محمد فراج الدوسري
24-07-2006, 11:00 PM
السلام عليكم
سوف القيها بعد غدٍ في حفل ختام حلقة النور بمسجد بن عريمه في مخطط الولامين على شرف سعادة محافظ وادي الدواسر بتاريخ 2/7/1427هـ اي ملاحظه لاتبخلون على اخوكم
للجميع الود والورد
======================
يالله يامنزل تبارك وياسين=والملك والتوبه وطه والانفال
ياهازم الاحزاب وجيش المعادين=ياناصرٍ عبده على مر الاجيال
يالله تعين اللي شكا قلة البين=وده ولا يقدر على رشة الجال
الشاعر الي ما تغزل بنرمين=ولا تذكر مامضى فوق الاطلال
مضمون قافه مارمته النياشين=أبعد من سهيل الجنوبي على شمال
يقدر على ذبح القوافي ببيتين=توّه على لسانه ويطري على البال
له صوله وجوله بشتى الميادين=مخاويٍ ذيب المغاره وعيّال
مجندٍ نفسه لحرب الشياطين=عزٍ لبن عمه وعزٍ لبن خال
لولا التضرع والدعا كان هو وين=البحر من خلفه ومن قدمه أدغال
يارب ثبتنا على عروة الدين=وجعل لنا الفردوس مأوى ومنزال
عز الوطن عز الشعب والسلاطين=اخوان من طاعوه في كل الآحوال
الراكعين الساجدين المقيمين=اللي لهم في قمت المجد منزال
طاعة ولي الأمر شرع المنيبين=ماننقض عهود الولا سلم وقتال
يالله جنبنا الفتن قولوا آمين=آمين جنبنا بعد سوء الاعمال
مابين افراط المفرط وغالين=عمت وطمت بالفتن والجدل طال
الملتزم في مظهره ماملا العين=والمرجفون تباشروا والربض قال
بان المنافق والزمر والمهوّين=أهل الرخا واما الشدايد لها رجال
لاثارت الهيجا فحنا ملبين =تحت اللواء ماحنا خفافيش ضُلال
دواسر كواسرٍ دوم ضارين=للحق عقالٍ وللجهل جهّال
عيال زايد يعلم الله معدين=مرقابنا عالي ذرانا له ظلال
أبواننا جداننا قبل مردين=حوض المنايا ياهم رجال وجبال
حنا على المنهج وبالله قوّيين=والسيف اصدق من نبأ كل الأمثال
في لله مجلسنا خوان ومحبين=ياطيب راعي الدين أطيب من الفال
بعض العرب من وين ماوجّه يبين=تلقا البشاير في دروبه والآمال
أبو معاذ الشيخ إمام المصلين=قايم على التحفيظ بالجهد والمال
النور أسسها وجهد المقلين=دايم وهو للخير منصا ومدهال
ترجح به كفوف العدل والموازين=ماطففه مره إذا جا بيكتال
ياما دفق وجهه وهو من عزيزين=يستجدي التجار واصحاب الاموال
مره ورا مره يقولون بعدين=بشق الانفس جر منهم كم ريال
ماكنه الا يطلب اقساط بالدين=ولا الغريم اللي شكا قلة الحال
محاميٍ في وقت قل المحامين=يكثر به أشباه الرجاجيل وازوال
كلٍ يبي يرقا على اكتاف عالين=كلٍ يبي يحمد وهو ماله افعال
وختامها مسك الختام بعناوين=لازال فينا الخير لازال لازال
الله يعين اللي نوى الله يعين=حفظ الكتاب إن قاله الله بيحتال
صلوا على أحمد رسول الثقلين=المصطفى الهادي والاصحاب والآل
سوف القيها بعد غدٍ في حفل ختام حلقة النور بمسجد بن عريمه في مخطط الولامين على شرف سعادة محافظ وادي الدواسر بتاريخ 2/7/1427هـ اي ملاحظه لاتبخلون على اخوكم
للجميع الود والورد
======================
يالله يامنزل تبارك وياسين=والملك والتوبه وطه والانفال
ياهازم الاحزاب وجيش المعادين=ياناصرٍ عبده على مر الاجيال
يالله تعين اللي شكا قلة البين=وده ولا يقدر على رشة الجال
الشاعر الي ما تغزل بنرمين=ولا تذكر مامضى فوق الاطلال
مضمون قافه مارمته النياشين=أبعد من سهيل الجنوبي على شمال
يقدر على ذبح القوافي ببيتين=توّه على لسانه ويطري على البال
له صوله وجوله بشتى الميادين=مخاويٍ ذيب المغاره وعيّال
مجندٍ نفسه لحرب الشياطين=عزٍ لبن عمه وعزٍ لبن خال
لولا التضرع والدعا كان هو وين=البحر من خلفه ومن قدمه أدغال
يارب ثبتنا على عروة الدين=وجعل لنا الفردوس مأوى ومنزال
عز الوطن عز الشعب والسلاطين=اخوان من طاعوه في كل الآحوال
الراكعين الساجدين المقيمين=اللي لهم في قمت المجد منزال
طاعة ولي الأمر شرع المنيبين=ماننقض عهود الولا سلم وقتال
يالله جنبنا الفتن قولوا آمين=آمين جنبنا بعد سوء الاعمال
مابين افراط المفرط وغالين=عمت وطمت بالفتن والجدل طال
الملتزم في مظهره ماملا العين=والمرجفون تباشروا والربض قال
بان المنافق والزمر والمهوّين=أهل الرخا واما الشدايد لها رجال
لاثارت الهيجا فحنا ملبين =تحت اللواء ماحنا خفافيش ضُلال
دواسر كواسرٍ دوم ضارين=للحق عقالٍ وللجهل جهّال
عيال زايد يعلم الله معدين=مرقابنا عالي ذرانا له ظلال
أبواننا جداننا قبل مردين=حوض المنايا ياهم رجال وجبال
حنا على المنهج وبالله قوّيين=والسيف اصدق من نبأ كل الأمثال
في لله مجلسنا خوان ومحبين=ياطيب راعي الدين أطيب من الفال
بعض العرب من وين ماوجّه يبين=تلقا البشاير في دروبه والآمال
أبو معاذ الشيخ إمام المصلين=قايم على التحفيظ بالجهد والمال
النور أسسها وجهد المقلين=دايم وهو للخير منصا ومدهال
ترجح به كفوف العدل والموازين=ماطففه مره إذا جا بيكتال
ياما دفق وجهه وهو من عزيزين=يستجدي التجار واصحاب الاموال
مره ورا مره يقولون بعدين=بشق الانفس جر منهم كم ريال
ماكنه الا يطلب اقساط بالدين=ولا الغريم اللي شكا قلة الحال
محاميٍ في وقت قل المحامين=يكثر به أشباه الرجاجيل وازوال
كلٍ يبي يرقا على اكتاف عالين=كلٍ يبي يحمد وهو ماله افعال
وختامها مسك الختام بعناوين=لازال فينا الخير لازال لازال
الله يعين اللي نوى الله يعين=حفظ الكتاب إن قاله الله بيحتال
صلوا على أحمد رسول الثقلين=المصطفى الهادي والاصحاب والآل