الى الشاعر سعد الحركان مع التحيه

[الصقر البرازي]

ياسعد يابن حركان الناس وين الناس قلي == مانشوف الشاعر اللي ينتفض لاجا طاريه

مدري السكر زياده 0من معه سكر لايحلي== مايذوق الا سميج ولا يج السكر شاهيه

[سعد الحركان]

الاخ البرازي الله يحييك واعذرني عن التاخير في الرد دوب وصلت

واللحن ما ادري هو مطابق والا الله يعين .. الحان النت يصاحبها احياناً عدم الدقه

وعلى العموم

اســــــــــــــــــمع


تنشد من الناس مير الناس فالمسجد تصلي=يالبرازي جاك ابن حركان كاسب كل هيه
من معه سيفٍ صقيل فالملاقا مايذلي=مير دوك الكيف واقرب خذ فنجال الشاذليه

[الصقر البرازي]

لاهنت واللحن هو اللحن


واستلم سلمك الله

والنعم يابن حركان اوسامع(ن)صوتك تهلي == مدري هو الخوف خمك ولا هيه طبيعيه

ولايفيد السيف لله لو حصل جاك المضلي ==حامل البندق كلاش وخاتمينه بالروسيه

[سعد الحركان]

سامع صوتي وقلبك يالعله فاطنٍ لي=ماتخوفني علومٍ كلبوها رومنسيه
مانظيع اولا نهس اولا نبور اولا نزلي=علم اللي جاته البارح مصيبه عالميه

[الصقر البرازي]

سامع صوتي وقلبك يالعله فاطنٍ لي=ماتخوفني علومٍ كلبوها رومنسيه
مانظيع اولا نهس اولا نبور اولا نزلي=علم اللي جاته البارح مصيبه عالميه
صح لسانك

واستلم طال عمرك

الصقر لاشاف صيده للفريسه مايخلي ==والعصافير الصغيره صيدها عندي خطيه

مانبوق ولانخون ولا نغش ولا نضلي ==علم اللي مافهمها قصة الشاطر عطيه

[سعد الحركان]

ياخطير لو سرح من الاحمدي يمسي حولي=والمشاكل والبلاوي لو يمر السالميه
جيت ساري واحسب إني ماظويت إلا محلي=والبرازي مانذمه من عصور الجاهليه

[الصقر البرازي]

صح لسانك
واستلم ثم خلنا ننام اشوي ونكمل متى ماتبي


احمد الله في بلادي حافظن ديني ودلي ==ماحصلي ماحصلك فاليال الغابريه

واعرف انا للضيوف اللي سواتك مانملي ==نذبح الحايل غداه وبالمسا نذبح مطيه



(دلي ) اي عادتي وطبيعتي

[صقر بن وايل]

قمة الأبداع وانا العب قدام صفك يالحركان ---واصل00واصل000

[سعد الحركان]

المخايل في سماها يالمكان المظمحلي=والهديه زاهبه وانته تعين للهديه
يالعيب لالعب لعبه ودارت له يجلي=وش تشيل من الزمان الشين والدنيا دنيه

[محمد الجبريني]

صحة السنتكم ياشعااااار
متابع لو خليتوها في المساء احسن من ذا الظهريه
قيلو قيلو هداكم الله ههههههههههههههه

تحيااااتي وفائق احتراااامي للجميع انا في صفك
ياسعد الحركان مدري ليش وما بيني وبيتك اي معرفه اظاااااهر
للاحااااطه وش السبب ؟؟؟ الله اعلم ,, من غيرأ قصور في اخوي الصقر البرازي
شاعر ونعم وكفو

[سعد الحركان]

صقر بن وايل

محمد الجبريني

حظوركم ومتابعتكم اكبر شرف لاهنتو لاخلا ولاعدم

الجبريني القلوب شواهد هذا وحنا ماتعارفنا وشلون لو تعارفنا هههههههههههه

يامل العافيه

[عز الرفيق]

صحت ألسنتكم وبيض الله وجيهكم على هالمحاورة الطيبه


واصلو

متابعين

[الصقر البرازي]

محمد الجبريني

عز الرفيق


مروركم ومتابعتكم وسام على صدرونا



لاهنتم

[الصقر البرازي]

المخايل في سماها يالمكان المظمحلي=والهديه زاهبه وانته تعين للهديه
يالعيب لالعب لعبه ودارت له يجلي=وش تشيل من الزمان الشين والا وش تخلي




ابوحر كان

انت علامك غيرت فالقافيه

عدل وانا في انتظارك ياطويل العمر

[الصقر البرازي]

مساك الله بالخير

واستلم


ياولد حركان عايش فالوناسه والتسلي == واللكاعه والتسكع دام تحميك البليه

خوفي والله من نهارن فيه للحيه تبلي ==تنطل الغتره وتركض للحدود الجنوبيه

[سعد الحركان]

يابعير منقطع قيده وفالحره مفلي=انت متعجل ولاكن فيك بعض المعنويه
احمد الله شامخ الهامه وبالي مسفهلي=منت حماي الجهام ولا انت خيال العبيه

[الصقر البرازي]

يابعير منقطع قيده وفالحره مفلي=انت متعجل ولاكن فيك بعض المعنويه
احمد الله شامخ الهامه وبالي مسفهلي=منت حماي الجهام ولا انت خيال العبيه



قالوا الما ذا هماج وقلت ماهو مشربللي ==مانذوق الا القراح وللمياه المعدنيه

اِسمع السامع وسّمع واستمع سمع المولي ==شفت خيل العز غارت معهن الشقرا سويه

[سعد الحركان]

ودي إنك يا اشقر الجنحان فالجه تعلي=مير اشوفك لو كفخت شوي ترجع للحويه
كان طالب علم هاوي لاتحلا بالتغلي=شاربٍ لك سم داب وقاطعٍ لي راس حيه

[الصقر البرازي]

اكتب الخط بالتفنن وانت تكتب بالتملي ==يابليدن فالدراسه صاقطن ميه بميه


راس حربه فالملاعب ياحتياطي يلي يلي == عرقت فوق الكراسي والمدرب ماش نيه


اعذرني على التاخر كنت اصلي في المسجد وقبل قليل جيت

تقبل الله من الجميع

[سعد الحركان]

ياحلو فنك وانا من هرجتك ماجيت كلي=وإن لمستك بالمعاني ظعت بالنفد الخليه
يامحارب يامدافع لاتمل ولا تكلي=العسل ما انته بحوله والنحل دون الخليه

[الصقر البرازي]

اخوي وعزيزي

الشاعر سعد الحركان لقد اسعدتنا باللعب معك

لك مني خالص التحيات والتمنيات

[سعد الحركان]

ابرك الحزات جمعتنا والله لايهينك

وصح لسانك

تحيات اخوك