يا سلام الله سلام(ن) من النوع الثقيل

[هداج تيماء]

السلام عليكم

مصافحه اولى لكم من اخوكم هداج


يا سلام الله سلام(ن) من النوع الثقيل=ردة (ن) تضفي على الملعبه ورجالها
الجميله يا هل العرف مع راع الجميل = وما يثبت غترة الرجل غير عقالها

[عز الرفيق]

صح لساااااااااااانك


ياهداج تيماء


مبدا كايف

و

متاااااااااااابع

[برج المملكه]

وعليكم السلام

مرحبا ياهداج تيما وتشرّفنا مصافحتك واسمح لي بمجاراتك

استلم


مرحبا ترحيب مثل القراح السلسبيل=عدّ ما لاحت بروق السما بخيالها
دلّة الرسلان بالهيل و الا الزنجبيل=دايمه و يكيّف اهل الوفا فنجالها

[هداج تيماء]

عز الرفيق


يا هلا ومسهلا

وصح بدنك


ومشكور


برج المملكه

اشهد انك البرج فعلاًَ

وما خاب اللي سماك


صح لسانك

ويشرفني بل وافخر بمجاراة

شاعر بحجمك

[الصقر البرازي]

مساكم الله بالخير


اشهد انه ابداع


ونحن متابعون لكم


واقول



الله لايضركم

[هداج تيماء]

استلم يالبرج الشامخ لا هنت



البقا تعداد ما سال فالوديان سيل =بالرجال اللي لقينا كريم خصالها
يشهد الله كنك اهديتني تمر النخيل =والسهوم تبين لا شفت حيد نصالها

[هداج تيماء]

الصقر البرازي

حياك الله اخوي

شهاده نعتز فيها

ومرورمشرف

ويعطيك الف عافيه

[برج المملكه]

مرحبا ياهداج ولاعليك زود فيما ذكرت

واشهد انك شاعر وتشرفني مجاراتك والاستفاده منك

استلم طال عمرك


انت يا هدّاج تيما تعلّ و لا تعيل=كل كبدٍ ضاميه بلّها بطحالها
سرّها ماعاد فيها مبات و لا مقيل=وطّ راس ام الكباير و ذكّ عيالها

[هداج تيماء]

اسلم يالبرج العالي

جمعت الموهبه والخلق الكريم






مالك الا من يعدي على الرجم الطويل = والبنوك المركزيه يفك اقفالها
نمنع الفريس والخيل يمك ما تميل = عم ليلى يا عرب كيف يغزي خالها

[العسجديه]

هداج تيماء بدايه تبشر بتواجد شاعر من العيار الثقيل

برج المملكه ليس هناك من جديد لاقوله فانت بغنى عن اي اطراء

لكن ساظل متابعه لمدرستك الشعريه

صحت قلوبكم


متابعه

لكم احترامي وتقديري

[برج المملكه]

ماعليك زود و ياسلام عليك

استلم الله لايضرك


البنوك ام الذهب مالنا منها حصيل=لو نلدّ العين فجنيهها و ريالها
احتزم بحزام جمبك و بالسيف الصقيل=انت خيّال الكحيله و انا خيّالها

[ابن نميش]

مساكم الله بالخير

تحيه لكم على الابداع

وانا متابع ومعجب بشاعريت البرج

ولا يهون هداج تيماء

الليل

[برج المملكه]

عز الرفيق

حياك الله و شرفتنا

الصقر البرازي

لاهنت و سلمت على اطراءك و حضورك

العسجديه

حضورك يزيد النور نور

وتشرفنا متابعة شاعره بحجمك

لاهنتي و دمتي بهذا الجمال

تحيّاتي للجميع

[محمد العطاوي]

هداج تيماء عيني عليك بارده

عز الله انك شاعر من الوزن الثقيل


برج المملكة وش نقول فيك وش نخلي ,, شاعر ولله درك يابحر




متااااابع

[هداج تيماء]

استلم يا برج المملكه

لا هنت



من يروم العز يخطب من البيت الاصيل = ومن سعى خلف الشكاله بعزمه نالها
محتزم ياذيب ياللي مع الغدرا دليل =مار فالديره خشوف (ن) لمحت ازوالها

[هداج تيماء]

العسجديه

مشكوره على مرورك

وتسلمين يالنشميه على تعليقك


ابن نميش

مساك الله بالرضا

لاهنت


شرفتنا بتواجدك


غرابيل الدهر

يا هلا

شرفتنا

وتقبل شكري


جميع الاخوه شكر ا

لكم على المتابعه

وعساكم سالمين وهذا دليل

علىما يسمو به هذا المنتدى من

شعار واعضاء رائعين

[برج المملكه]

الله الله الله

عندك :)


لو جمال عقيل ما يلتفت فيها عقيل=ماتسرّح له قبيلة عقيل جمالها
شابت الدنيا و لا عاد فيها مستحيل=قامت الحرمه تنافخ على رجّالها

[برج المملكه]

