$$ ويــــــنك ياالمــــري ؟! $$

[ناصــــر الغيثــــاني]

أخــــواني وأخـــواتي مشـرفي وأعضــاء هــــذا الصــــرح العمــــلاق , يشــرفني أن أكــوان واحــد من أعضـاء هـذا المنتدى , وأرجـو أن تقبلوني صــديق لكــم جميــعاً ,, وأتمنى أن تعم الفــائدة .





ياسلام الله سلام ٍ من هجــوس ٍ مستميته=ماتجيب إلاّ الجــزيل ولا تحـب إلاّ الجـزايل
بعد ماعقيت هزل القاف والجزل إنتقيته=نادوا المـري نبي نلعـب معــه والشك زايل

[الصقر البرازي]

صح لسانك


وحياك الله



وبدايه قويه === ومن عين المري يجيبه


اقول



الله لايضرك

[ربح السبيعي]

مرحبابك ياجساس وكذالك يشرفنا انت تكون بيننا في هذا الصرح الشامخ


وصح والله لسانك على هالبدايه الجزله


ننتظر المري

[عز الرفيق]

بداية رائعه وجزله


وفي أنتظار المري ....




عز الرفيق

[ابن دريميح المري]

هلاااا وغلاااا واسف على التاخير



استـــــــــلم

مرحبا بك ياعميل(ن)يوم ناداني نصيته=مرحبا ترحيبة(ن)تاتي على كل الوسايل

بعد ماكلفك قافك جاك مردود(ن)بغيته=غير قبل ابدى معك جساس من ايا القبايل

[ابن دريميح المري]

الصقر البرازي
ابشر

بالمري

[ابن دريميح المري]

مرحبا ومسهلا ياربح السبيعي


والمري جاك
ويتعذر على التاخير

ولاهنت على المرور

[ابن دريميح المري]

عز الرفيق غيرك المنسي

جاك المري

ومطلوب في صفي



ابن دريميح

[ادم]

السلام عليكم

ياسلام على البداية القوية

من شعراء إن شاء الله يستمرون بهذه القوة.

الله يقويكم جميع.

[محمد الجبريني]

صح الساان الشعاااار

حضرت ومتابع لاهنتم

وصفي وشاعره معروف مايحتاج ازيد اوضح واحدد


العب ياسنايدي

وانا في الصف واتشرف

[ناصــــر الغيثــــاني]

مــرحبا بك يابن دريميح وإستــلم لاهنت




والبقـا باللي دعيته وإلتفت صوبي وجيته=عد ماروّح صـدوق المــزن من سمــر المخــايل
صـاحبك ياصاحبه واضح من إسمــه لو قريته=محتمين السـود والمنزال في روس الطـوايل

[ناصــــر الغيثــــاني]

صح لسـانك وأبقــاك الله يالبــرازي ومشكور على المشاركة

[ناصــــر الغيثــــاني]

والبقا يالسبيعي والشرف لي طال عمرك

وصح بــدنك ولاهنت على المشـاركة

[ناصــــر الغيثــــاني]

مــرحبا ياعز الــرفيق والــروعة حضـــورك ..... ولاهنت على المشاركة

[ناصــــر الغيثــــاني]

مــرحبا ياأخوي آدم ومشكـــور على الكــلام الطيب وبإذن الله نكون عند حسن ظنـــك

[ناصــــر الغيثــــاني]

صــح بــدنك ياقوي الشكيــمة ,, ومــرحبا بك وبحضــورك الكــريم

وحيــاك الله في أي صــف بغيت وكلنا أخــوان

[عاشق الطيب]

صحت السنتكم جميع
واصلو متابع وفي صف الجميع

[ابن دريميح المري]

اخوي جساس

صح لسانك

واستلــــــــــــــــــــ ـــــــــــــم

هيه يالي يوم جاني بالخبر الاسود دهيته=قلت له شوف المريكي في عراقك ويش قايل

الاسم واظح لكن وش مرجعه هرج(ن)حكيته=اسند الحجه سند ولا مانحسبها دلايل

[ابن دريميح المري]

مرحبا ومسهلا بالجميع من غير عدد

ولاهنتو على متابعتكم

[مجرد شاعر]

جســـــــــاس وابن دريميح

فعلا ً متألقين تابعو وحنا بالصفوف


تقبلو ا تحياتي

[ناصــــر الغيثــــاني]

صـــح بـدنك يابن دريميح ,, وأمــريكا دارهــا بعييييييد ,, هههههههه


وإستــلم يالقـــرم




إركــد إركــد يانمــا قــدام تِـــضرب بالعميــته=لاتـــزّعلني وتكلــفني وأرويــك الهــوايل
وإن زعلـنا ماعـرفنا من بخيــت ومن بخيــــته=غيــر طعني لاتـزعلنا ونعمــل بك عمـــايل

[ابن دريميح المري]

صح لسانك والله لايجيب الزعل


لاتهدد ماعلينى منش يالنفس المميته=وظربتك ترجع عليك اخلاف ملغومة فتايل
ياعميلي البخيت الي البخيته وسط بيته=وانت مدري عن بختك ومن يعيل ايجيه عايل

[ناصــــر الغيثــــاني]

أرحب وأستلم


ابك انا جساس راس كليب برجيلي وطيته=ماحسبت حساب تغلب كلها وعيال وايل
كيف عقب البنز يابن الناس تركب بسكليته=غير خذ مني نصيحه لاتروّغ في القوايل

[الصقر البرازي]

جساس


انا بصفك = ولو زعل المري == واللي معه من ربعه



سرى سرى === والعين ترى

[ابن دريميح المري]

سلمت واستلم


هيه ياجساس ليت كليب قفى ماقفيته=كان ماجاك الجرو طلاب بمصقل سلايل
يوم ريت البنز عود كامري من خلط زيته=بعته وجيتك معي شاص(ن) وانا يابس بلايل

[مجرد شاعر]

يا سلام يا سلام محاوره رائعه من شعراء جزليين


أنا في الصفين ولي الشرف

تقبلوا تحياتي

[ناصــــر الغيثــــاني]

أرحب يامجــرد شااااعر والشــرف لنا طال عمــرك

[ناصــــر الغيثــــاني]

أخي إبن دريميح ,, الله لايهينك وبيض الله وجهـك على هالطــاروق وإستمتعت باللعب معــك وإن شاء الله القاك في طاروق آخر








تقبل تحيــات أخــوك ,,, جســـــــاس

[ابن دريميح المري]

مرحبا ومسهلا ياجساس وصح بدنك

وصح الله لسانك بعد والصراحه اني استمتعت بالعب معك
وان لعب معك فايده ولا هنت والمعذره ان كانه بذر مني غلط
ولواني داري انك بتقول يا((اخي))ماكان قلت لك شي ههههههه

ولاهنت




اخيك ابن دريميح