اهم مباره للهلال بالمجموعه هي مباراه الاربعاء وخاصه انها بالرياض .. فيديو ما يتمناه ياسر وباقي اللاعبين .. ياسر الشهراني ..

[االزعيم الهلالي]

بسم الله الرحمن الرحيم

http://files.alhilal.com/images/84435421298795995016.jpg


الكل عارف ان الهلال راح يلعب مباراه مهمه يوم الاربعاء القادم امام الاستقلال في الرياض والبعض يقول انها سهله
وانا اقول انها اصعب مباراه لنا .. لاسباب كثيرة اهمها : اذا فزنا راح نتصدر المجموعه وم راح نلعب تحت ضغط باقي المباريات واذا خسرنا لا سمح الله مع فوز العين راح نرجع للثالث وتبقى لنا مباريات صعبه خصوصا ان مباراتين راح تكون خارج ارضنا وحده ب قطر والثانيه ب ايران والمباراه الثالثه راح تكون بالرياض ومع فريق قوي جدا ومن اقوىالفرق اللي هو العين .. يعني مباراه الاربعاء نكون او لا نكون .. والفريق الايراني فريق صعب لازم نحترمه ومعروف ان الفرق الايرانيه تلعب دفاع + هجومهم قوي جدا لانه سجل 5 اهداف في مباراتين منها 3 خارج ارضه ..


http://u.goal.com/167200/167209hp2.jpg

جماهير الهلال ياسر ورفاقهه محتاجين دعمنا .. اليد الوحده ما تصفق يعني مافيه لاعبين من غير جمهور
مانبي نشوف مثل اللي شفناه في مباراة الاتحاد او اغلب مباريات الرياض .. اعتبروا اللي راح استراحه محارب لنا
كجماهير .. نبي من يوم الاربعاء نفتح صفحه جديده مع المدرجات .. كلنا سمعنا تصاريح اللاعبين او رئيس النادي بعد
مباراه الاتحاد وش قالوا .. ابو فيصل يقول نحتاجكم بالشده اكثر من الرخا .. وحنا قدها ان شاء الله ..
هذا مقطع اتمنى اتمنى اتمنى من كل هلالي يسمع ياسر وش يقول .. من الدقيقه 1:30 الـى 2:10 ..

‫تصريح الكابتن ياسر القحطاني بعد نهائي كأس ولي العهد|2013|‬‎ - YouTube (http://www.youtube.com/watch?v=5xYQ_Xj7oEc)

سأله المذيع عن سبب دموعه في النهائي وقال دموعي هاذي بسسب الجمهور الحمد لله اننا ما خيبنا الجماهير اللي
حظرت وكل قطره نزلت من اجل الجمهور ..
وهذا مقطع يوجه رسالته بعد النهائي .. الدقيقه 2:30

‫كواليس فرحة الهلال بنهائي كأس ولي العهد أمام النصر‬‎ - YouTube (http://www.youtube.com/watch?v=p3gfYY6xMYc)

ياسر الشهراني

http://img.tgareed.com/imgcache/397130.jpg

ضحى بالملايين من اجل الهلال .. وقالها الهلال او الاعتزال ... اتمنى من الجماهير في المباراه القادمه ترديد اسمه في الدقيقه 12 ..


مدري انتت الوفا ولا الوفا طبعكك ^^ :ba::ba1::ba::ba1:


ياليت تتكرر الصوره هاذي "

http://files.alhilal.com/images/29455416568330007421.jpg


للجماهير الهلاليه الحاظره :

* اتمنى لبس الهلال او اي شي ازرق لجمال شككل المدرجات واتمنى الابتعاد عن الثوب والشماغ م انت رايح لعرس :s2::naughty:..

* ترديد اسم ياسر الشهراني بالدقيقه 12 لوفائه للشعار الهلالي ..

* اتمنى التفاعل من الجماهير الهلاليهه نبي طرب نبي ليله ما راح ينساها اي هلالي ..

* واتمنى نسمع صافرات استهجان لأي لاعب ايراني يمسك الكره ..

* لا سمح الله وسجلوا علينا اتمنى اننا م نتشائم لاخر دقيقه وتفائلوا بالخير تجدوه .. واللي يعرف الازرق يتفائل لاخر ثانيه

* اتمنى ما نخرج عن الروح الرياضيه مهما كانت النتيجه وساءت الظروف .. وصلاة العشاء لا ننساها ..


السبت عندي اختبار بالجامعه يحدد مصيري ومع هذا ماشي الاربعاء الصبح للرياض وراح ارجع الخميس والمسافه 1000 كيلوا ..

اتمنى من اللي م يبي يحضر المباراه من اهل الرياض يتخيل نفسه بمكاني .. بالله وش عذرك اذا الملعب عندك وم تحضر ..
دعواتكم للهلال بالتوفيق ولي باختباراتي واني اوصل بالسلامه .. واذا فيهه احد من اهل الجوف يبي يمشي معي
حياه الله

شطحه بيت شعر :ap::

حبيت بالدنيا ثلاث انتي وقلبك والهلال :ba1::ba:
وكرهت بالدنيا ثلاث صدك وبعدك والنصر :d:naughty:


وآسف على الاطاله ""

سبحان الله وبحمده سبحان الله العظيم

استغفر الله العلي العظيم واتوب اليه

اللهم ارحم المؤمنين والمؤمنات والمسلمين والمسلمات الاحياء منهم والاموات ..