ابن نميش مسيك بالخير و الرضا و اعجابك يشرفني ومحل اهتمامي لاعدمتك

غرابيل الدهر شكراً لتشريف حضورك و مرورك الاكثر من رائع لاعدمتك

شكراً لكم

[هداج تيماء]

استلم يالبرج لا هنت


ما خبرت الناقه تحط فالسوق وتشيل = والجليله ياكليب انت تبخص حالها
العوى ياصاحبي مايشابه للهديل = والليالي بدرها غط نور هلالها

[برج المملكه]

استلم لاعدمتك


ياوسيع المعرفه كل تاجر له عميل=واغلب التجّار تحتار و يورّالها
القمر غطّى بنوره على الجدي و سهيل=وانت شوق البنت و اللي يدور فـ بالها

[هداج تيماء]

يا سلام يا سلام

استلم طال عمرك





الكريم ان سيّر يشوم عن دار البخيل = واكثر العربان معروف روس اموالها
والكرام اللي سواتك مع العالم قليل =ما تضيع العفر والصيرمي يبرالها

[برج المملكه]

الله الله

واعذرني على التاخير لاداء الفريضه

استلم طال عمرك


الديار الممحله ما يشدّ الها الرحيل=حيّها ميّت و فال الله و لا فالها
وانت ياهدّاج طرقي و انا عابر سبيل=والدروب انقطّع اقصارها و اطوالها

[هداج تيماء]

معذور يالبرج حتى انا لم اكن موجود ذهبت لاداء الصلاة ورجعت عاشوا امثالك

استلم يالسنافي


المعزب عنده الطب وعلاج العليل = وانت اظنك جايز (ن) لك لذيذ اقوالها
آه يالبنان ضاعت وغزه والخليل = العروبه وين راحت وراح ابطالها

[برج المملكه]

تقبل الله منا ومنك

واستلم لله درك


أكثر أقوال الشواعير من هذا القبيل=وان مدحت اقوالها ما مدحت افعالها
في اليهودي حسبنا الله و نعم الوكيل=الهزيمه بعد بكره يجرّ اذيالها

[هداج تيماء]

برج المملكه استلم لا هنت




وين طارق وين خالد وعمر وشرحبيل = عــّـرف للعارف وجهلا (ن)على جهالها
ماضي التاريخ زاهر وحاضرنا هزيل= وارضكم يا البرج محفوظ فيها اثقالها

[بعيد المراميس]

الله الله الله

هداااااج تيما يامرحبآ ومسهلآ وعز الله انك اسم على مسمى لاعدمتك


برج كالعاده ياولد العم لاتعليق


تابعوا ونحن متابعون للفائده



اخوكم

[هداج تيماء]

بعيد المراميس

المهلي ما يولي

والله يبقيك

ولك عميق الشكر على تعليقك

وانا المستفيد من برج المملكه ومن الشعراءالعمالقه امثالكم

[برج المملكه]

الله الله

هداج تيما استلم و صح لسانك و سلم راسك يعلم الله اني تشرفت و استفدت ايّما استفاده

والحين اعذرني صار لازم اطلع والجايات اكثر باذن الله ..

تصبح على خير


اربعه والاربعه ما لواحدهم بديل=امّة الاسلام من وضعها يرثالها
النباله صدق و الصدق في قلب النبيل=مار شوّش تالي الوقت بثّ ارسالها

[هداج تيماء]

برج المملكه

انت حقاً برج شامخ

كان لي شرف اللعب معك والفائده لي

الله يعطيك العافيه وصح لسانك

تقبل شكري وتقديري

والشكر موصول للاخوان

الذين علقوا وتواجدوا

[الرويحـــي]

صح السانك ياهداج تيما

فعلا اسم على مسمى مشالله عليك

وصح السانك يابرج المملكه
وانت مشالله عليك ماتبي شهاده من احد


بيض الله وجيهكم يالثنين على هالمحاوره الجزله


تحياتي لكم


اخوكم : الرويحـــي
s.t

[برج المملكه]

بعيد المراميس

صح بدنك و شرفتنا بحضورك و متابعتك لاعدمتك

سلمت يابو جسار

وتصبح على خير

برج

[عز الرفيق]

صحلسنتكم

هداج تيماء إبدعت ولا قصرت


برج المملكه ياسلام عليك



أخوكم
عز الرفيق

[سعودعبدالله]

هداج تيماء وبرج المملكه

بيض الله وجيهكم ولاهنتووو على هالطاروق الجزل

صحت قلوووبكم


سجلووو اعجابي

[عصويد بن مشعان]

صحت قلوووووووووبكم
لا هنتو يالقروم وبصف هداج وما يهون برج

[هداج تيماء]

الرويحي


عز الرفيق



سعود عبد الله


عصويد مشعان


هلا والله فيكم

وصحت ابدانكم

لا عدمناكم يالنشاما

[برج المملكه]

الرويحي


عز الرفيق



سعود عبد الله


عصويد مشعان

شرّفتونا لا عدمناكم

تقبلوا التقدير و الاحترام من لدنّا :)