العسجديه تعالي

[اسامي]

العسجديه كانك فاضيه ودي العب معك طاروق



من بعد ما غار العدو فارض لبنان = الله يستر لايجي في غرابيل

والعسجديه صرّحت مار للآن = تصريحها عادي ولا يعدل الميل












.

[العسجديه]

مرحبا اسامي ويشرفني العب معك ومنك اتعلم


تصريح مابه شك والفعل برهان0000 حنا هل الطالات والسيف والخيل
لبنان تبكي والعزى درع سلطان0000 لارسل حرار الجو تصحي مهابيل

[حامل الرآية]

هالله هالله

اسامي

العسجديه

لله دركم

صحت السنتكم ولاهنتم

بدايه قويه

سجلوني متابع

تحياتي للجميع

حامل الرآية

[اسامي]

الله الله يالعسجديه


والله يشرف منزلتك عنده



حنا تعبنا بين راضي وزعلان = نزرع ولكن مانحصل محاصيل

ماسدك اللي نصرفه دون حسبان = لا تيتمين الناس جيل ٍ ورى جيل

[اسامي]

حامل الرايه

هلا وغلا وصح بدنك ولاهنت

ومتابعتك شرف يا غالي

[العسجديه]

الله الله عليك


استلم



الدين يامر نتحد مثل بنيان0000 يكفي مهانة مامضى يارياجيل
ماعادبه صده ولاسلم يافلان0000 جيش اليهودي عاث بالارض تنكيل

[العسجديه]

حامل الرايه يشرفني مرورك وشاكره متابعتك

[اسامي]

الله الله



ان عوّدت للدين كلن له اديان = ناس ٍ على المله ولا توفي الكيل
حنا بنعمه ماتقدّر بالاثمان = والمعتدي يلقى سيوف ٍ مصاقيل

[العسجديه]

استلم لاهنت


خل السياسه لابو متعب بليهان0000 معه الدروب الجرهديه تساهيل
اقولها لو كان فالامر ماكان0000 شباب ماتشفي كبود ٍ مغاليل

[اسامي]

ههههههههههههه


الله الله


ها دووووك




والله ونعم ٍ ببو متعب كحيلان = اليا انتخا يبشر بجيش ٍ كما السيل
حنا شباب الجيل خطلين الايمان = يومنّـكن مابين ياهو وهوتميل








.

[برج المملكه]

اسامي وبداية معلم و دكتور

و العسجديه شاعره بمعيار و منظور

وموضوع قوي و محاوره قويّه

وشاعر قوي و شاعره قويّه

متابعتي وانا في صف العسجديه وليلكم ليل يالشباب التالي :)

سلامي عليكم

[العسجديه]

استلم لاهنت


حنا عزاويكم على مر الازمان 0000 ياجاهل ٍ فينا خذ العلم تفصيل
كليب مالد النظر قصد حقران0000 لين اعطبه جساس والقول تمثيل

[العسجديه]

برج المملكه هيبه بالحضور طغى فيها تواضعك بالمتابعه

تخذلني كلمات الشكر

مرور وحضور مشرف

لك احترامي وتقديري

[اسامي]

طيب طيب


استلمي




وحنا ذراكم لاقسى الوقت او لان = حامينكن حتى من القال والقيل
يالعسجديه كلمتك دون ميزان = وين العيون اللي هدبها مضاليل

[اسامي]

برج المملكه

حي هالحضور والله


متابعتك شرف

وحيااااك الله


لاعدمت تواجدك

[العسجديه]

استلم وصح لسانك رائع كماعهدتك واستفدت الكثير من مجارات شاعر بحجمك


الشك زايل عنك ولاانت شقران0000 ضربت يمينك عادلت فعل اساطيل
بنت ٍ الرجال تزود والهرج نقصان0000 هواي من روس الرجال المشاكيل

[اسامي]

المشاااكيل


صح بدنك يالعسجديه


استمتعت معك وعمت الفايده


لاهنتي يالمبدعه

[برج المملكه]

اسامي و العسجديه

ابدعتوا و امتعتوا لله دركم

صحت السنتكم ولاهنتوا

تقبلوا تحياتي واحتراماتي

برج

[العسجديه]

برج المملكه صح بدنك ولاهنت على المتابعه

دمت بخير

[اسامي]

برج المملكه




شرفنا حضورك ومتابعتك



لاهنت يابعدي

[سعودعبدالله]

يا سلام يا سلام

اسامي لله درك يا مبدع وصح لسانك على هالطاروووق الكايف


العسجيه . لله درك وصح لسانك مدد ولاهنتي على هذه الجزاله الغير مستغربه


بيض الله وجيهكم


وسجلو اعجابي الطازج

[ملحق المخلين]

محاوره قمه


شعراء بمعنى الكلمه فتل ونقض


ياسلام عليكم


أحسدكم هذه المحاوره.




اسامي




العسجديه


سلمتو