهلالي]

السلام عليكم ورحمة الله وبركاته ...

قبل يجي احد منبرش وينتقد اداء اللاعبين او الخطة للمباراة او غيره ..

اقول لكم ياجماعة الخير هدوو انفسكم ..

كلكم يتذكر العام لما خرجنا وش قال بن مساعد ؟؟

وفي لقاء مع تركي العجمة ؟

قال استفدنا من الاخطاء وجاهزين للتعاقد مع المدرب والاجانب ..

بعدها وش صار ؟؟

جلسنا نتظر كل يوم ننتظر توقيع المدرب المنتظر الي منتهين من المفاوضات معه ..

وفجأة طلع لنا تصريح بن مساعد ان الادارة فاوضت 26 مدرب ولا فيه اي مدرب وافق يجي للهلال ..

وبعدها جاء مسلسل خورخي .. وقع ماوقع ..

وبالنهاية جابوا العاطل كومباريه ..

والاجانب جابوا ويسلي فقط .. ومانغان والي اعتقد انها سمسره برضه مع كومباريه ..

بدأ الموسم والفريق اداءه سيء جدا

وبعد هذا السوء صار كل هم المشجع الهلالي ان يتأهل للاسيوية الموسم القادم لانه لايفكر بها هذا الموسم ويبي يكون من الاربعة الاوائل في الدوري

ولما تأهلنا لنهائي ولي العهد قال الجمهور عارفين يافريقنا ان اسيا مالكم فيها هالسنة نبي ندق خشوم النصر لايفوزون عن طريقنا

وبالفعل حصل ماتمنينا ..

ولما جاء نص الموسم تم تغيير اللاعبين الاجانب وتم الاستعانة بمدرب طواري هو زلاتكو ..

والنتائج هي ماترونها ..

فأتمنى ان مايجي اي مشجع يسوي نفسه مستغرب من الهزيمة او الخروج الاسيوي ..

المرشدي من خمس سنين نقول سيء

السديري طبعا حالف مايطلع لاي كورة عرضية

وغيره امور كثير لكن الخروج ماهو من هالمباراة او غيره الخروج بدأ من عدم وفاء بن مساعد بما قاله

في لقاءه مع تركي العجمة ..

لو كان فيه فريق جاهز ومدرب ممتاز واجانب مميزين كان الدوري واسيا بالجيب ..

لذلك اتمنى التركيز على الحصول على المركز الثاني بالدوري

والتفكير في الموسم القادم ...