صتمــــان تعال نلعب بلوت ..!

[الرويحـــي]

:biggrin:


السلام عليكم ورحمة الله وبركاته

مساكم الله بالخير جميعا

ومساك الله بالخير اخوي صتمان


ودنا بعد هالغيبه نلعب معك طال عمرك اذا ماعندك مانع



بسم الله



تعال ياصتمان جعلك للذهاب= لوكان مابيني وبينك مشكله

مايملا عين الآدمي غير التراب= فطره لو انه كل شيّ يحصله

[مجرد شاعر]

ياخي وش ذا التوقيع الروعه ما تسلفني اياه ههههههههههه
على كل حال نتشرف ان نستمع لشاعر جزل بحجمك يالرويحي
وبنتظار صتمان


تقبلوا عاطر التحايا

أخوكم مجرد شاعر

[صتمان]

عليكم السلام ورحمة الله

حياك الله ومساك الله بالنور

وبسم الله استلمممممممممممم


جيتك ومن فوقك على متن السحاب=وان جيت ابا انقض كل بيت ٍ تفتله

لو الحمامة قلدت مشي الغراب = ماصار في مشي الحمامة مهزلة

[الرويحـــي]

طيب طيب





خابرك شاعر ماتذل ولاتهاب= رجل ٍ مجمل والرجال مجمله

من دون باب المرجله تسعين باب=ولكل رجل ٍ ياعميلي منزله

[الرويحـــي]

حياك اخوي مجرد شاعر

التوقيع وصاحب التوقيع تحت امرك انت تامر امر


يعطيك العافيه على هالتعليق وتسلم وماقصرت

[صتمان]

اسمع


انا على خبرك ولا صار انقلاب = واللي على غير السنع مانقبله

الوقت ماياقف على عمر الشباب = وبعض الاوادم شاب دون المرجلة

[الزين نجدي والحلا شرقاوي]

مساااكم بالورد والكادي

فديتني داخلتن عرض بس حبيت اسلم عليكم

واناظر فيكم وانتو تلعبون بلوت

وعساكم على القوه في انتظار رد اخونا الرويحي

[صتمان]

مساك الله بالمسك والريحان يامرحبا ياهلا

حياك الله وسلمت من النار

وابا انتظر معك رد الرويحي

[الصقر البرازي]

وين البلوت اللي تقولون انا جاي طبلوني ابا اكملكم واثر ماش علم هههههههههههه

الحقيقه ملعبه ولا كل الملاعب

ابداع ولا زيّه ابداع


اقول


الله لايضركم

[بعيد المراميس]

الرويحي وصتمان ولااله الا الله ماشاء الله عليكم يالثنين


متابع لآآآآآآخر رمق معكم

وبطامر بالصفوف مره مع الرويحي ومره مع صتمان


<<<<<<<<<< وين فلوسي يالرويحي لاتقوول السوق مندمر هههههههه

[خالد الشليخي]

الله اكبر عليك يالرويحي

بلوووت ولا عينت إلا صتمان والله اللي انشبتنا
في صفك في صفك ولا تعطي زعم فلوسه تكفى
صح لسانك يالرويحي وصح لسان اخوي صتمان
وكلكم شعار كفو ومتابعتكم مكسب ..


دمتم سالمين

[برج المملكه]

الله الله

الرويحي و صتمان

ثنائي جميل و شّعار مبدعين ..

