الا يابن نميش الثور الابيض يا عميلي طاح..

[هداج تيماء]

ابن نميش

السلام عليكم ورحمة الله وبركاته

يطيب لي ان العب معك والفائده لي ...... متى ما سمح وقتك رد


الا يابن نميش الثور الابيض يا عميلي طاح = واظن الثور الاسود بعد بكره واصله دوره
وشنهي خانة اللي ما معه بين الرجال سلاح = يهز الكتف ويجر الغناء مع كل غندوره

[بعيد المراميس]

الله الله

هداج تيمآ ومبدأ ومعنى يرد الروح

الله الله عليك

وبأنتظار بن نميش الطرف الاخر للجزاله

متابع لعمالقة المحاوره

ابن نميش تراني في صف هداج ومعي مشعاب واخلاقي مقفله مرره يعني لاتهرجني مرره مرره هههههه

[هداج تيماء]

بعيد المراميس وشلون جمعتها


عملاق في المحاورة فقد قرات محاوراتك.............. ما شاء الله تبارك الله

مع خفة الروح وصفاء النفس وروح الدعابة وانا استمتع بردودك وتعليقاتك ربما اكثر

من المحاورات فهي طريفه جداً ............وايضاً ما شاء الله تبارك الله

ما اقول الا كثر الله امثاللك

ويشرفني كثيراً وجودك في صفي



وبا نتظار ابن نميش كان عنده نيه

[باتريوت]

يا سلام يا هداج وكذا اللعب والا بلاش
تحياتي لكل شاعر معنى ولأهل غرابيل

[برج المملكه]

هداج

لله درك و الله لايضرك

مبدع و رأيي تخبره زين .. واصبر عليّ لين ارد لك بيوت التهنئه اللي هناك :(

واصل يامبدع و تراني في صفك

وفي صف ابن نميش بعد :)

تحاياي

[هداج تيماء]

اخوي باتريوت الله يحييك

ارحب يا رجل


وما يطرب للمعاني الا اهلها وانت اكيد منهم


برج المملكه ........ لاااااااااا يعني ما غيرك الاشراف والله تمر ومتواضع

ههههههه

يا مرحبا ياربي حيه

بعض ما لديكم

وما عليك معك لين تصير مراقب عام للمنتديات ...... هههههه

[ابن نميش]

ابن نميش

السلام عليكم ورحمة الله وبركاته

يطيب لي ان العب معك والفائده لي ...... متى ما سمح وقتك رد


الا يابن نميش الثور الابيض يا عميلي طاح = واظن الثور الاسود بعد بكره واصله دوره
وشنهي خانة اللي ما معه بين الرجال سلاح = يهز الكتف ويجر الغناء مع كل غندوره

والله ما شفت بيوتك الا الان

استلم

الا يا محسب الثيران ما حسبت بالارباح = ولاكن شد فشراع السفينه واضرب بحوره

توقع لاتغرك حبكة الغتره مع المسباح = ولا عزمت يالاعب تحيزم وادخل الدوره

[هداج تيماء]

اظنك من حوادث عصرنا واللي جرى مرتاح = عن علوم الشكاله منشغل بالفن والكوره
هدفنا شام درج يم دار الأرز والتفاح = وخل الثور ياللي ما قدرت تفسر الصوره

[الصقر البرازي]

هداج تيماء


والابداع بعينه ملازم لابياتك


اقول



الله لايضرك

[عز الرفيق]

الله الله

إبداع إبداع إبداع


واصلو واصلو

[هداج تيماء]

الصقر


عز الرفيق


يالله حيهم


والابداع هو تواجدكم


ومتابعتكم تشرفنا

[اسامي]

الله الله


هداج تيما


مبدا كايف

وابداع متجدد


ابن نميش صح لسانك ولاهنت


واصلوا

[ملحق المخلين]

هداج تيماء



أبداع ليس مستغرب على هداج ..


هداج وأبن نميش

متابعين

[محمد الجبريني]

الله الله سجلوني متابع
صح الله الساااااان هداج مبداء ومعني
اجتمعة في هداج ولاهان اخوي ابن نميش
من غير اقصور فيه تراه فاهم المعنا بس
ماهو مستعجل على قبس الفتن ههههههههههه
الشااااعر ديزل مايحمي الا بعد يطول المشوار
شوي ويجيك يا هداج والله يعينمك على الاحراج

انا في صف اخوي ابن نميش
وضد الاسماء المستعااره الي يوم القيامه ..
ماريح اجي في صفهم ابد ابد الا اني اعرف صاحب الاسم,
معرفه شخصيه ويكون قد المسؤليه وقد العلم
من دون قصور في هداج تيما او في احد بتاتً وهداج كفو وشاعر يدل عليه بدعته ومعناه
تقبلو اطيب تحيه وللجميع
فاائق الاحترام

[ابن نميش]

اظنك من حوادث عصرنا واللي جرى مرتاح = عن علوم الشكاله منشغل بالفن والكوره
هدفنا شام درج يم دار الأرز والتفاح = وخل الثور ياللي ما قدرت تفسر الصوره

ههههههههههههههههههه

الله لايهين محمد هو اللي عرف العلم ويلمح بالديزل
هههههههههههههههههه

صفقوله

استلم

ليا حاولة تفتل لاتوقع نقضنا فضاح == ولاكنك على ما قال موتر طافين نوره

ليا صارت قضيه واضحه قالو حصات رزاح == نبي شي جديدن مانبت والارض ممطوره

[هداج تيماء]

