باتريوت تعال وحيل الله أقوى

[ملحق المخلين]

أستلم والفايده ألي طال عمرك



،،،،،،،،،،،،،،،،،،،،،،،،، ،،،،،






أنا أطرب على قيفان شاعر غرابيل=أقيم وهذي في عميلي قليله

أشوف العرب تكتب ولابه محاصيل=ووينه بعد ماروحت في شليله

[باتريوت]

وانا اطرب على قيفان بعض الرياجيل = ليا صار شاعر خابره من قبيلة
ليا فاحت الرسلان بالبن والهيل = عسى الله يثيبك كان ماها ثميلة

[باتريوت]

ملحق المخلين والله كنت اتمنى انها تكون مباشرة
ولكن عندي مقناص لمدة اسبوع وانا ماشي اليوم
والوعد الاسبوع الجاي ان شاء الله ولا يهمك راح يشيب
القاف
تحياتي لك ولكل اعضاء غرابيل

[الصقر البرازي]

عاااااااااااشو النشامى

وترانا متابعين بعنف


واقول الله لايضركم

[باتريوت]

هلا حياك الله يا صقر
تحياتي يا غالي

[ملحق المخلين]

الصقر البرازي

سلمت


باتريوت

تروح وتجي بالسلامه

وأستلم متى ماجيت.



أقول اليهودي ماقراء سورة الفيل=ولاله على الدنيا حياة.ن طويله
أنا مابقي لي كبد من كثر ماقيل=يعمرون ساس البيت حيد المسيله

[باتريوت]

ملحق المخلين تحياتي
وازهل الوعد




وانا اقول فالدنيا حياته تساهيل = يهدم البيوت ولا لهم فيه حيلة
ليا صار ساسه هش يشتاله السيل = وتبرد غبونك كان كبدك عليلة

[ملحق المخلين]

سلمت

وأستلم



وأنا قول جاهد كان ماتقبل الميل=حياة الفخر وألا حياة.ن ذليله
أنا أبغاك تشرح شرح موجز بتفصيل=وعبر عن اللي في ضميرك تشيله

[باتريوت]

ليا شدوا الهمة هل الجيش والخيل = ترانا السيوف الصاطيات الصقيلة
يقولون جيل راح ما يشبهه جيل = بيوته جزيلة والمعاني ثقيلة

[اسامي]

الله الله


ملحق المخلين وباتريوت


صح السنتكم يالثنين


مبدعين الله لا يضركم


واصلواا

[ملحق المخلين]

أسامي ربي حيه تشرفنا بمرورك العطر



بعد ماذبح قابيل بالفاس هابيل=الي مدة.ن مدري وش اللي يخيله

ولن زتها يمه يبا يطفح الكيل=نبا نحتم الميقاف بيت وسيله

[باتريوت]

اسامي مرحبا وهلا وغلا

[هداج تيماء]

ملحق المخلين وبا تريوت



نتابعكم باعجاب


جزلين


صحت السنتكم

[باتريوت]

انا اشوف حمل الخير مشتاله شعيل = وراعَ الحمل قفى وربي وكيله
ليا شفت وجه الشيخ لا يبرد الحيل = تراه ان لقا المظلوم يطلق سبيله

[باتريوت]

هداج تيماء هلا وغلا بشاعر المعاني الجزلة

[ملحق المخلين]

هداج سلمت يالقرم...
.........................................



أستلم


أنا معتقد كثرت عليك التأويل=تسوق الحميا فيه دامك قبيله

نبا بعد هذي تترك الحط والشيل=حذاري تشب النار جنب الفتيله

[باتريوت]

تراك اتهرج والهرج قافيه تحليل = عيونٍ تشوف وقلب خصمك دليله
عقب وقع السباح في غبة النيل = اظن العرب ما عاد فيها عقيلة

[ملحق المخلين]

ليا شفت لعب.ن مثل لعب البرازيل=ملومك بعدها لوتجر الطويله

وكيل لعتيبه دام في هامتي حيل=ولن مت قالو شيخ هاك الفضيله

[باتريوت]

ملحق المخلين انتبه للي سرن
واستلم


ليا بان نور البدر غطى على سهيل = ولا احد يشوفه لوسهر كل ليلة
انا خابرك من عزوة تذبح الحيل = ولا ادري زبون الطيب والا الفشيلة

[ملحق المخلين]

أستلم=

الن جالها عايد تجيك البهاذيل=ولا همني لو كان يلعب بذيله

مشالله تعرفون الرجال المشاكيل=وتعرف كليب اللي يعشق الجليله

[باتريوت]

مدام القضية عودت هزة الذيل = عسى الله يعز مقدمين الجميلة
هروجك تبين نيتك وانك حليل = ودمك مع الشعار ماله فصيلة

[ملحق المخلين]

باتريوت

سلمت

ويشرفني العب مع شاعر بحجمك.

وهاذي الختاميه وتصبح على خير




أنا القا عليكم ياعميلي مداخيل=ولا يغني الفقران سطل البليله

أنا مر علقم بعد ماجاكم الويل=ونشف الكبود الحاميه والغليله

[باتريوت]

بصراحة شاعر ولا انت بحاجة شهادة
والله ونعم يا نسل الحرار
الشرف الي طال عمرك
تحياتي

[عاشق الطيب]

صحت السنتكم جميع
وبيض الله وجيهكم
ياملحق المخلين وياباتريوت
ابداع والا اجمل
تحياتي عاشق الطيب