حضـــرنا في الــــوعد

[عبدالعزيز آل ثاني]

الســلام على الجميع ورحمــة الله وبـــركاته ,,,




ســلام الله سـلام ٍ منتقيــنه=وعن درب المشــوبة حافظيـنه
يعـم أهل البـوادي والمدينة=صحيـح النـاس مايـِـــدرك رضاها


حضرنا في الـوعد ياأهل الوعد واللي حضـر ماغاب=نفيـد ونستفيد وناخذ الحكــــمة ونعطيهـا
أحث النفس وأســوج القدم وأبدى على المرقــــاب=على درب النقا ولاّ الدروب العـوج ماأجيها

[ملحق المخلين]

وعليكم السلام والرحمه


هلا يامرحبا ترحيب وافي=مثل طعم العسل لا قيل صافي
عدد من حج بيت الله وطافي=صحيح الناس مايِدرك رضاها

أستلم


حضرتو فالوعد حنا حضرنا ياأولو الالباب=أنا لجل المعاني ينشرح بالي وأغنيها

تقدم ياعميل الخير عنتر يحتريه ذياب=نبا الليله علوم الطيب فالمشوار نمشيها

[الصقر البرازي]

صحت السنتكم

وبيض الله وجيهكم


واقول


الله لايضركم

[عبدالعزيز آل ثاني]

أرحب أرحب وإسمح لي على التأخــير ,, إنشغـلت شويتين !!



يــدوم بك البقا والليل بادي=بوجه وجـاه وسـيوف ٍ حـدادي
على ظهر المغيرات العوادي=صحيح النـاس مايـِـدرك رضاها




حضــرت وجعل في حضـرتك يالمنعـور فتحة بــاب=عــساها مــاتعـوّد بين بايعها وشاريها
أنا قـدلي أسبوع ٍ حاضر ٍ والعقـل في الغيـّـــاب=ورى الدنيا وصكات الزمن زادت بــلاويها

[ملحق المخلين]

سلمت



تشيل السيف جاهز للحرابه=أهل نخوه ونادو من عتابه
على لبنان قوملك عصابه=صحيح الناس مايِدرك رضاها
أستلم

حضرت أقفل البيبان وأجعل للكلام أسباب=وأسوم الغاليه والغاليه فالسوق نغليها
علامات القيامه قربت للجاهل الكذاب=وأنا عندي بعد هاذي خبر منته بناسيها

[عبدالعزيز آل ثاني]

أرحــب وإستــلم


كلام الناس واجد يالسنافي=وطبع ربـوعنا كثر الخلافي
على أية حال بنحـد الشـلافي=وبعض الناس من يـدرك رضاها



تـرفـّـع عن هـروج أهل الـردى ياريّــس الأعــراب=ترى بعض السـوالف يالسنافي ماندانيها
أنا ماجيتك أجـرح جيت أدوّر للجـــــروح أطبـاب=نبي نلعن ثوى كل اليهـود ومن "يحابيها"

[ملحق المخلين]

أجل نيتك تكفي بالجهادي=وحط السيف في جنب الشدادي
وتجيب العلم موجات الروادي=وأكيد الناس ما يدرك رضاها

أستلم


أنا ماجبت زله يوم عندي للدروس كتاب=ثمين الهرج يزهانا ولصاحب نعديها
ألا ياراعي المشفى دخيلك عالج الاصحاب=أشوفك منجرح خل اليهود اللي تعاديها

[ربح السبيعي]

ياسلام على الابداع



صحت السنتكم


واصلو وانا متابعين

[عبدالعزيز آل ثاني]

كلامك يالعتـــيبي ما يقدي=ومثلك لايجيب ولا يـــــــــودي
تنحى عن طريقي منت قدي=صحيح الناس مايـِـدرك رضاها




أحــدك ياجمل صـوب الجمل وأثـرك بليا ناب=تهادر في مكانك والله أعلم ويش تاليــها
أنا لامن وقفت أنـومسك وأجــرّي الهيـــاب=ومن قـوم ٍ يلى ِرد البــرى تعرف عزاويها

[محمد العطاوي]

عبدالعزيز آل ثاني صح لساانك يالقرم

والله الله واصل لله درك .