لله درك يالرويحي اهجد صتمان ولا علاك من بعيد فلوسه عندي حوّله علي :)

واصلوا يامبدعين متابعين و مستمتعين

برج

[صتمان]

حياك الله يالصقر البرازي

ومرحبابك ويعطيك العافيه

حييت يابو جسار تحية المطر

ويبا يجيب فلوسك الرخمه غصب ٍ عنه مار اصبر شوي

حييت يالشليخي والله ينصرني عليكم الثنين

مرحبا مرحبا بالمشرف ياهلا مرورك يشرفنا ولاخلا ولا عدم

[الرويحـــي]

الزين نجدي والحلا شرقاوي

حيااااااااك ربي وأشكرك على التواجد والمتابعه



الصقر البرازي

حيااااااااك الله والبلوت جايه بالطريق لاتعجل (:


بعيد المراميس

ياربي حيه تشرفنا متابعتك وحضورك

اما بالنسبه للفلوس (:

برج الله يطول عمره تكفل بها يعني انا برا الموضوع (:



خالد الشليخي

الغالي ابو خلود صح بدنك والله لايهينك
وانت وجودك يكفي الله يطول بعمرك

زعم انتهى موظوعه وصتمان يبالله ينصرنا عليه (:




برج المملكه
انت والله الي مبدع مشالله عليك
لكن
ياهلا ومسهلا وصتمان يبالله يعثره انشالله

[الرويحـــي]

طيب طيب ياصتمان





الخط واضح وسط صفحات الكتاب=اخذ الكلام من آخره قبل اوله

الحمض ماينبت على جال السراب=والوقت مايفني عروق الحنضله

[صتمان]

العلم بين مير فتش فالزهاب=وليا لقيت الداب فالخرج اشتله

الشاعر حبيب ترى مسمه حباب=ولو قلت اخوه العلم عنده واسأله

[الرويحـــي]

انته علومك ياولد كبر الهضاب=وان جيت افندها لا كبر السنبله

مانرتجي عندك طعام ولاشراب=سمك بحلقك ابلعه والا اتفله

[صتمان]

علم ٍ يفيد الناس لو كبر الذباب=يحسب لراع العلم محد ٍ يجهله

وفي مامضالك بين ضرس وبين ناب=واليوم سنولك دروب الحنشلة

[الرويحـــي]

طيب




الساحر الي مايتوب اليا استتاب= نبا نشده بالحبل ونكبله

القافله تمشي وتنبحها الكلاب=وحنا لك الله مانحب البلبله

[صتمان]

اسمع


الله يقويكم ياهل عوج الرقاب= وليا نشبتو رددو بالبسملة

انته بليا ذنب شاملك العذاب = لكن صل الليل واقر الزلزلة

[الزين نجدي والحلا شرقاوي]

الرويحي وصتمان ماشاء الله عليكم

الله يحفظكم من كل شر ثنائي رائع

صح لسانكم ولا عدمناكم يارب

وعساكم على القوة

>>>>>> متابعه وماشيه معكم على الخط والله الله يالرويحي انت وصتمان

[الرويحـــي]

الزين نجدي والحلا شرقاوي


صح بدنك وحيااااك ربي

وشاكرين لك هالمتابعه الله يحفضك

[الرويحـــي]

طاااااايب
:biggrin:




انشهد اني من عرفتك في عقاب=مغير وجهك كل ليل مقابله

لولاي ابااسمك كل ماجانا اكتتاب=لن كان علمتك بدون مجامله

[صتمان]

صح لسانك يالرويحي

وشكرا لكل من تابعنا

ولكم احتراممممممممي

صتمان

[الرويحـــي]

صح بدنك ياصتمااااااااان

واشكرك على هاللعب الممتع



واشكر الاخوه


تحياتي

[اسامي]

الله الله



الرويحي وصتمان


صحت السنتكم ياعمالقه ياجزلين

امتعتونااا لاهنتوااا





انشهد اني من عرفتك في عقاب
مغير وجهك كـل ليـل مقابلـه
لولاي ابااسمك كل ماجانا اكتتاب
لن كان علمتك بـدون مجاملـه



اهب يالمجرم هههههههههههههههههه



لاهنتوا يامبدعين

[الرويحـــي]

ياهلا وغلا يااسامي


صح بدنك ولاهنت على المتابعه والتعليق


الله يعطيك العافيه



تحياتي ألك