على هام السحابه مير ما حلقت يا سداح = جناحينك عن التحليق فوق السحب مكسوره
بلشت ولك ثلاث ايام في بحر العرب سباح =لكن ارسل لبرج المملكه يعطيك بابوره

[هداج تيماء]

اسامي

مرحبا

مرورك يشرفنا وشهادتك نعتزبها

وصح بدنك يا اسامي


ملحق المخلين

هلا

يالله حيه لنا الشرف بتواجدك

صح بدنك

ولك شكري


محمد الجبريني

مرحبا يامحمد

نورت وكلام رائع من انسان فاهم وخلوق

وخفيف دم بعد

صح بدنك وشكرا لك

[ابن نميش]

على هام السحابه مير ما حلقت يا سداح = جناحينك عن التحليق فوق السحب مكسوره
بلشت ولك ثلاث ايام في بحر العرب سباح =لكن ارسل لبرج المملكه يعطيك بابوره

استلم

الا واعزتيلك عقب ما لوحت بالملواح = عقب كل المهايط عودت في سد حنجوره

ياليت اسمك ياهداج الضوامي فالعلا ماطاح = وبرج المملكه يضحك على اللي صر مصروره

[هداج تيماء]

نلوح والعلوم الغانمه معنا عليها وشاح = بيارقنا على روس الجبال الصم منشوره
بنيت القصر وانته رحت تلعب لعبة المرجاح = وانا وش في يدي كان الحظوظ القشر معثوره


طاح سرت الها ثلاث ايام للعلم

[ابن نميش]

نلوح والعلوم الغانمه معنا عليها وشاح = بيارقنا على روس الجبال الصم منشوره
بنيت القصر وانته رحت تلعب لعبة المرجاح = وانا وش في يدين كان الحظوظ القشر معثوره


طاح سرت الها ثلاث ايام للعلم

الله يذكرك بالشهاده

مير اللي راح راح والله مادريت عنها


استلم

مادام انك لبست وشاح لاتزعل من الامزاح = وخيرلك ترد ايدك والرجلين مقصوره

تراني لابغيت العب لعبت وسدنا ماباح = ونكرم لحيت الطيب ونسقي كل مقهوره

[هداج تيماء]

قلعت القافله وديتها لبحيرة التمساح = وعذرك شجرة سيقانها من تحت منخوره
حلاة اللعب لا جا فيه يالمطنوخ زرق رماح= ويخلف رونقه هزل الكلام ويقطع سيوره

[ابن نميش]

قلعت القافله وديتها لبحيرة التمساح = وعذرك شجرة سيقانها من تحت منخوره
حلاة اللعب لا جا فيه يالمطنوخ زرق رماح= ويخلف رونقه هزل الكلام ويقطع سيوره

استلم

اثر لعبن معك ياصاحبي يجلى صدا الارواح = واثر ماهمك يلبس جنز مدري نص تنوره

يقولون العرب للي سرح لايبعد المسراح = ولامنه غدا محدن درا والناس مستوره

[ابن نميش]

تعديل

واثر ملهمك يلبس جنز مدري نص تنزره

[ابن نميش]

امحق تعديل

هههههههههههههههههههه

الضاهر النوم قرب

اثر ملهمك يلبس جنز مدري نص تنوره

[هداج تيماء]

عنزنا نحسبنك للخيول المقبله نطاح= وراع الهقوه ان خابت تلخبط عنده اموره
وراع الشاحنه منجوم روح مع طريق رماح= محمـّـلها بصل ويشيل وسط ايديه شابوره

[ابن نميش]

عنزنا نحسبنك للخيول المقبله نطاح= وراع الهقوه ان خابت تلخبط عنده اموره
وراع الشاحنه منجوم روح مع طريق رماح= محمـّـلها بصل ويشيل وسط ايديه شابوره

والله اني في مقهى والحسابه تحسب على ما قال الشيباني

استلم


وتبشر بالسعد لاكن يا تعبان ما ترتاح = ولا يرتاح من شال الثقيله واصطغا كوره

تراء ماجبت غير العافيه لون صدرك فاح = ولاكن شوفلك واحد يجامل وامدح اشعوره

[هداج تيماء]

على حيد السنام بضاعتك مار الجهل ذباح = يضيع صاحبه لو قام ينفخ فارغ صدوره
تراها قرصة أذن ووحـّده مانته بحمل اجراح = تدربي فالحصا والقرم في غاربك باكوره

[ابن نميش]

على حيد السنام بضاعتك مار الجهل ذباح = يضيع صاحبه لو قام ينفخ فارغ صدوره
تراها قرصة أذن ووحـّده مانته بحمل اجراح = تدربي فالحصا والقرم في غاربك باكوره


اخوي هداج اختامها عندك انا ابي انام والله ماعاد اشوف

استلم

ياهداج الضوامي غثربت جمك عساها اقراح = ولاكن ودها تسبيك باليات ماصوره

عسى الله يخلف يالشاعر اللي يبغي الفراح = ولاكن عقب سرحها وفتش كل مذخوره

[هداج تيماء]

حبيب وش يسوي ياعرب لو ما لقا القرقاح= يقضي ليلته مع شاعرن شلفاه معجوره
نويناها فرح لكن شفتك تعشق الاتراح =تلوى والسهوم اللي تلوى دوم مدحوره


نوم العوافي اخوي ابن نميش