ملحق المخلين ..صح لساااااااانك وصح كلك


وانا في صفك ولايهون اخوي عبدالعزيز



واصلوووو متااابع وماسكن صف ملحق



تحياتي

[ملحق المخلين]

ربح السبيعي

سلمت يالقرم

غرابيل الدهر

حياك الله فالصف اللي يحتريك



أشوفك تطري الهجمه وحايس=وقلنا أهجم وقلت العلم دايس
وتطري كنداليزا غير رايس=صحيح الناس مايِدرك رضاها
أستلم





تشوف الطايره تقلع وترجع ماتجيب اركاب=ليا قلنا كلام.ن بالسان لزوم نحميها
أنا لا شفتلي واحد يقول وخابره مرتاب=مكبر راس خلق الله على الطاغين تعميها

[العسجديه]

عبدالعزيز ال ثاني وملحق المخلين

ابداع وجزاله

صحت السنتكم

متابعه

لكم احترامي

[هداج تيماء]

عبد العزيز ال ثاني /// ملحق المخلين


صحت السنتكم جزاله ومعاني مبدعين


متابعين وانا في صف ملحق المخلين


ولا يهون اخوي عبد العزيز

[برج المملكه]

ياسلام عليكم

عبدالعزيز و ملحق

واصلوا يامبدعين مستمتعين و متابعين :)

تحياتي

[عبدالعزيز آل ثاني]

حفظت إسم الــوزارة والــوزيرة=من أسبـاب الـــزيارات القصـيـرة !!
عليــكم ياهل العــارض كبيــرة=صحيـح النـاس مايـِــدرك رضـاها



تـراني داري ٍ منتـه بلا خــــــالد ولا خبـّــاب=ولو قـوّمــت تسعْ أفــواجكم منته بــراعيها
ولكـن طيع شـوري وإستـريح وريّـح الأعصاب=وقابل مسجدك وإدع لتميم ومن يـــواليها

[ملحق المخلين]

العسجديه

هداج

برج

أسامي الشعار هذولي في متصفحي.

لي الفخر

وهداج حييت في صفك ياطويل العمر



أستلم


ليا طشت قبايلنا العمامه=نقومها ليا قمنا قيامه
وضيع مشيك ومشي الحمامه=صحيح الناس مايِدرك رضاهـا


الله الله



أنا هو كيف أقومها وعدواني هم الاقراب=وخل الحيه الرقطا تموت وسمها فيها

عليك الله وأكبر ياقوعد تقبل الاجناب=تبون الغدر لاكن خطة.ن مالله مسويها

[عبدالعزيز آل ثاني]

كـلام العقـــل يبغي له دلايل=وطش هروج عكشات الجـــدايل
ترى الأقوال ماهي كالفعايل=صحيح الناس مايـٍــدرك رضاها





هــداد الحــر الأشقر يطـربك ولاّ الغـــراب غـْـــــراب=يــروجع بالنعيق ومتعب ٍ نفسه ومشقيــها
تقــول أجنـاب وأنت اللي تسمــيهم ربع وأحبـاب=وربعك بانت أكتاب الحبـــايب في علابيها

[عبدالعزيز آل ثاني]

الصقــر البــرازي ,, صح بدنك يالقرم ولا هنت على المـــرور



وتقبل تحياتي

[عبدالعزيز آل ثاني]

ربــح السبيعـي صح بــدنك ولاهنت على التنسيـق وعلى المجهــود المــلحوظ


ومــــرورك شــرف يالغـــالي



تقبل تحيــات أخـــوك

[عبدالعزيز آل ثاني]

غــــرابيل صــح بــدنك يالقــرم والله لايهينــك على المرور


وســواءً كنت في صفي أو في صف أخي ملحــق فالمكسب للمحــاورة


تقبل تحيات أخــوك

[عبدالعزيز آل ثاني]

