هل هذه القصيده للشاعر على القحطاني

[عبدالعزيزالرشيدي]

البارحه يوٍمـ الخلايق نياما
بيحت من كثر البكا كلــ مكنونـــ
قمت أتوٍجد له وٍأنثر علاما
من موق عيني دمعها كان مخزونـــ
ولي ونة من سمعها ما يناما
كني صويب بين الأضلاع مطعونـــ
وإلا كما ونة كثير السلاما
خلوهــ ربعه للمعاذير مديونـــ
مرحوم ياللي مات شهرٍ الصّياما
صافي الجبين بليلة العيد مدفونــــ
حطوا عليه من الخرق ثوب خاما
وقاموا عليه من الترايب يهلونــــ
مرحوم ياللي مامشى بالملاما
جيرانــ بيته راح مامنه يشكونـــ
أخذت أنا وياهــ عشرة أعواما
مامثلهن في كيف تم لها لونــــ
وأكبر همومي من بزور يتامى
لاجيتهم قدام وجهي يبكونـــ
إن قلت لاتبكون قالوا علاما؟؟
نبكي ويبكي مثلنا كل محزونـــ
قلت السبب تبكون قالوا يتامى
قلت اليتيم أنا وأنتم تسجونـــــــ
مع الصغار وكل جرح يلاما
إلا جروح بخاطري ما يهونونــــ
قمت أتوجد عند ربعن حشاما
جوني على فرقا خليلي يعزونـــ
والله لولا هالصغار اليتامى
وأخاف عليهم من السكه يضيعونـــ
لاقول كل البيض عقبه حراما
وأصبر كما يصبر على الحبس مسجونــــ
عليه مني كل يومن سلاما
عدة حجيج البيت واللي يطوفونــ
وعداد مانبت النفل و الخزامى
على النبي ياللي حضرتوا تصلونـــ
ـــــــــــــــــــــــــ ـــــــــــــ

[أبوعبدالرحمن]

عبدالعزيزالرشيدي
سلمت يمينك على النقل

ومنا لمن لديه المعلومات الكافيه
عن شاعر القصيده

تحيتي لك

[زايد الروقي]

اخي الغالي : عبد العزيز الرشيدي


هذي القصيده لـ نمر بن عدوان وهي معروفه جداً


غناها عدة فنانين


و هي معروفه للجميع


دمت بخير


.....

[محمد الروقي]

صدقت يازايد

وقصايد علي القحطاني

كلها في شريط طاهر الحساوي

واخرها ياموت عجل وراح فيها الحساوي

تسلم اخوي على النقل والاستفسار تحياتي

[عبدالعزيزالرشيدي]

ابو عبدالرحمن

نورت يالغالي

الله يسلمك


تحياااااااااااااتي

[عبدالعزيزالرشيدي]

اخي العزيز

زايد الروقي


اشكرك جزيل الشكر على التوضيح


تقبل تحياتي وحترامي

[عبدالعزيزالرشيدي]

محمد الروقي


نورت يالغالي


الله يسلمك


تحيااااااااااتي لكــــ....