العسجــدية ,, لاهنتي على الكلام الجميل يالغــالية

وصح بـــــدنك ,, وأشكــرك على المـــرور وتعطيــر الصفحة




تقبلي تحيات أخــــوك

[عبدالعزيز آل ثاني]

مــرحبا ياهـــداج ولاهنت على الكــلام الجميل



وتقبل تحيــــات أخــوك ومغلــيك

[عبدالعزيز آل ثاني]

هــلا والله ومــرحبا يابــــرج ,, والله لايهينك على تعطير الصفحة


والمتعــة بلا شك في مــرورك وتشجيعك




تقبل تحيــات أخــوك

[ملحق المخلين]

الله الله


نجير الجار هذا من دليلي=وتخون أبوك يالجار العميلي
ولا فيكم ولا واحد قبيلي=صحيح الناس مايٍدرك رضاها


أستلم






أثركم تعرفون الدين تتبع مذهب الوهاب=علوم الطيب ياسمح المحيا كيف تطريها

تطوعتو ومن زود الطواعه تدعم الارهاب=تبا تعلن بنفسك يوم جاها مايكفيها

[عبدالعزيز آل ثاني]

بغيــتوها فتــوّة يالعتــابي=ودفنتــوا حيا تحت التــرابي
زبنت البيت من فرخ العقابي=صحيح الناس مايِدرك رضاها




نعـــرف الـدين ونعـــزه وملحق من تحَـت الأطناب=ونرفــع روسنا لاقــامت العـالم تـوطيها
ولانخــضع ولانحســب لشــاريين النفـوس حساب=ولانقبل نحب أكتاف ناس ٍ مانــــــزكيها

[عبدالعزيز آل ثاني]

أخي ملحق عن إذنك ,, دخل وقت الصلاة وعقبها باشوف إذا أقــدر أقــاوم ولا باقول لك تصبح ولاّ تمسي بخير

[ملحق المخلين]

الله الله


هذا طبع الزمان ولاش ريبه=حكم نجد قحَطاني ثم عتيبه
وجاها بن سعود ونقتيبه=صحيح الناس مايِدرك رضاها




أستلم


نحمي ديارنا مخبر يجي في ديرتي حطاب=ونفتك اللذي مثلك ليا جانا مضويها
ولا نخضع لك الله غير للمعبود والوهاب=وعلمني بقصة جدك وحاول تداريها

[بعيد المراميس]

ههههههههههههههههههه الله الله

والله اللي ولعت بينهم

عز الله انكم يالثنين شعّار من الدرجه الاولى


متابع واقول لكل واحد منكم صح لسانه مدد بلا عدد

[ملحق المخلين]

عبدالعزيز أذنك معك,,,,,,,,,,


هذاء والله الهجاد الله يهجد عدوك.


مدري تبا تكمل .


أنا معك إذا تبي تكمل أو تخلينا نمرح .

[ملحق المخلين]

الساعه المباركه .


اللي نشوف بعيد يطل على مانكتب.



سلمت يالغالي.

[عبدالعزيز آل ثاني]

هــلا والله وغــلا يابعــيد المــراميس

ولاعليــك زود يالغـــالي ولاهنت على مــرورك الكــــريم






تقبل تحيات أخــوك عبــــدالعزيز

[عبدالعزيز آل ثاني]

أخي العــــزيز ملحق المخلين

الله لايهينك على سعــة صــدرك وإسمــح لي إذا بدر مني أي خطــأ ,, وهــذا كله (( لعينا المحــاورة ))
والصــراحة إنك شــــاااااعر بمعنى الكلمــة وأتمنى ألقــاك في محاورة أخـــرى .






تقبل تحيــات وإحتــــرام أخـــوك ,,, عبــــــــدالعزيز

[ملحق المخلين]

أخوي عبدالعزيز

شكراً على هذه المحاوره ويعلم الله أن لي الشرف ألعب معك .

وتسلم والله على الروح الطيبه والاخلاق النبيله.


ويسعدني أن ألعب مع شاعر بحجمك. تقبل تحيات أخوك.


,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,

ونشكر جميع من تابع ...